यर्मिया 49:18 - लिम्बु18 सदोम नु गमोराःन् खाप्पुथ्यःङ् पोःक्खे़बा कुइसिक् हे़क्क्याङ् खे़न् पेसाङ्बा पाङ्जुम्हाॽ खाप्पुथ्यःङ् पोःक्खे़बा कुइसिक् कन् ये़क्यक्किन्नाङ् खाप्पुथ्यःङ् पोङ्लो,” यहवे दाङ्बाल्ले़ अक्खे पाःत्तुरो॥ “खे़प्मो आत्तिन्हाॽआङ् मे़न्वाॽने़न्लो, कप्मो हाःत्छिआङ् मे़न्युङ्ने़न्लो॥ Gade chapit la |
यर्मिया 49:18
16 Referans Kwoze
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
खे़न् से़न्दिक् ले़न्दिक् आभे़ल्ले़आङ् मे़सिने़न्लो, खे़ॽयो के़लःम्बा मिःक्खुन् चक्मे़ल्लॽए सुःङ्गु सुःङ्गु लॽरिक् थाःङ् पोःक्काङ् पत्लो॥ थाःक्थाःक् थारिक् खे़न् मुरे़क् खारे़क् थेआङ् के़होप्पा लाजेॽ पोङ्ङाङ् ने़रो, आत्तिन्हाॽआङ् याम्मो खे़न् लाम्बा मे़बोङ्ङाङ् मे़म्बेःक्ने़न्लो॥
कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥”
Piblisite