यर्मिया 5:23 - लिम्‍बु

²³ कर खिनिॽग साॽरिक् हादिङ् के़धक्‍पा नु पिप्‍फ्युङ्‌बा के़बोःक्‍खिआङ् के़वयिरो॥ खे़निॽ आङ्‌गाॽ याप्‍मि के़नाॽरिरो खे़ब्‍याङ् वेॽ लाम् ले़प्‍माङ् के़बेगिआङ् के़वयिरो॥

यर्मिया 5:23 Referans Kwoze

यर्मिया 6:28

खे़ङ्‌हाॽ हादिङ् के़धक्‍पा नु पिफ्‍युङ्‌बा मनासिरो, हे़क्‍क्‍याङ् खे़ङ्‌हाॽ कासा नु फे़न्‍जेॽ हे़क्‍के के़साःक्‍पा मे़जोक्‍लो॥ खे़ङ्‌हाॽ खक्‍पे़त् कुनिङ्‌वाॽ के़जिःप्‍पा मे़बोःक्‍खे़आङ् मे़वाॽरो खे़म्‍ब्‍याङ् वेॽहाॽ चे़ॽया इङ्‌दो मे़मे़त्तुसिरो॥

होसे 11:7

आमनाहाॽरे़ आङ्‌गाॽलाम् नुङ्‌मा पेःक्‍मा निःन्‍धो मे़जोगुआङ् वाॽरो॥ खे़ङ्‌हाॽरे़ के़रे़क्‍नुःल्‍ले़ यम्‍बा निङ्‌वाॽफुमाङ्‌ङिन्‍ने पेलि मे़भाक्‍तुसाङ् खुने़ॽ खे़ङ्‌हाॽ थो मे़भोःक्‍खुसिन्‍लो॥

निङ्‌वाॽफु साम्‍लोसुम् 95:10

खे़ल्‍ले़चोगुल्‍ले़ खे़न् थाःक्‍हाॽनु आङ्‌गाॽ साॽरिक् आसाक्‍के़न् पोगे़आङ् पाःत्तुङ्‌लो, खे़ङ्‌हाॽरे़ खुनिॽ सिक्‍लुङ्‌मान् सदादिङ् ताप्‍पे़ॽरो, हे़क्‍क्‍याङ् आलाम्‍मिन् कुसिङ् मे़न्‍निःत्ते मे़वाॽरो॥

साम्‌योथिम् इङ् 21:18

कुम्‍बा कुम्‍मारे़ खुन्‍छिॽ इङ्‌जाङ् मे़ङ्‌घे़म्‍मनाबा कुभा पाःन्‍मे़ङ्‌घे़म्‍मनाबा कुॽइगे़भे़म्‍बा ये़म्‍बित्‍छा सान् हे़न्‍थिम् मे़याक्‍तुसाङ् खे़ङ्‌हाॽरे़ खुन्‍छिॽ पाःन्‍निन् मे़घे़प्‍सुन्‍ने़भग्र,

हिब्रु 3:12

आमिःम् फुॽनुसाॽ नु ने़ॽनुसाॽसे, खिनिॽ लुम्‍मो ताप्‍फे़ःम्‍बा नु नसान् मे़न्‍जोःक्‍मनाबा निङ्‌वाॽबाल्‍ले़ खिनिॽ आजुनि निङ्‌वाॽफुमाङ्‌लाम्‍बा माःङ्‌घा के़न्‍जोगिन्‍ल फाॽआङ् सिङ्‌सिङ् लॽरे़म्‍मे़ॽओ॥

होसे 4:8

“आङ्‌गाॽ आमनाहाॽरे़ खुन्‍छिॽ लायोल्‍ले़ खे़ङ्‌हाॽ पोःक्‍तुसिरो हे़क्‍क्‍याङ् खुन्‍छिॽ फे़न्‌याःम्‍बक्‍किन् खे़ङ्‌हाॽरे़ खुन्‍छिॽ सिराॽथाङ्‌लो॥

यर्मिया 17:9

“मनाःल्‍ले़ कुनिङ्‌वान् इङ्‌ले़क्‍के चोक्‍लो खे़न् हे़क्‍तङ्‌बा इङ्‌ले़क्‍पा वेॽ थेआङ् होप्‍लो, खे़न् वेःत्‍ल चोःक्‍मा सुक्‍मे़दे़त्‍ने़न्‍लो॥

यर्मिया 5:5

खे़ल्‍ले़चोगुल्‍ले़ आङ्‌गाॽ लाम्‍लोबाहाॽरो पेःक्‍काआङ् खे़ङ्‌हाॽनु ताॽजे़ङ्‌ङारो॥ से़क्‍खासाङ् खे़ङ्‌हाॽलाम्‍बा निङ्‌वाॽफुमाङ्‌ङिल्‍ले़ कुभा पाःन्‍हाॽ चोःक्‍मा निङ्‌वाॽ के़जोगुरो खे़न् पाःन्‍हाॽ खे़ङ्‌हाॽरे़ निङ्‌वाॽ मे़घोसुररो॥ यहवे दाङ्‌बे़ल्‍ले़ निङ्‌वाॽ के़जोगुबा काक् पाःन्‍हाॽ कुसिङ् मे़निःत्तुरो॥” कर के़रे़क्‍ले़ यहवे दाङ्‌बे़ल्‍ले़ के़युक्‍किन् ते़न्‍दिङ् चोःक्‍मा मे़न्‍दे़न्‍दे़न्‍लो हे़क्‍क्‍याङ् खे़ने़ॽ के़इङ्‌जाङ्‌ङिन् इःप्‍मा नाःप्‍मा मे़नाॽरुरो॥

यसैया 31:6

यहवे दाङ्‌बे़ल्‍ले़ पाःत्तु, “इस्राइलबा मनासे, आङ्‌गाॽ आदक्‍ले़ङ्‌वाओ खे़निॽ यम्‍बा लायो के़जोगुम्‍माङ् वाॽ, आल्‍ल आङ्‌गाॽ ले़प्‍माङ् हिआसिम्‍मे़ॽ॥

यसैया 1:5

थेआङ् खिनिॽ आल्‍लसाङ् ते़ःम्‍भुक् के़गोःत्तुम्‍बाबे? हे़क्‍क्‍याङ् थेआङ् आल्‍लसाङ् खिनिॽ आदक्‍ले़ङ्‌वाओ पिफ्‍युङ्‌बा के़बोःक्‍खिबाबे? खे़निॽ थे़गेःक्‍को के़रे़क् काःन्‍दे़आङ् पत्‍लो, हे़क्‍क्‍याङ् के़रे़क् खे़निॽ निङ्‌वाॽ तुगे़आङ् वाॽरो॥

निङ्‌वाॽफु साम्‍लोसुम् 78:8

खे़ङ्‌हाॽ खुनिॽ पाधे़बाहाॽ हे़क्‍के पाःन्‍मे़ङ्‌घे़म्‍मनाबा नु खे़माॽ के़जोःक्‍पा मे़म्‍बोङ्‌ने़ल्‍लरो, थेआङ्‌भे़ल्‍ले़ खे़ङ्‌हाॽरे़ खुनिॽ सुधे़बा ताक्‍थे़बाहाॽ निङ्‌वाॽफुमाङ्‌ङो नसाःन्‍साबा मे़म्‍बोःक्‍खे़ल्‍लो॥ हे़क्‍क्‍याङ् खे़ङ्‌हाॽरे़ निङ्‌वाॽफुमाङ्‌ङो निङ्‌वाॽ युङ्‌मा मे़न्‍दे़न्‍दे़ल्‍लो॥

यर्मिया 4:17

इक्‍ताप् के़गोबा मनाहाॽ हे़क्‍के खे़ङ्‌हाॽरे़ ये़क्‌यक्‍किन् मे़गबुरो थेआङ्‌भे़ल्‍ले़ खे़ल्‍ले़ आदक्‍ले़ङ्‌वाओ पिफ्‍युङ् मे़जोगुआङ् वाॽरो” यहवे दाङ्‌बे़ल्‍ले़ कन् पाःत्तुआङ् वाॽरो॥

सपन्‍याह 3:1

पिफ्‍युङ् के़जोःक्‍पा, आसुत्‍थोबा नु मे़न्‌वाॽमना के़जोःक्‍पा ये़क्‌यक्‍किन् चिःत्ते़स्‍ये़रो!

साम्‌योथिम् इङ् 31:27

थेआङ्‌भे़ल्‍ले़ आङ्‌गाॽ खिनिॽ पिफ्‍युङ् के़जोगिबान् नु खिनिॽ पान् मे़ङ्‌घे़म्‍मान् कुसिङ् निःत्तुङ्‌ॽ॥ आइन् आङ्‌गाॽ हिङ्‌ङाआङ् वाॽआरए आङ्‌गाॽ खिनिॽनु वाॽआरए यहवे दाङ्‌बे़ल्‍ले़ कुदक्‍ले़ङ्‌वाओ खिनिॽ के़बोगिआङ् के़वयिने़भग्र, आङ्‌गाॽ सिआ खे़त्ताआङ् एगाङ्‌ग छे़न्‍ना साॽरिक् पिफ्‍युङ् के़जोगिॽ!