खुने़ॽ हाङ्ङिन् मे़त्तु, “यहवे दाङ्बे़ल्ले़ अक्खे पाःत्तुॽ—‘आङ्गाॽ थ्यःङ् मे़ङ्मा कोःत्तुङ्बा मनान् खे़ने़ॽ के़ले़रु के़देसु॥ कल्ले़चोगुल्ले़ कन् मनाःल्ले़ कुसिमे़ल्ले़ कुले़क्वा खे़ने़ॽ के़सिरो हे़क्क्याङ् खुने़ॽ कुमनाहाॽरे़ खुन्छिॽ सिमे़ल्ले़ कुले़क्वा खे़ने़ॽ के़मनाहाॽ मे़सिरो॥’”
यर्मिया 48:10 - लिम्बु10 “यहवे दाङ्बे़ल्ले़ कुयाःम्बक् मे़न्जोःक्मनाबा के़ले़म्बाहाॽ माङ्दे मे़धाररो, माक्खिॽ मे़न्छे़मनाबा ताभे के़जिङ्बाहाॽ साङ्ग्रारे़ ते़त्तुसिररो! Gade chapit la |
यर्मिया 48:10
15 Referans Kwoze
आल्ल अमाले़किहाॽनु थङ् चोःक्से़ पेगे़ॽ॥ खे़ङ्हाॽरे़ मे़गत्तुबा के़रे़क् चिगक्वा सामाहाॽ थेधिक्काङ् मे़ल्ले़त्ते के़रे़क् खाप्पुथ्यःङ् चोगे़ॽ॥ खे़ङ्हाॽरे़ खुनिॽ ये़म्बित्छा, मे़न्छुमा, अङे़ःक्वाहाॽ हे़क्क्याङ् नुगे़धुङ्बा अङे़ःक्वा साहाॽ, कुम्बाबा पित्, मे़ःन्दा मे़ल्लुक्, उमे नु अदङ्हाॽ के़रे़क् मे़क्खे़से़ॽ॥”
यहवे दाङ्बे़ल्ले़ कुमाङ्लाइङ्बे़ल्ले़ अक्खे पाःत्तुरो, ‘मेरोजे़न् माङ्दे साङ्ग्रा मे़त्ते़ॽओ खे़प्मो के़युङ्बाहाॽ कुजाभे़न्ल माङ्देसे़से़ॽओ, थेआङ्भे़ल्ले़ यहवे दाङ्बे़न् चबे़ःत्छिक्काङ् मे़म्भाॽरुन्लो, के़धुम्बाहाॽरे़ खुन्छिॽ तक्ले़ङ्वाओ खे़ङ्हाॽरे़ यहवे दाङ्बे़न् कुभाॽ मे़म्बिरुन्लो॥’
निङ्वाॽफुमाङ्ङिल्ले़ कुमनान् खे़न्नु कुसिक् पोगे़आङ् खुने़ॽ मे़त्तु, “आदाङ्बारे़ खाम्बाङ्ङो ङासि तुक्सि थारिक् हिप्मा के़बोङ्बा वये़॥ खे़ब्याङ्ने़ आदाङ्बारे़ अरामे़न् के़नाःन्दुबा वये़ हे़क्क्याङ् खे़न् वरे़ङ्ले़ङ् खाप्पुथ्यःङ् के़मे़क्खुबा वये़॥ कर आल्ल आदाङ्बारे़ अरामे़न् सुम्ले़ङ् थारिक्लक् के़नाःन्दुॽ॥”
कर सावल नु कुमनाहाॽरे़ अगागे़न् नु नुःब्नुबा मे़ल्लुक् हे़क्क्याङ् कुम्बाबा कुम्मामा पित्, वरुप्लुप्पा पित्सात्, नु मे़ल्लुक्साःत् खे़ब्याङ् चाहाब् के़जोःक्पा के़रे़क् चिगक्वा सामाहाॽ हाबा मे़से़ःप्तु मे़गत्तुसि॥ कर याःम्बक् मे़म्बिमनाबा नु कुमे़ल्लुङ् के़होःप्पाहाॽग खाप्पुथ्यःङ् मे़जोगु॥
आल्ल हाङ्ङिन् कुयाओलाम् पेर पत्छे़ल्ले़ खे़न् माङ्निङ्वाॽपान् के़बाःप्पे़ल्ले़ पाःन्छाःत्तुआङ् मे़त्तु, “आदाङ्बे, आङ्गाॽ आदाङ्बारे़ के़से़वारोबे़न् थङ्ङो थ्याङ्ङाङ् वयाङ्, हे़क्क्याङ् मे़दे़म्सु मे़देॽरुबा मना थिक् कुभारे़ आङ्गाॽओ तारुआङ् आङ्गाॽ मे़त्ताङ्, ‘कन् मनान् से़ःप्ते़ कत्ते़ॽ॥ कन् मनान् खे़त्छिङ् पेःक्ने़भग्र, खे़ने़ॽ सिमा के़बोङ्बा पोङ्ॽ इग्र खे़ने़ॽ ३४ किलो युप्पा के़हुङुर पोङ्ॽ॥’
कर खिनिॽग खे़ङ्हाॽ मे़हाङ्घे़म्सिम्मिन्ने़ॽ, खिनिॽ निङ्मिहाॽ खुन्छिॽ एगाङ् एगाङ् नाःत्ते़म्सिम्मे़ॽ, खुन्छिॽ एगाङ्लाम्बा खे़ङ्हाॽ फत्ते़म्सिम्मे़ॽ॥ खुन्छिॽ ये़क्यक्को लाःप्मा खे़ङ्हाॽ मे़भाःक्ते़म्सिम्मिन्ने़ॽ, थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ खिनिॽ हुक्को खे़ङ्हाॽ थासुसिआङ् वाॽ॥”
Piblisite