यर्मिया 48:47 - लिम्बु47 कर के़दाबा ये़न्हाॽओ आङ्गाॽ मोआबरे़ कुनुॽमा कुदामाहाॽ याम्मो नुःक्तुङ् पिरुङ्लो॥ आङ्गाॽ, यहवे दाङ्बे़ल्ले़ पाःत्तुङ्ङाङ् वाॽरो!” मोआबरे़ कुयाःम्बेओ यर्मियाःल्ले़ पाःत्तुबा कुनुप्मा माङ्निङ्वाॽपान्निन् हाबा कन्लो॥ Gade chapit la |
यर्मिया 48:47
22 Referans Kwoze
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
हे़क्केसाङ् खे़ल्ले़ कुइन्धाःक्किन् नु खे़ल्ले़ याःम्बक् चोगुआङ् थगुबा कुयाङ्ङिन् यहवे दाङ्बे़ल्ले़ कुलागि लाःत्लाःत् मे़से़न्दुॽ॥ खे़न् लाःत्लाःत् मे़से़न्दुबा याङ्ङिन् याङ् याङ्मादे़न्नो मे़न्युक्खुन्ॽ॥ खे़ल्ले़ ले़ङ्हङ् चोगुआङ् थगुबा याङ्ङिन् यहवे दाङ्बे़ल्ले़ कुमनाहाॽरे़ लागि वे़त्ते़सरे़ चामा थुङ्मा नु नुःब्नुबा चाङ् चाङ्मारे़ लागि पोङ्लो॥
खे़न् ये़न्नो मुक्साम्दाङ्बा यहवे दाङ्बे़ल्ले़ कुदगि मिक्तोक् मे़दारुरो॥ निःत्ताङ् नु माःङ्घाबा मनाहाॽरे़ मे़गिरुसिबा खे़न् केःम्बा नु वरे़ङ्ले़ङ्बा ने़क्सा के़गप्पा, के़धुम्बा नु मुक्के़गुबा, हे़क्क्याङ् खुन्छिॽ लाजेन् वहःङ्हाॽरे़ कुलक् कुलक् फःक्खुआङ् के़ने़बा सुवाङ्हाॽ मे़दाआङ् सियोन कोःक्माओ मुक्साम्दाङ्बा यहवे दाङ्बान् खे़ङ्हाॽरे़ चे़सुङ्हाॽ मे़हुॽरुरो॥
आङ्गाॽ सिआआङ् एगाङ् खिनिॽ से़क्खासाङ् साॽरिक् फे़त्के़लारिॽ हे़क्क्याङ् आङ्गाॽ पिनिङ्बा इङ्जाङ्हाॽलाम् लाःत्लाःत् के़बोःक्खिॽ फाॽआङ् आङ्गाॽ कुसिङ् निःत्तुङ्ॽ॥ यहवे दाङ्बे़ल्ले़ कुनिमो खिनिॽ फे़न्याःम्बक् के़जोगुम्बा नु खिनिॽ हुक्किल्ले़ के़जोगुम्बा पाःन्निल्ले़ खुने़ॽ कुसिक् के़भोःक्खुम्बाल्ले़ चोगुल्ले़ के़दाबा ये़न्हाॽओ खिनिॽ ये़त्तुक्खे के़दुमुम्लो॥”
यरिक् ये़न् एगाङ् खिनिॽ थङ् चोःक्से़ के़म्उःत्तिॽ॥ हे़क्क्याङ् इस्राइलबा मनाहाॽ यरिक् लाजेॽहाॽओलाम् कप्मोबा कोःक्मा फाङ्जङ् थे़गु माङ्वाहाॽओ मे़नुःङ्बा एगाङ् नु ते़न्धङ्लाम् नादङ् पोङ्ङाङ् नुॽमा तामा सनारुङ्नु निङ्वाॽ हाङ्हाङ् मे़युङ्बा ताःन्दिबा ताये़म्मो इस्राइलबा लाजेन् खिनिॽ थङ्ङो के़भत्तुम्ॽ॥
यहवे दाङ्बे़ल्ले़ अक्खे पाःत्तुॽ, “आङ्गाॽ आबाङे आमना इस्राइलिहाॽ युक् चोःक्मारे़ लागि पिरुङ्सिङ्बा इस्राइल लाजेन् पेसाङ्बाहाॽरे़ मे़ङ्मा मे़गोःत्तुॽ आङ्गाॽ खे़ङ्हाॽनु कुभा पान् पाःप्मा कत्तुङ्ॽ॥ आङ्गाॽ खे़न् कुॽइगे़भे़म्बा थिम्मे़न्दङ् सुवाङ्हाॽ कुबुङ् आःङ्मनाबा हे़क्के आःक्खुङ्सिङ्ङाङ् खे़ङ्हाॽरे़ खुन्छिॽ लाजेॽलाम्बा नाःत्तुङ्सिङ्ॽ॥ यहुदाःन्नाङ् आङ्गाॽ खे़ङ्हाॽरे़ खुन्छिॽ लुम्मोलाम् हाॽयाक् आःक्खुङ्ॽ॥
वरक् के़जाःक्पा मनाःल्ले़ वरक्के़न् चोगुल्ले़ आक्खेलॽरिक् कुहुक्के़न् सन्छुॽ, हे़क्केलॽरिक्के आबाङे से़ःप्सिङ्मारे़ लागि हुक्हाॽ मे़सन्छुरो॥ खे़ङ्हाॽरे़ खुन्छिॽ हुक्हाॽ ओगप् चोःक्मा के़ले़बा मे़ले़ङ्सिङ्साङ् निङ्वाॽफुमाङ्ङिल्ले़ खे़ङ्हाॽरे़ खुन्छिॽ आङ्दिङ् लॽमान् यो थासु पिरुसिरो॥
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
Piblisite