कर यहवे दाङ्बे़ल्ले़ कुसाक्के़न्निन् कुमनाहाॽरे़ खुन्छिॽ सम्धाङ् मे़न्धाए थारिक् खे़ङ्हाॽरे़ खुने़ॽ कुइङ्साबाहाॽ येःप्मासि कुनामे़न्छाॽ मे़प्मासि, खुने़ॽ कुबाःन्जाक्हाॽओ चे़ॽया इङ्दो पाःप्मा नु माङ्निङ्वाॽपान् के़बाःप्पा खुने़ॽ कुमनाहाॽ केॽमासि मे़ल्ले़रुन् हे़क्क्याङ् खे़प्मो ताङ्मालाम् मे़बोःक्खे़न्॥
यर्मिया 5:12 - लिम्बु12 यहवे दाङ्बान् खुने़ॽ कुमनाहाॽरे़ मे़नाॽरुआङ् वाॽरो, खे़ङ्हाॽरे़ अक्खे मे़बाःत्तुआङ् वाॽरो, “खुने़ॽ से़क्खाःल्ले़ थेआङ् मे़जोगुन्लो॥ आनिगे़ओ तुक्खे लाक्खे मे़दाने़न्लो आभे़ल्ले़आङ् थङ् इग्र साक् मे़दाने़न्लो॥ Gade chapit la |
यर्मिया 5:12
25 Referans Kwoze
कर खे़ङ्हाॽ हाबा ओमे़त्ते़म् फत्छे़म्सिम्मे़ॽ॥ खे़ङ्हाॽरे़ आनिॽ लाजेॽबा इःन्दोन् काःक्सुआङ् बेथ-सेमेस ले़प्माङ् पित्छिने़फग्र आनिॽओ ये़त्तुक्खे के़दाःप्पे़न् यहवे दाङ्बान्नेरछ फाॽआङ् कुसिङ् आनिःत्तुम्॥ हे़क्क्याङ् खे़ङ्हाॽ खे़न् ले़प्माङ् मे़बित्छिन्ने़फग्र खे़न् ये़त्तुक्खेःन् यहवे दाङ्बालाम् त्ये़बा मे़ःन्लछ, कर आबाङे पोःक्खे़बारछ फाॽआङ् आनिॽ कुसिङ् आनिःत्तुम्लो॥”
आल्ल हे़क्तङ्बा मनाःल्ले़ कन् माङ्हे़क्कोबा पाःन्जाःक्हाॽ खे़प्सुल्ले़ खे़न् आप्फेक् मुॽइसाम् पिसिङ् हे़क्क्याङ् अक्खेलॽरिक् निङ्वाॽ इःत्छिङ्ॽ, “आङ्गाॽ आप्फेक् आलाम्मो लाङ्घेःक्काआङ् पत्तासाङ् आङ्गाॽ ताप्थेक् याम्धेक् वाॽआ॥” कन् मनाःल्ले़ च्वाःत्तिल्ले़ वारक्खुबा लाजेॽ सम्धाङ्नु सोसोरिक् कुसे़ङ्ग्रा लाजेॽओआङ् तुक्खे लाक्खे तारुॽ॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
खे़न्नुःल्ले़ग, खे़ङ्हाॽरे़ खुन्छिॽ सुफोहाॽ इङ्ले़क्पा चोक् हे़क्क्याङ् मे़न्वाॽमनाबा माङ्निङ्वाॽपान्हाॽ मे़बाःत्तु॥ यहवे दाङ्बे़ल्ले़ खे़ङ्हाॽ आप्फाल्ले़आङ् मे़बाङ्घुसिन्छाङ् खे़ङ्हाॽरे़ अक्खे मे़बाःत्तुॽ, “कन् इङ्घङ्ङिन्ग यहवे दाङ्बालाम् के़दाबारो॥” हे़क्केसाङ् खे़ङ्हाॽरे़ खुन्छिॽ माङ्निङ्वाॽपान्हाॽ खुने़ॽ के़त्तुर के़लॽबा निङ्साङ् मे़जोगुॽ!
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
Piblisite