यर्मिया 48:14 - लिम्बु14 “खिनिॽ अक्खेलॽरिक् यम्बा के़हे़न्नासिरो, ‘आनिगे़ग थङ् के़नाःम्बासिगे़रो, थङ्ङो के़आःप्पा मनादिगे़रो॥’ Gade chapit la |
यर्मिया 48:14
12 Referans Kwoze
थेआङ्भे़ल्ले़ खुने़ॽ आबाङे पाःत्तुरो, “‘आङ्गाॽ आमुक्साम् नु आबाङे आङ्गाॽ आसिक्कुम् निङ्वाःल्ले़ कन् चोगुङ्बारो, थेआङ्भे़ल्ले़ आङ्गाॽ खासिङ्निःप्मा निङ्वाॽ कत्तुङ्लो॥ हे़क्क्याङ् मे़न्छाम् सुवाङ्हाॽरे़ खुन्छिॽ इःन्दोहाॽ चत्तुङ्देसुङ्लो, हे़क्क्याङ् खे़ङ्हाॽरे़ खुन्छिॽ चायाङ्मा नु याङ्साकुन्धे याङ्माहाॽआङ् नाप्तुङ् तेॽरुङ् पिरुङ्सिङ्लो॥ खे़ब्याङ् लत्छा कुहाङ्वा कुमाङ्वा के़याक्पा मना कुसिङ् खे़ङ्हाॽरे़ खुन्छिॽ हाङ्हाॽ युक्तुङ्सिङ्ङाङ् मे़वाॽरो॥
“थेआङ्भे़ल्ले़ आङ्गाॽ यहवे दाङ्बे़ल्ले़ अक्खे पाःत्तुङ्लो— मिस्ररे़ के़रे़क् कुजुम् कुदेःङ्हाॽ मे़मे़क्लो, हे़क्क्याङ् खे़ल्ले़ कुमुक्साम्मिल्ले़ कुआङ्दिङ् नुप्लो॥ थो मिग्दोललाम् यो आस्वान थारिक् खे़ङ्हाॽ के़रे़क् ताभेःल्ले़ मे़से़रुसिरो, मुक्साम्दाङ्बा यहवे दाङ्बे़ल्ले़ पाःत्तुङ्लो॥
किमा यङ्मालाम् इङ्ले़क्को के़ध्ये़रो, के़आङ्दिङ् के़लॽमालाम् वेॽहाॽ के़लिःक्तुसिरो॥ खे़ने़ॽ लुङ्याङ्पेॽ हाङ्यक्को के़युङ्लो हे़क्क्याङ् चन्जन्लुङ् कोःक्मा फाङ्जङ्हाॽ के़युक्तुरो॥ कर खे़ने़ॽ किःत्थहाॽनु सोसोरिक् थे़गु माङ्वाहाॽरे़ कुसम्मो हाप् के़जोगुसाङ्, आङ्गाॽ यो मक्थाःन्ने थाने़रो,” यहवे दाङ्बे़ल्ले़ पाःत्तुआङ् वाॽरो॥
“आमनासे, खिनिॽ आभेलॽरिक् अक्खे पाःप्मा के़सुक्तुम्बाबे? ‘आनिगे़ग सिक्कुम्दिङ् निङ्वाॽसाबा चोगिगे़रो हे़क्क्याङ् यहवे दाङ्बे़ल्ले़ कुसाम्योथिम् इङ्जाङ्ङिन् कत्तुम्बे़रो॥’ से़क्खाबा पाःङ्ग खिनिॽ ओमे़त्ते़म्मे़ॽओ, कुनिङ्वाॽ के़जिःप्पा साम्योथिम्साम्बाहाॽरे़ साम्योइङ्जाङ्ङिन् ताङ्ग्राक्चि वक्रात्चि मे़जोगुआङ् वाॽरो॥
नाम्मिल्ले़ कुसिगाङ् आङ्गाॽ वेॽ पाःन्धिक्काङ् निसुङ्ङाङ् वाॽरो॥ लोःक्चाःत्तो हारा के़जाप्पार के़लोःक्पाहाॽरे़ लोःक्चाःत्तिन् मे़न्नाःन्दुन्लो हे़क्क्याङ् मुक्के़गुबाहाॽरे़आङ् ए़त्ले़ङ् थङ्ङिन् मे़न्नाःन्दुन्लो॥ सिक्कुम्निबा मनाहाॽरे़ सदादिङ् साप्पोक् हिङ्मा हिम्ब्राम् चोःक्मा मे़न्छुक्तुन्लो, चाःप्पा मनाहाॽरे़ सदादिङ् याङ्साकुन्धे थक्मा मे़न्छुक्तुन्लो हे़क्क्याङ् सुम्बोधाबा मनाहाॽ सदादिङ् यम्बा ताक्फेओ मे़ङ्गे़त्ने़न्लो॥ ये़म्मिन् नु सुये़म्मिन् के़रे़क् सम्धाङ् तामा सुक्लो॥
Piblisite