यर्मिया 48:46 - लिम्‍बु

⁴⁶ “चिःत्ते़स्‍ये़रो, मोआबे, खे़ङ्‌हाॽ खे़ने़ॽ के़लागि मे़हाःप्‍लो! कमोस माङ्‌ङिल्‍ले़ कुमनाहाॽ मे़मे़गे़आङ् वाॽरो! खे़ने़ॽ के़स्‍सा ये़म्‍बित्‍छाहाॽ नु मे़न्‍छुमाहाॽ माःङ्‌घा मे़दे़म्‍सु मे़देॽरुसिआङ् मे़वाॽरो॥

यर्मिया 48:46 Referans Kwoze

खानिःत् 21:29

मोआबे, खे़ने़ॽग के़जिःत्ते़ के़स्‍ये़रो! कमोसरे़ कुमनाए, खे़ने़ॽ के़मे़गे़रो! खे़ल्‍ले़ कुस्‍सा ये़म्‍बित्‍छाहाॽ के़घे़त्‍छिङ्‌बा हे़क्‍के हे़क्‍क्‍याङ् कुस्‍सा मे़न्‍छिन्‍साहाॽ पुङ्‌लाधाबा हे़क्‍के एमोरिहाॽरे़ खुन्‍छिॽ हाङ् सिहोने़न् पिरुदेसुसिआङ् वाॽरो॥

यर्मिया 48:13

इस्राइलबा मनाहाॽ बेथेलओ खुन्‍छिॽ साम्‍म्‍याङ् पित्‍सात्तिन्‍नु मे़नुःन्‍दे़रो, खे़न् हे़क्‍के मोआबे़न् निन्‍धासेःक्‍ओ कुनावाइत्‍ला कमोसे़न्‍नु सिरिङ्‌ममो थारो॥

यर्मिया 48:7

थेआङ्‌भे़ल्‍ले़ खिनिॽ याङ्‌साकुन्‍धेओ हे़क्‍क्‍याङ् हुक्‌वा नुॽमो निङ्‌वाॽ के़युक्‍खुम्‍लो, खिनिॽ के़म्‍दे़म्‍सिआङ् के़म्‍देॽरिरो॥ खिनिॽ माङ् कमोसे़न् कुयक्‌याबा नु कुसुहाङ्‌युक्‍पाहाॽ सोरिक्, माःङ्‌घाबा लाजेॽओ मे़उःक्‍खु मे़धे़मु मे़देॽरुसिरो॥

१ हाङ् 11:7

सोलोमनरे़ मोआबबा याम्‍गे़सिङ्‌बा माङ् कमोस नु अम्‍मोनिहाॽरे़ खुन्‍छिॽ याम्‍गे़सिङ्‌बा माङ् मोलेखरे़ कुलागि यरुसले़म नाङ्‌गे़न् पिसाङ्‌बा लत्‍छा कोःक्‍माओ से़वा चोःक्‍मा चन्‍जम्‍बा माङ्‌धाःन् चोगु॥

खासे़न्‍लोःम्‍बा 11:24

खिनिॽ माङ् कमोसरे़ खिनिॽ थे के़बिरिसाङ् के़दाःक्‍तुम्‌ॽ मेःम्‍बि? हे़क्‍केलॽरिक्‍के यहवे दाङ्‌बा आनिगे निङ्‌वाॽफुमाङ्‌ङिल्‍ले़ आनिगे थे पिरिगे़ खे़न्‍ने ताःक्‍तुम्‍बे़॥

२ हाङ् 23:13

यरुसले़म नाङ्‌गे़न् ले़प्‍माङ् चिःन्‍जिःन् के़घुबा मे़जोगुबा कोःक्‍माल्‍ले़ लाङ्‌गे़त् पिसाङ् इस्राइलबा हाङ् सोलोमनरे़ सिदोनिहाॽरे़ खुन्‍छिॽ याम्‍गे़सिङ्‌बा माङ्‌मा अस्‍तोरेत, मोआबबा सिक्‍के़ले़ःङ्‌बा माङ् कमोसे़न् नु अम्‍मोनबा मनाहाॽरे़ खुन्‍छिॽ याम्‍गे़सिङ्‌बा माङ् मोलोखरे़ कुलागि माङ्‌धाःन्‍हाॽ चोगुआङ् ने़स्‍से़, खे़न् माङ्‌धाःन्‍हाॽआङ् योसियाहःल्‍ले़ आसुत्‍थो चोगु॥

यसैया 16:2

पुहाॽ खुन्‍छिॽ हाप्‍हाॽओलाम् फङ्‌मादेमासिआङ् ना नु कत्‍ना मे़बे़आङ् मे़वाॽबा कुइसिक् मोआबबा मे़न्‍छुमाहाॽ अर्नोन वहःङ्‌ङिल्‍ले़ कुया कुया ना नु कत्‍ना मे़बोःक्‍खे़आङ् मे़वाॽरो॥