यर्मिया 5:18 - लिम्बु18 यहवे दाङ्बे़ल्ले़ पाःत्तुॽ, “हे़क्केसाङ् खे़न् ये़न्नो आङ्गाॽ आमनाहाॽ खक्पे़त् मे़मे़ङ्ङासिङ्ङिन्॥ Gade chapit la |
यर्मिया 5:18
10 Referans Kwoze
आङ्गाॽ कन् माङ्निङ्वाॽपान्निन् पाःत्तुङ्ल पत्छाङ्ङिल्ले़सा बनायाहःल्ले़ कुस्सा पलत्याहन् स्ये़॥ खे़ब्याङ् आङ्गाॽ खाम्मो साम्बोन् हबत् फन्छिङ्ङाङ् हे़क्क्याङ् फिरिक् फिःक्ताङ्ल पाःत्तुङ्, “मुक्साम्दाङ्बा यहवे दाङ्बाए थे से़क्खा खे़ने़ॽ इस्राइलओ के़नम्बाआङ् के़वाॽबाहाॽ के़रे़क् के़स्ये़रुसिबि?”
खे़ङ्हाॽरे़ लाःक्कात् मे़से़रुसिर मे़यागे़ल्ले़, आङ्गाॽरक् एःक्से़त्छा वयाङ्॥ आङ्गाॽ आनारान् खाम्बाङ्ङो साम्बोन् हबत् फत्छुङ्ङाङ् हाबाङ्, “मुक्साम्दाङ्बा यहवे दाङ्बाए! थे खे़ने़ॽ यरुसले़ःम्मिल्ले़ कुदक्ले़ङ्वाओ साॽरिक् के़याःक् ले़ॽमारे़ इस्राइलओ के़नम्बाआङ् के़वाॽबाहाॽ वरे़ङ्ले़ङ् के़से़रुसिबि?”
खे़ङ्हाॽरे़ खिनिॽ पोगुगे़न् कुजा नु चामा कुजाहाॽ मे़जमे़देसुरो खिनिॽ मे़न्छुमा ये़म्बित्छासाहाॽ मे़ज मे़देसुसिरो॥ खिनिॽ मे़ल्लुक् मे़ःन्दा नु पित्थक्साहाॽ मे़ज मे़देसुसिरो हे़क्क्याङ् खिनिॽ चे़ल्ले़क्सेॽइन् नु पःत्छेॽबुङ्माहाॽ मे़जमे़देसुरो॥ आधेःक्ल फाॽआङ् निङ्वाॽ के़इःत्तुम्बा लुङ्धाक्किल्ले़ मे़भाङुबा ये़क्यक्हाॽ मे़लुःन्दुरो॥”
हे़क्क्याङ् मनाहाॽरे़ निङ्वाॽफुमाङ्ङिल्ले़ थेआङ् आनिगे़नु अक्तङ्बा चोगु फाॽआङ् खे़ने़ॽ सेःन्के़म्लाप्, खे़ने़ॽ खे़ङ्हाॽ अक्खे मे़त्ते़से़ॽ, आक्खेलॽरिक् खिनिॽ यहवे दाङ्बान् के़नाॽरुम्माङ् आबाङे लाजेॽओ वेॽ साम्माङ्हाॽ से़वा के़मे़त्तुम्सिम्, हे़क्केलॽरिक्के खिनिॽआङ् वेॽ लाजेॽओ वेॽ लाजेॽबा याप्मिहाॽ से़वा के़मे़त्तुम्सिम्लो॥”
आङ्गाॽ खिनिॽनु वाॽआरो हे़क्क्याङ् खिनिॽ ताङ्से़ःप्निङ्लो॥ आङ्गाॽग मे़न्छाम् सुवाङ्हाॽओ के़रे़क् पिसाङ् से़निङ्ङाङ् वयाङ्लो, खे़ङ्हाॽ के़रे़क् आङ्गाॽ युम्रे़क् मे़क्खुङ्सिङ्लो कर खिनिॽग आङ्गाॽ मे़मे़ङ्निङ्ङिन्लो॥ हे़क्केसाङ् आङ्गाॽ खिनिॽ खुम्दिङ् मे़म्बिएग मे़ले़त्निङ्ङिन्लो कर खुम्दिङ् पिनिङ्ङिल्ले़ कुदोःप्मा खासे़ःन्नो खुम्दिङ् पिनिङ्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
यहवे दाङ्बाए, खे़ने़ॽ उनाहुरिआङ्धोए के़न्वाॽने़न्बि? आनिङ्वाॽफुमाङ्ङे, आसेसेबाए, आनिगे आग्से़प्पाबि? यहवे दाङ्बाए, खासे़न् चोःक्मा याःम्बक्ले़ लागि खे़ने़ॽ खे़ङ्हाॽ युक्तिङ् के़जोगुसिआङ् मे़वाॽरो, आसे़ःप्सिङ्मा याक्पेॽए, आनिगे खुम्दिङ् पिमारे़ लागि खे़ने़ॽ खे़ङ्हाॽ माङ्थोःक्ना के़बिरुसिआङ् मे़वाॽरो॥
Piblisite