यर्मिया 5:17 - लिम्बु17 खे़ङ्हाॽरे़ खिनिॽ पोगुगे़न् कुजा नु चामा कुजाहाॽ मे़जमे़देसुरो खिनिॽ मे़न्छुमा ये़म्बित्छासाहाॽ मे़ज मे़देसुसिरो॥ खिनिॽ मे़ल्लुक् मे़ःन्दा नु पित्थक्साहाॽ मे़ज मे़देसुसिरो हे़क्क्याङ् खिनिॽ चे़ल्ले़क्सेॽइन् नु पःत्छेॽबुङ्माहाॽ मे़जमे़देसुरो॥ आधेःक्ल फाॽआङ् निङ्वाॽ के़इःत्तुम्बा लुङ्धाक्किल्ले़ मे़भाङुबा ये़क्यक्हाॽ मे़लुःन्दुरो॥” Gade chapit la |
यर्मिया 5:17
25 Referans Kwoze
आङ्गाॽ खिनिॽ लुम्मो किमा यङ्मा पोङ्ल चोगुङ्ॽ, खम्भ्याङ् थक्किन् के़मे़ङ्बार के़देॽबा, मिक्किन् मार के़जोःक्पा नु सक्मा मे़न्याक्मनाबा के़जोःक्पार के़देॽबा साॽरिक् किप्मा के़घुबा तुक्माहाॽ पाङ्घुङ् तासुङ्ॽ॥ खिनिॽ के़लेःत्तुम्बा याॽरिःम्बाहाॽ थेनाधेबा पोङ्ॽ, थेआङ्भे़ल्ले़ खिनिॽ निङ्मिहाॽरे़ कुजा के़दुम्बान् मे़जमे़देसु के़म्बिरिॽ॥
इस्राइलरे़ कुनावा चइःत्दाङ्बे़न् निङ्वाॽ फेःत्छुआङ् वाॽरो हे़क्क्याङ् पयम् यम्बा हिम्हाॽ चोगुसिआङ् युङ्लो, यहुदाःल्ले़ यरिक् ये़क्यक्हाॽओ हाङ्यक्हाॽ चोगुसिआङ् ने़रो॥ कर खे़ङ्हाॽरे़ खुन्छिॽ ये़क्यक्हाॽओ मि केःत्तुङ्लो, हे़क्क्याङ् खे़ल्ले़ खुन्छिॽ हाङ्यक्हाॽ खाप्पुथ्यःङ् चोगुरो॥”
खे़ल्ले़चोगुल्ले़, इस्राइलबा कोःक्मा फाङ्जङ् थे़गु माङ्वासे, मुक्साम्दाङ्बा यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ॥ थे़गु माङ्वाहाॽ नु कोःक्मा फाङ्जङ्हाॽ, पाक्लुम्लुम्बादे़न्हाॽ नु ने़ने़बादे़न्हाॽ, हे़क्क्याङ् कब्रिङ् पिसाङ्बा मे़न्छाम् सुवाङ्हाॽरे़ खाप्पुथ्यःङ् मे़जोगुबा नु कुनामे़न्छाॽ मे़मे़त्तुआङ् के़ने़बा हे़क्क्याङ् मे़धुप्सु मे़लुःन्दुआङ् मे़नाॽरुबाहाॽ नु इरिक् थारिक् लाप्मे़देसु मे़ने़स्सुबा ये़क्यक्हाॽ खुने़ॽ मे़त्तुसि॥
याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’
आनिगे निङ्मिहाॽ दानबा ये़क्यक्को मे़गे़रे़ मे़द्ये़रो, खे़ङ्हाॽरे़ खुन्छिॽ अन्हाॽ हे़ःक्हे़ःक् मे़लॽरे़बा आनिगे खे़प्सुम्बे़रो॥ खे़न् अन्हाॽ इहे़हे़ मे़लॽइल्ले़ काक् लाजेन् लोःक्खुरो॥ खे़ङ्हाॽ आनिगे लाजेॽओ के़वाॽबा के़रे़क् पाःन्हाॽ, आनिगे ये़क्यक् नु खे़प्मोबा के़रे़क् यक्युङ्बाहाॽ मे़ङ्मासिरे़ लागि खे़ङ्हाॽ कप्मो मे़द्ये़आङ् मे़वाॽरो॥”
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥
खे़ङ्हाॽरे़ हिम्हाॽ मे़जोगुआङ् आफेक् मे़युङ्लो, वेॽहाॽ मे़लाःत्ताङ् मे़न्युङ्ने़न्लो, हे़क्क्याङ् खे़ङ्हाॽरे़ मे़लेःत्तुबा इक्ताप्हाॽ आबाङे मे़जरो वेॽहाॽरे़ मे़न्जने़न्लो॥ थेआङ्भे़ल्ले़ सिङ्बुङ्ङिन् इरिक् हिङ्बा हे़क्केए आङ्गाॽ आमनाहाॽरे़ खुन्छिॽ थाःक् चाॽरो, खे़ब्याङ् आङ्गाॽ सेगुङ्सिङ्बाहाॽरे़ आबाङे हुक्किल्ले़ मे़जोगुबा याःम्बक्को यरिक् ये़न् थारिक् मे़सःत्लो॥
आङ्गाॽ खुन्छिॽ पोगुगे़न् कुजाहाॽ तेॽरुङ् पिरुङ्सिङ्लो चे़ल्ले़क्सेल्ले़ कुबुङ्ङो चे़ल्ले़क्सेॽ मे़बत्ने़न्लो, हे़क्क्याङ् पःत्छेॽबुङ्ङोआङ् कुजाॽ मे़धोःक्ने़ल्लो॥ खे़ल्ले़ कुभे़क्वाहाॽआङ् इरे़म्बेःक्लो॥ खे़ल्ले़ खे़ङ्हाॽ थेधे पिरुङ्सिङ्ङाङ् वयाङ् खे़न् के़रे़क् खे़ङ्हाॽरे़ खुन्छिॽ हुक्कोलाम्बा नाप्तुङ्सिङ्लो, आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
खे़ल्ले़ कुजे़ल्ले़क्सेॽबुङ्हाॽ नु कुबःत्छेॽबुङ्हाॽरे़ कुयाःम्बेओ अक्खे पाःत्तुआङ् वाॽरो, ‘कन् लुङ्माॽ हिःप्तुङ्सिबाहाॽरे़ मे़बिराङ्बा आनाम्याक्लो॥’ आङ्गाॽ खे़ङ्हाॽ मुरे़क् खारे़क् चोगुङ् पिरुङ्लो, आङ्गाॽ खे़ङ्हाॽ फात्ताप् चोगुङ्लो हे़क्क्याङ् ताम्भुङ् थक्साहाॽरे़ सिङ्सेॽहाॽ मे़जमे़देसुरो॥
एसाबरे़ कुमुॽइदाङ्सा ए़दोम लाजेॽओ के़युङ्बा एदोमिहाॽरे़ मे़बाःत्तुबिला, “आनिगे ये़क्यक्हाॽ खाप्पुथ्यःङ् पोःक्खे़आङ् ने़ःॽ, हे़क्केसाङ् के़धुप्पा के़यम्बा आनिगे ये़क्यक्हाॽ याम्मो चोगुम्बे़॥” कर मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “खे़न्हाॽरे़ चोःक्माग मे़जोगुर, कर आङ्गाॽ यन्छुङ् पिरुङ्सिङ्ॽ॥ खे़न्हाॽरे़ खुनिॽ लाजेन् कुइगे़भे़म्बा मनाहाॽरे़ खुन्छिॽ लाजेॽसिङ्बुङ् फाॽआङ् कुसिङ् निःत्ते़त्, हे़क्क्याङ् खे़ॽयोबा मनाहाॽनु यहवे दाङ्बे़न् आभे़ल्ले़साङ् हाङ्गे़न् सिक्चा लोरो॥
खे़ङ्हाॽरे़ खुन्छिॽ तगि तगि मिःल्ले़ खाप्पुथ्यःङ् चोगुरो खे़ङ्हाॽरे़ खुन्छिॽ एगाङ् एगाङ् मिधुङ् मिराःक् तिःत्लो॥ खे़ङ्हाॽरे़ खुन्छिॽ तगाङ् खाम्बाङ्ङिन् अदनबा सिङ्सेॽइक् हे़क्तङ्बा चोक्लो, खे़ङ्हाॽरे़ खुन्छिॽ एगाङ् मुरे़ःक् खे़रे़ःक् थेआङ् के़होःप्पादे़न् हे़क्तङ्बा चोक्लो, खे़ङ्हाॽओलाम् थेःन्नाङ् खे़त्छिङ्मा मे़सुक्ने़न्लो॥
Piblisite