यर्मिया 49:19 - लिम्बु19 चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?” Gade chapit la |
यर्मिया 49:19
28 Referans Kwoze
खे़ङ्हाॽरे़ खुन्छिॽ लाम्लोबाङ्ग खुन्छिॽ आबाङे सुवाङ्लाम्बा पोङ्लो हे़क्क्याङ् मनाहाॽरे़ खुन्छिॽ लुम्मोलाम्बा युक्साबाधिक् लःन्लो॥ आङ्गाॽ खे़न् उःत्तुङ्ङिल्ले़ खे़न् आबेसाङ् तारो थेआङ्भे़ल्ले़ आङ्गाॽ मे़न्उःत्ते थारिक् हात् आबेसाङ् तामा सुक्पे? आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
हे़क्क्याङ् खुने़ॽ कोरहःन् नु खुने़ॽनु के़दिम्बा के़रे़क् मनाहाॽ अक्खे मे़त्तुसि, “ताःन्दिक् तानाम् हात् खुने़ॽ कुमना, आत्तिन् सेसेबा चोक्, हे़क्क्याङ् हात् खुने़ॽ कुबेसाङ् तामा फाःक्तुॽ खे़न् पाःन्निन् यहवे दाङ्बे़ल्ले़ ओसेःन्धाङ् चोगुॽ॥ हात् खुने़ॽ सेगुॽ, खे़न् खुने़ॽ कुबेसाङ् तामा फाःक्तुॽ॥
यहोसापातरे़ पाःत्तु— “यहवे दाङ्बा आनिगे पाधे़बाहाॽरे़ खुन्छिॽ निङ्वाॽफुमाङ्ङे, थे आदाङ्बाए साङ्ग्राम्पेदाङ्ङो के़युङ्बा निङ्वाॽफुमाङ्ने़ मेःम्बि? आदाङ्बारे़ मे़न्छाम् सुवाङ्हाॽरे़ खुन्छिॽ हाङ्जुम्हाॽओ युक् के़जोगुॽ॥ आदाङ्बारे़ए के़हुक्को मुक्साम् नु मुक् के़गत्तुॽ॥ आदाङ्बानु थक्मा के़सुक्पा हाःत्ताङ् होप्॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
“थिक्सिगेःक्पे़न् खिरिङ्बा हे़क्तङ्बा चोगे़, हे़क्क्याङ् खे़ल्ले़ कुलाप्हाॽ मुयाःल्ले़न् हे़क्तङ्बा पत्छे़॥ खे़ल्ले़ कुलाप्हाॽ मे़म्भुॽए थारिक् आङ्गाॽ ओमे़त्तुङ्ङाङ् पत्छाङ्, खे़ब्याङ् खे़न् मना हे़क्के कुलाङ् ने़त्छिरे़ तक्तुर खाम्बाङ्ङोलाम् पोगे़आङ् खे़न् मे़न्छाम् याप्मि निङ्वाॽ मे़बिरु॥
Piblisite