यर्मिया 5:24 - लिम्बु24 आङ्गाॽ खिनिॽ चुङ्वाःम्मोबा वहित् थासुङ् पिनिङ्लो हे़क्क्याङ् फुङ्वाःम्मोबा वहित् पाङ्घुङ् युसुङ्लो हे़क्क्याङ् तङ्बे थक्मा पोगुगे़न् कुजा सुम्मा ये़म् तारुङ्लो, हे़क्केसाङ् खिनिॽ आप्फाल्ले़आङ् आङ्गाॽ मिङ्सो इङ्धाङ् पिमा निङ्वाॽ के़न्जोगुम्मिन्लो॥ Gade chapit la |
यर्मिया 5:24
27 Referans Kwoze
सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
खे़ङ्हाॽरे़ माङ्निङ्वाॽपान् पाःत्छुर थारिक् पाङ्गे़न्दिङ् वाहित्मान् मे़धाने़न्ल फाॽआङ् तरःङ्गे़न् ताङ्साक्पे़न् सुप्मा मुक्साम् कत्छुॽरो॥ हे़क्क्याङ् यङ्घङ् नु वरःङ्ङिन् माक्खिॽओ ले़ङ्मा मुक्साम्माङ् कत्छुॽ, याम्मो इक्सादिङ् खाम्बेःक्मो खुन्छिॽ निङ्वाॽ हे़क्केए काक् परिक्ले़न् मिन्देॽहाॽआङ् ताःप्मा सुक्सुॽरो॥
खे़ल्ले़चोगुल्ले़ फुॽनुसाॽ नु ने़ॽनुसाॽसे, दाङ्बाल्ले़ कुनुःङ्मा युःमा ये़म्मिन् के़हाङ्घुम्मिल्ले़ खिनिॽ नासि थःप्माआङ् हाङ्माए पोङ्लो॥ इक्मःबाल्ले़ कुइक्ताप्पो इमे़ल्लुङ्बा कुजाॽ नुःरिक्काङ् थोःक्ल फाॽआङ् हाङ्वाःम्मा नु चुङ्वाःम्माओ पाङ्गे़न्दिङ् वाहित्मान् नासि थःत्तुआङ् हाङ्घुबान् निङ्वाॽ इःत्ते़म्मे़ॽओ॥
“पोगुगे़न् कुजा सुम्मा ये़म् आल्लसाङ् ला सुम्सि तामा वये़रए आङ्गाॽ खिनिॽ लागि पाङ्गे़न्दिङ् वहित् थामा मे़म्बाङ्बारो, आङ्गाॽ लत्छा ये़क्यक्को वहित् थामा पाङ्घुङ्लो कर वेॽ ये़क्यक्को वहित् थामा मे़बाङ्घुङ्ङिन्लो॥ लत्छा इक्ताप्पो वहित् थ्ये़, वेॽसमा इक्ताप्पो मे़ध्ये़ने़न्लो हे़क्क्याङ् खे़न् इक्ताप्पिन् सर्गे़ङ् हेरे़बेरो॥
आङ्गाॽ यहवे दाङ्बाआ, खिनिॽ आङ्गाॽनु किमा मे़बोङ्ने़न्बि? आङ्गाॽ आदगि थेआङ् थे़गक्कक्ना के़न्यक्खिन्बे? आङ्गाॽ वरःङ्ङिल्ले़ लागि ये़ःङ्घाःन् इःन्दो ने़स्सुङ् पिरुङ्ङाङ् ने़रो॥ खे़न् वरःङ्ङिल्ले़ काःक्मा मे़न्छुक्मना लत्छा तधप् मे़ल्लॽमनाबा कुधेःक्मा पोःक्खे़आङ् ने़रो॥ वरःङ्ङोबा वाभे़ल्ले़ङ्हाॽ पोःक्पिलारो कर खे़न् इःन्दोन् काःक्मा मे़सुक्तुन्लो॥ खे़न् वाभे़ल्ले़ङ्हाॽ यम्बा सःक्पिलारो कर खे़न् हमाआङ् काःक्मा मे़सुक्तुन्लो॥
यहवे दाङ्बे़ल्ले़ ताङ्साङ्बो वे़त्ते़सरे़ चिक्खु युक्खुबा कुधाःङ्ङिन् हन्दुआङ् खिनिॽ लाजेॽओ चाहा चोःक्पा याक्वाओ वहित् थासु के़बिरिॽ, हे़क्क्याङ् खिनिॽ हुक्कोबा के़रे़क् याःम्बक्को मुॽइसाम् के़बिरिॽ॥ खिनिॽ यरिक् मे़न्छाम् सुवाङ्हाॽ सिङ्नात् के़बिरुम्सिम्ॽ, कर आत्तिन्हाॽलाम्माङ् याङ्ना सिङ्नात् के़म्भोःक्खुम्मिन्लो॥
वहित् था के़बाङ्घुआङ् खाम्बेःक्मान् वागे़रक्खुरो, हे़क्क्याङ् यरिक् पोगुगे़न् कुजा के़धोःक्पा के़जोगुरो॥ के़यङ्घङ् नु के़वहःङ्हाॽ काक् च्वाःत्तिल्ले़ के़धिम्सुरो हे़क्क्याङ् इक्सादिङ् खाम्बेःक्मो कुजा थोःक्लो॥ थेआङ्भे़ल्ले़ खे़ने़ॽ अक्खेए पोङ्लरो फाॽआङ् खे़ने़ॽ के़बाःत्तुआङ् वाॽरो॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
Piblisite