यर्मिया 49:17 - लिम्बु17 “ए़दोम लाजेन् किप्मा के़घुबा नियारा पोङ्लो॥ खे़प्मोलाम् के़बोङ्बाआङ् के़बेःक्पाहाॽ के़रे़क् मे़गिआङ् चिजिङ् यङ्मा मे़सिरो हे़क्क्याङ् खाप्पुथ्यःङ् के़बोङ्बान् मे़निसुआङ् खुन्छिॽ मुरान् हा मे़मे़त्तुर सक्मा मे़सोःन्छिङ्लो॥ Gade chapit la |
यर्मिया 49:17
16 Referans Kwoze
यहवे दाङ्बे़ल्ले़ अक्खे पाःत्तुॽ, “आङ्गाॽ आप्फेक् आमिङ्ङो माङ्हे़क् चोगुङ्ङाङ् वाॽ, खे़न् बोज्राःन् किप्मागे़घुबा निगे़दे़प्पा नु खाप्पुथ्यःङ् के़बोङ्बाआङ् के़लुम्सिङ्बा पोङ्ॽ, कन् कुनामे़न्छाॽ नु माङ्दे साङ्ग्रा मे़प्मा चाहाक् पोङ्ॽ॥ कल्ले़ कुबाङ्जुम्हाॽ नु कुबाङ्भेॽहाॽ सदादिङ् आभे़ल्ले़साङ् मुरे़क् खारे़क् चिजि खक्खक्पा पोङ्लो॥”
खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
कङ्ग आम्भा खे़प्मो कुमिङ् के़इङ्बाआङ् के़ने़बा ये़क्यक्किन्लो खे़ल्ले़ कुनिङ्वाओ अक्खेलॽरिक् पाःत्तुआङ् वये़रो, “आङ्गाॽ पयम् यम्बा, आङ्गाॽनुःल्ले़ वेॽ हाःत्ताङ् होप्लो॥” खे़न् आक्तङ्बा चिजि खक्खक्पादे़न् पोःक्खे़बे, ताम्भुङ् थक्साहाॽरे़ खुन्छिॽ लुङ्फुक्कु पोःक्खे़रो॥ खे़त्नालाम् के़बोङ्बाआङ् के़बेःक्पा के़रे़क्ले़ कुनामे़न्छाॽ मे़मे़त्तुर खुन्छिॽ हुक्चोःक्किल्ले़ मे़सोःक्तुरो॥
खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥”
इस्राइलबा ते़ङ्गप्पिन् मुरे़क् खारे़क् चिजि खक्खक् पोःक्खे़ल्ले़ खे़ने़ॽ के़सःत्ते़॥ आल्ल खे़ने़ॽ मुरे़क् खारे़क् चिजि खक्खक् के़बोङ्ङिल्ले़ आङ्गाॽ सःत्ता! सेइर कोःक्माओबा खिनिॽ मनाहाॽ नु एदोमओ के़युङ्बाहाॽ वरे़ङ्ले़ङ् के़मे़गिॽ! खे़ब्याङ् आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुरो॥
खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—खासे़न् चोःक्मा आहुक्किल्ले़ आङ्गाॽ एदोम्मिन् साःप्सुङ्ॽ॥ आङ्गाॽ कल्ले़ कुमनाहाॽ नु कुधक्साहाॽ ताभेःल्ले़ वरे़ङ्ले़ङ् स्ये़रुङ्सिङ्ॽ॥ तेमानलाम् ददान थारिक् के़रे़क् पाःन्हाॽओ आङ्गाॽ कन् कुसुम् मे़न्दम्मनाबा लाजेॽ चोगुङ्ॽ॥
Piblisite