यर्मिया 49:6 - लिम्‍बु

⁶ “कर आङ्‌गाॽ ताःन्‍दि के़दाबा ये़न्‍हाॽओ अम्‍मोनिहाॽरे़ खुन्‍छिॽ नुॽमादामे़न् याम्‍मो नुःक्‍तुङ् पिरुङ्‌सिङ्‌लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

यर्मिया 49:6 Referans Kwoze

यर्मिया 49:39

कर ताःन्‍दि के़दाबा ये़न्‍हाॽओ एलामे़न् याम्‍मो नुॽदार चोगुङ्‌लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

यर्मिया 48:47

कर के़दाबा ये़न्‍हाॽओ आङ्‌गाॽ मोआबरे़ कुनुॽमा कुदामाहाॽ याम्‍मो नुःक्‍तुङ् पिरुङ्‌लो॥ आङ्‌गाॽ, यहवे दाङ्‌बे़ल्‍ले़ पाःत्तुङ्‌ङाङ् वाॽरो!” मोआबरे़ कुयाःम्‍बेओ यर्मियाःल्‍ले़ पाःत्तुबा कुनुप्‍मा माङ्‌निङ्‌वाॽपान्‍निन् हाबा कन्‍लो॥

इजकिएल 16:53

“कर कुभा ये़म् एगाङ् सदोम नु खे़ल्‍ले़ कुस्‍साहाॽ हे़क्‍क्‍याङ् सामरियान् नु खे़ल्‍ले़ कुस्‍साहाॽ याम्‍मो मे़नुॽमे़दार चोगुङ्‌ॽ हे़क्‍क्‍याङ् खे़ने़ॽ के़नुॽमा के़दामे़न् खे़ङ्‌हाॽनु सोरिक् आङ्‌गाॽ याम्‍मो नुःक्‍तुङ्‌ॽ,

यर्मिया 46:26

आङ्‌गाॽ खे़ङ्‌हाॽ खुन्‍छिॽ से़प्‍मा निङ्‌वाॽ के़जोःक्‍पा, बेबिलोनबा हाङ् नबुकदनेसर नु खे़ल्‍ले़ कुधक्‍सुबाहाॽ हुक्‍सुप्‍तुङ्‌सिङ्‌ॽ॥ कर खे़न् एगाङ् कुले़क्‌वा थङ् पोङ्‌ङिल्‍ले़ थङ्‌लाम् लाजेन् याम्‍मो नुःङ्‌ॽ॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

यसैया 23:18

हे़क्‍केसाङ् खे़ल्‍ले़ कुइन्‍धाःक्‍किन् नु खे़ल्‍ले़ याःम्‍बक् चोगुआङ् थगुबा कुयाङ्‌ङिन् यहवे दाङ्‌बे़ल्‍ले़ कुलागि लाःत्‍लाःत् मे़से़न्‍दुॽ॥ खे़न् लाःत्‍लाःत् मे़से़न्‍दुबा याङ्‌ङिन् याङ् याङ्‌मादे़न्‍नो मे़न्‌युक्‍खुन्‌ॽ॥ खे़ल्‍ले़ ले़ङ्‌हङ् चोगुआङ् थगुबा याङ्‌ङिन् यहवे दाङ्‌बे़ल्‍ले़ कुमनाहाॽरे़ लागि वे़त्ते़सरे़ चामा थुङ्‌मा नु नुःब्‍नुबा चाङ् चाङ्‌मारे़ लागि पोङ्‌लो॥

यर्मिया 12:15

हे़क्‍क्‍याङ् आङ्‌गाॽ खे़ङ्‌हाॽरे़ खुन्‍छिॽ लाजेॽहाॽ आःक्‍खुङ्‌देसुङ् हे़क्‍केसाङ् एगाङ् आङ्‌गाॽ खे़ङ्‌हाॽ लुङ्‌माॽ तुक्‍तुङ्‌सिङ्॥ आङ्‌गाॽ खे़ङ्‌हाॽ आबाङे खुन्‍छिॽ लाजेॽओबा इक्‍ताप्‍पो नुःक्‍तुङ् तारुङ्‌सिङ्॥

दानिए़ल 11:41

खुने़ॽ खे़न् नुबा लाजेःन्‍नाङ् थङ्‌ङो फत्तुॽ॥ यरिक् लाजेॽहाॽ खाप्‍पुथ्‍यःङ् पोङ्‌ॽ, कर ए़दोम, मोआब नु अम्‍मोनबा नुबा ते़न्‍हाॽ खे़ल्‍ले़ कुहुक्‍कोलाम् ताङ्‌ॽ॥