खे़न्नुःल्ले़ग, खे़ङ्हाॽरे़ खुन्छिॽ सुफोहाॽ इङ्ले़क्पा चोक् हे़क्क्याङ् मे़न्वाॽमनाबा माङ्निङ्वाॽपान्हाॽ मे़बाःत्तु॥ यहवे दाङ्बे़ल्ले़ खे़ङ्हाॽ आप्फाल्ले़आङ् मे़बाङ्घुसिन्छाङ् खे़ङ्हाॽरे़ अक्खे मे़बाःत्तुॽ, “कन् इङ्घङ्ङिन्ग यहवे दाङ्बालाम् के़दाबारो॥” हे़क्केसाङ् खे़ङ्हाॽरे़ खुन्छिॽ माङ्निङ्वाॽपान्हाॽ खुने़ॽ के़त्तुर के़लॽबा निङ्साङ् मे़जोगुॽ!
यर्मिया 5:31 - लिम्बु31 माङ्निङ्वाॽपान् के़बाःप्पाहाॽरे़ इङ्ले़क् माङ्निङ्वाॽपान् मे़बाःत्तुरो, निङ्वाॽफुसाम्बाहाॽरे़ आबाङे खुन्छिॽ निङ्वाॽ पाःत्पाःत् युक् मे़जोगुर मे़वाॽरो हे़क्क्याङ् आङ्गाॽ आमनाहाॽरे़ग हे़क्तङ्बाए खुन्छिॽ सिराॽथाङ्लो॥ कर आमनासे कुनुप्मोग खिनिॽ थे के़जोगुम्मिरो?” Gade chapit la |
यर्मिया 5:31
37 Referans Kwoze
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥”
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
खे़न् ये़न्नो वरःङ्ङिल्ले़ कुयाओ के़युङ्बा मनाहाॽरे़ मे़बाःत्तुॽ, ‘ओमे़त्ते़म्मे़ॽ, अस्सुरबा हाङ्ङिल्ले़ कुहुक्कोलाम् से़ःप्सिङ्मारे़ लागि आनिॽ नाआसाॽरुम्सिम्बा नु आम्भाॽर फाॽआङ् आघे़त्तासिआङ् आवये़बा मनाहाॽए अक्तङ्बा मे़बोःक्खे़आङ् मे़वाॽ॥ हे़क्केःल्ले़ आनिॽ आक्खेलॽरिक् खे़त्छिङ्मा नु से़ःप्सिङ्मा आसुक्तुम्बाबे?’”
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
आप्फाल्ले़ थारिक् आनिगे लाजेन् हेआङ् ने़बाबे? हे़क्क्याङ् इक्ताप्हाॽओ चाभे़त्लाःन् आभे़ल्ले़ थे़म्बा इरे़म्माङ् युङ्बाबे? कन् लाजेॽओबा यक्युङ्बाहाॽ कुॽइमे़भे़म्बाल्ले़ चोगुल्ले़ थक्सापुसाहाॽ मे़सिर मे़बत्लो, हे़क्केसाङ् कन् मनाहाॽरे़ अक्खे मे़बाःत्तुरो, “निङ्वाॽफुमाङ्ङिल्ले़ आनिगे याःम्बक्किन् मे़निसुन्लो॥”
कल्ले़चोगुल्ले़ इस्राइलबा हाङ् आहाबरे़ किप् लिसि यारिक् माङ्निङ्वाॽपान् के़बाःप्पाहाॽ सुप्सुसिआङ् खे़ङ्हाॽ सेःन्दोसुसि, “आङ्गाॽ रामोत-गिलादरे़ कुदक्ले़ङ्वाओ थङ् चोःक्से़ पेःक्काबि मे़बेःक्कान्बि?” खे़ङ्हाॽरे़ खुने़ॽ मे़मे़त्तु, “पेगे़ॽ, थेआङ्भे़ल्ले़ यहवे दाङ्बे़ल्ले़ हाङ्ङिन् खे़न् हुक्सुप्तुॽ॥”
“‘कन् कुनिङ्वाॽ के़जिःप्पा माङ्निङ्वाॽपान् के़बाःप्पाहाॽरे़ नुॽमादामा सनारुङ् होप्माए होःप्साङ् आङ्गाॽ आमनाहाॽ अक्खे मे़मे़त्तुसिआङ् इङ्मे़ले़क्तुसिॽ, “के़रे़क् पाःन्हाॽओ नुॽमादामा सनारुङ् वाॽ” खे़ल्ले़चोगुल्ले़ अक्खे पोङ्ॽ! कङ्ग मनाहाॽरे़ चे़ल्लुङ्गेःक्वा लुङ्धाक् मे़से़त्तुआङ् ये़प्पा कुइसिक् चोक् हे़क्क्याङ् कन् माङ्निङ्वाॽपान् के़बाःप्पाहाॽरे़ आल्लसाङ् कुभरा खाम्मिल्ले़ हिप्मा मे़गोःत्तुॽ!
Piblisite