यर्मिया 48:37 - लिम्बु37 मनाहाॽ मे़रिङ् मे़धक्काङ् खुन्छिॽ थे़गेक्पाहाॽ नु मुधोॽहाॽ मे़नःक्खुआङ् वाॽ॥ खे़ङ्हाॽरे़ खुन्छिॽ हुक्किन् मे़जे़रु हे़क्क्याङ् सगितेत् तमनाबा चाङ्हाॽ मे़जाक्खुआङ् मे़वाॽ॥ Gade chapit la |
यर्मिया 48:37
22 Referans Kwoze
सकेम, सिलो नु सामरियालाम्बा ये़प्पोङ् मनाहाॽ यहवे दाङ्बे़ल्ले़ कुहिम्मो माङ्से़वा चोःक्मा फाॽआङ् मे़धाङे़र मे़बत्छे़ल्ले़ खे़ङ्हाॽरे़ खुन्छिॽ मुधोॽहाॽ मे़नःक्खुआङ् पत्छे़, के़दे़ःङ्बा चाङ् मे़जाक्खुआङ् मे़वये़ हे़क्क्याङ् खुन्छिॽ थक्को साॽरिक् काःन्दे़आङ् पत्छे़ खे़ब्याङ् खे़ङ्हाॽरे़ पोगुगे़न् कुजा सिदुङ्जभाहाॽ नु सुक्पाहाॽ मे़दारुआङ् वये़॥
कन् पाःन्निन् अक्खे पोःक्खे़ल्ले़ यहवे दाङ्बान् आमोजरे़ कुस्सा यसैयालाम् पोःक्खे़आङ् पारे़॥ खुने़ॽ यसैयान् अक्खे मे़त्तु, “खे़ने़ॽ पेगे़ॽआङ् के़धक्कोलाम् के़सगि तेत्ते़न् फे़न्दे़ॽ, हे़क्क्याङ् के़लाङ्ङोलाम् लाङ्सुःप्पिन् फे़न्दे़ॽ॥” हे़क्क्याङ् यहवे दाङ्बे़ल्ले़ पाःत्तुबा कुइसिक् खुने़ॽ चोगु, खे़ब्याङ् ले़क्चाॽबे़धिःक् पोःक्खे़आङ् लाङ्सुःप् मे़न्जाङ्ङे लाङ्घेःक्मा हेःक्ते़॥
आङ्गाॽ खिनिॽ साम्योबा तङ्नाम्हाॽ मे़रिङ् थक्मो हे़क्क्याङ् के़रे़क् साम्लोहाॽ हाःप्मा चिङ्मो ले़क्खुङ् पिनिङ्लो॥ आङ्गाॽ खिनिॽ के़रे़क् सगितेत् के़जाक्खुम्ल चोःक्निङ्लो हे़क्क्याङ् खिनिॽ थे़गेःक्इःन् के़नःक्खुम्ल याःन्निङ्लो॥ लत्छारक् ये़म्बित्छासाःल्ले़ कुलागि मे़रिङ् थक्मनाबा हे़क्के आङ्गाॽ खे़न् ये़म्मिन् पोङ्ल चोगुङ्लो खे़ब्याङ् खे़ल्ले़ कुनुप्मा ये़न्निन् साॽरिक् कुजा के़भे़म्बा पोङ्लो॥”
खे़ने़ॽ के़लागि खुन्छिॽ निङ्वाॽ तुक्खे चामो खे़ङ्हाॽरे़ चामारे़ खुन्छिॽ थे़गेक्पाहाॽ मे़नःक्खुरो हे़क्क्याङ् मे़रिङ् थक्मा सगितेत् मे़जाक्सिङ्लो॥ खे़ङ्हाॽरे़ साॽरिक् खुन्छिॽ निङ्वाॽ तुक्खे चारो हे़क्क्याङ् खे़ने़ॽ के़लागि खे़ङ्हाॽ मे़हाःप् मे़जिःङ्लो खे़ब्याङ् चाॽरिक् मे़रिङ् मे़धक्लो॥
कुनाम्गे़नुॽबा मारुक्किल्ले़ कुले़क्वा के़गिबा नाम्गे़सुबा पोङ्लो, हे़क्क्याङ् फॽइःल्ले़ कुले़क्वा इदाक्, नुरिक् फमनाबा थाःक्फमाल्ले़ कुले़क्वा थे़गेःक्इन्नाङ् लिगोसा पोङ्लो, नुबा चाङ्मा तेःत्तिल्ले़ कुले़क्वा सागि तेत् पोङ्लो, हे़क्क्याङ् खे़ङ्हाॽरे़ खुन्छिॽ नुबा नारुम्भुङ्ङिन् नुःम्मासिमाओ ले़ङ्सिङ्लो॥
“हेस्बोन के़युङ्बासे, खिनिॽ फिःक्ते़म्मे़ॽओ, थेआङ्भे़ल्ले़ एे ये़क्यक्किन् खाप्पुथ्यःङ् पोःक्खे़रो॥ रब्बाबा मनासे, खिनिॽ हाबे़म्मे़ॽओ! खिनिॽ मे़रिङ् थक्मा चाङ्हाॽ चाक्खे़म्मे़ॽओ, लुङ्धाक्हाॽओ ना नु कत्ना लोःक्ते़म्मे़ॽओ, हे़नाङ्भे़ल्ले़ मोलेख माङ्ङिन् कुयक्याबाहाॽ हे़क्क्याङ् कुसुहाङ्गे़म्बाहाॽनु सोरिक् मे़दे़म्सु मे़देॽरुरो॥
“नासिगे़न् थक्ला के़गप्पा मे़न्छाम् याप्मिए, बेबिलोनबा नबुकदनेसर हाङ्ङिल्ले़ कुधक्सुबाहाॽ तुरोसरे़ कुदक्ले़ङ्वाओ साॽरिक् साक्ते़र थङ् मे़जोगे़, खे़न् थक्सुबाहाॽरे़ खुन्छिॽ थे़गेःक्हाॽ लिप्सिङ्ङाङ् खल्ले़ःक् ले़ःक्ते़ हे़क्क्याङ् खुन्छिॽ फक्ताङ्हाॽ इॽसिङ्ङाङ् तिःक्ते़आङ् फक्वा चुक्ते़॥ करसाङ् नबुकदनेसरे़न् नु खुने़ॽ कुधक्सुबाहाॽरे़ के़रे़क् खुन्छिॽ याःम्बक्किल्ले़ कुले़क्वा थे़माआङ् नाःम्माआङ् नाप्मा मे़न्छुक्तुसिन्॥
Piblisite