यर्मिया 49:5 - लिम्बु5 मुक्साम्दाङ्बा यहवे दाङ्बे़ल्ले़ अक्खे पाःत्तुरो, “कर ओमे़त्ते़म्मे़ॽ, खिनिॽ लुम्मो आङ्गाॽ किमा यङ्मा तारुङ्लो॥ खिनिॽ हिम्बेसाङ्बाहाॽरे़ आप्फेक् लाजेॽलाम् खिनिॽ के़म्नाःत्ति के़म्देसिरो, हे़क्क्याङ् खे़ङ्हाॽ मे़घे़त्छिङ्ङिल्ले़ खे़न् मे़दे़म्सु मे़देॽरुसिबाहाॽ हाःत्ले़आङ् मे़भुक्खुन् मे़दारुसिन्लो॥ Gade chapit la |
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
खे़ङ्हाॽरे़ यहुदाबा मनाहाॽ मे़मे़त्तुसिरो, “आनिगे थे चोगुम्बे़बाबे? आनिगे याप्मि आमे़त्ते़ॽओ॥ ले़न्दिक् नाम्से़ःक्किल्ले़ सिङ्बुङ्ङिल्ले़ कुसिगाङ् सुसु के़लॽबा नाम्जिःक्खोॽ कुइसिक् आनिगे आइःप्ते़ॽओ॥ हे़क्केलॽरिक् खे़निॽ के़इःप्तुम्बा नाम्इःक्खङ्ङो आनिगे इःम्सिङ्मा खोसुम्बे़ररो॥ आनिगे वे़प्मिबासिगे़, हाःत्ले़आङ् मे़घोसिगे़न्बादे़न्नो आजिक्खे़ॽओ॥
हे़क्क्याङ् खुने़ॽ खे़न् मनाहाॽ मे़त्तुसि, “कन् लाजेन् यहवे दाङ्बे़ल्ले़ खिनिॽ के़बिरिआङ् ने़रो फाॽआङ् आङ्गाॽ निसुङ्ॽ, खे़ब्याङ् आनिगे लुम्मो खे़निॽ के़जोगुम्बाल्ले़ चोगुल्ले़ साॽरिक् किमा यङ्मा पोःक्खे़आङ् वाॽ, हे़क्क्याङ् कॽयो के़युङ्बा मनाहाॽ खिनिॽ के़म्गिरिआङ् यङ्मा मे़हेःक्ते़आङ् मे़वाॽ॥
यहवे दाङ्बे़ल्ले़ पाःत्तुॽ, “कर आङ्गाॽ यरिक् योःङ् के़ले़प्पाहाॽ पाङ्घुङ्सिङ्ॽ हे़क्क्याङ् खे़ङ्हाॽरे़ कन् मनाहाॽ मे़दे़म्सुसिॽ॥ खे़न् एगाङ्, आङ्गाॽ यरिक् सावागे़म्बाहाॽ पाङ्घुङ्सिङ् हे़क्क्याङ् खे़ङ्हाॽरे़ कन्हाॽ के़रे़क् नाङ्जङ्लुङ्, कोःक्मा फाङ्जङ् नु याक्पेॽओबा लुङ्भुक्कोहाॽलाम् मे़गोःत्तु मे़लःत्तुसिॽ॥
“चिःन्जिःन्गे़घुबासे! खिनिॽ पेगे़म्मे़ॽओ!” मनाहाॽरे़ खे़ङ्हाॽ मे़भे़ःक्तुसिर मे़मे़त्तुसिरो॥ “माःङ्घा पेगे़म्मे़ॽ! माःङ्घा पेगे़म्मे़ॽ! आनिगे आन्छुसे़म्मिन्ने़ॽओ!” खे़ङ्हाॽ के़घे़त्छिङ्बा नु ताक्कन्निबा मे़बोःक्खे़ल्ले़, मे़न्छाम् सुवाङ्बा मनाहाॽरे़ अक्खे मे़मे़त्तुसिरो, “आल्ल खे़ङ्हाॽ आनिगे़नु कप्मो मे़न्युङ्ने़न्लरो॥”