यर्मिया 5:1 - लिम्बु1 यहवे दाङ्बे़ल्ले़ अक्खे पाःत्तुरो, “यरुसले़ःम्बा माराम्माहाॽओ थो नु यो पेगे़ॽओ, हे़क्क्याङ् के़रे़क् पिसाङ् ओमये़ॽआङ् निङ्वाॽ इःत्ते़ॽओ॥ कोःत्ते़ॽर लाम्दोहाॽओ ओमये़ॽओ, कुदोःप्मा याःम्बक् के़जोःक्पा नु से़क्खान् के़हङ्बा लत्छा कोःत्ते़ॽओ हे़क्तङ्बा मनाधिक् खे़ने़ॽ के़घोसुने़भग्र आङ्गाॽ खे़न् ये़क्यक्किन् ले़प्मि पिरुङ्लो॥ Gade chapit la |
यर्मिया 5:1
29 Referans Kwoze
थेआङ्भे़ल्ले़ आत्तिन्हाॽरे़ खुन्छि निङ्वान् खुने़ॽ ले़प्माङ् माङ्से़वा के़जोःक्पा चोक्, खे़ङ्हाॽ फाॽमासिरे़ लागि के़रे़क् इक्सादिङ् खाम्बेःक्कोए यहवे दाङ्बे़ल्ले़ ओमे़त्तुसिआङ् वाॽ॥ कन् पाःन्नो आदाङ्बारे़ मे़न्वाॽमना याःम्बक् के़जोगु॥ आल्लआङ्धो आदाङ्बारे़ थङ् चोःक्माआङ् पप्मा के़बोङ्बा पोङ्ॽ॥”
हे़क्क्याङ् से़वारोबाल्ले़ पेआङ् कुन्दाङ्बान् बाहे़क्के खे़न् पाःन्निन् मे़त्तु॥ हे़क्केःल्ले़ खे़न् मनाःल्ले़ साॽरिक् कुसिक् पोगे़आङ् खे़न् के़से़वारोबान् मे़त्तु, ‘हारा पेगे़ॽआङ् पाङ्जुम्मोबा लाम् लाम् के़वाॽबा याङ्गे़साॽबाहाॽ, के़दुक्पाहाॽ, लाङ्सक्पाहाॽ नु मिक्फःम्बाहाॽ उःत्ते़ तारे़से़ॽ॥’
खुने़ॽ मे़त्तु, “मुक्साम्दाङ्बा यहवे दाङ्बा निङ्वाॽफुमाङ्ङिल्ले़ कुलागि आङ्गाॽ साॽरिक् कुसिक् के़सम्बा पोःक्खाङ्ङाङ् वाॽआ॥ इस्राइलिहाॽरे़ खे़ने़ॽ के़माङ्हुप्पिन् मे़नाॽरुआङ् वाॽ, खे़ने़ॽओ ले़त्ति तोःम्मादे़न्हाॽ मे़धुप्सु मे़लुःन्दुआङ् ने़रो, हे़क्क्याङ् खे़ने़ॽ के़माङ्निङ्वाॽपान् के़बाःप्पाहाॽ ताभेःल्ले़ मे़से़रुसिआङ् वाॽ॥ आङ्गाॽरक् याःक्ताङ्ङाङ् वाॽआ, हे़क्क्याङ् आल्ल खे़ङ्हाॽरे़ आङ्गाॽआङ् से़प्मा मे़गोःत्तार मे़वाॽ॥”
खे़ब्याङ् खे़न् यरिक् सङ्जुम्भोहाॽओ के़जुम्बा के़रे़क् ये़म्बित्छाहाॽरे़ खुन्छिॽ मेःत्हाॽरे़ साम्माङ्हाॽओ सुक्पा मे़हाःन्दुबा निङ्वाॽ मे़घोसुआङ् वये़, हे़क्क्याङ् खे़प्मो के़जुम्मा के़रे़क् मे़न्छुमाहाॽ थाङ्गे़त् ले़प्माङ्बा मिस्र लाजेॽ नु लाङ्गे़त् पिसाङ्बा मिस्र लाजेॽ के़वाॽबा यरिक् इस्राइलि मनासुम्हाॽ मे़द्ये़आङ् यर्मियान् मे़मे़त्तु,
आङ्गाॽ आने़क्खोन् हङ् मे़त्तुङ्ङाङ् पान् खे़प्सुङ्लो, खे़ङ्हाॽग से़क्खा पान् मे़म्बाःप्ने़न्लो॥ कन्हाॽ लत्छाआङ् आबाङे ताप्फे़ःम्बा लायो चोःक्मालाम् मे़हिन्दे़बा होप्लो, खे़ङ्हाॽओ लत्छा थिक्ले़आङ् ‘आङ्गाॽ ताप्फे़ःम्बा चोगुङ्’ फाॽआङ् मे़इःत्तुबा होप्लो॥ अन्निन् थङ्ङो तगि लोःक्काङ् पेःक्लो खे़न् हे़क्के कन्हाॽ के़रे़क् आबाङे लाम्मो मे़धासिङ् मे़बेबान् मे़बेबाए मे़बोःक्खे़रो॥
खे़ब्याङ् खुने़ॽ आङ्गाॽ मे़त्ताङ्, “इस्राइल नु यहुदाबा मनाहाॽरे़ साॽरिक् पयम् यम्बा लायोहाॽ मे़जोगुआङ् मे़वाॽ॥ मना से़प्मे़ल्ले़ लाजेन् के़रे़क् पिसाङ् सधे़क् तिम्से़आङ् ने़, ये़क्यक्किन् मे़न्वाॽमनाबा खासे़न्लोःम्माल्ले़ कुधिम् पोःक्खे़आङ् ने़॥ खे़ङ्हाॽरे़ मे़बाःत्तुॽ, ‘यहवे दाङ्बे़ल्ले़ कन् मे़निसुन्ॽ॥ यहवे दाङ्बे़ल्ले़ लाजेन् लाप्फुसुआङ् ने़!’
Piblisite