यर्मिया 47:4 - लिम्बु4 “तुरोस नु सिदोन लाम्बाबा थक्सुबा चुम्दे़ङ्हाॽनु सोसोरिक् पलिस्तिहाॽरे़ खुन्छिॽ मे़क्मा ये़म्मिन् त्ये़आङ् वाॽरो॥ ओवा, यहवे दाङ्बे़ल्ले़ पलिस्तिहाॽ, क्रेत वागप्खेःङ्लाम् के़दाबाआङ् के़युङ्बा के़दाङ्बा के़याःक्पाहाॽ मे़ङ्मा इःत्तुसिआङ् वाॽरो॥ Gade chapit la |
यर्मिया 47:4
27 Referans Kwoze
खे़न् ये़न्नो वरःङ्ङिल्ले़ कुयाओ के़युङ्बा मनाहाॽरे़ मे़बाःत्तुॽ, ‘ओमे़त्ते़म्मे़ॽ, अस्सुरबा हाङ्ङिल्ले़ कुहुक्कोलाम् से़ःप्सिङ्मारे़ लागि आनिॽ नाआसाॽरुम्सिम्बा नु आम्भाॽर फाॽआङ् आघे़त्तासिआङ् आवये़बा मनाहाॽए अक्तङ्बा मे़बोःक्खे़आङ् मे़वाॽ॥ हे़क्केःल्ले़ आनिॽ आक्खेलॽरिक् खे़त्छिङ्मा नु से़ःप्सिङ्मा आसुक्तुम्बाबे?’”
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
खिनिॽ माङ्निङ्वाॽपान् के़बाःप्पाहाॽरे़ इङ्ले़क् सुफोहाॽ मे़बाःत्तुआङ् वाॽरो, हे़क्क्याङ् खिनिॽ तॽयान् ओगे़मे़प्पाहाॽरे़ खिनिॽ इङ्ले़क् के़म्मे़त्तिआङ् वाॽरो॥ खुम्दिङ् खोमा कुनुप्मा ये़न् निःप्मा के़गे़प्पाआङ् के़वाॽबा कुॽइगे़भे़म्बाहाॽरे़ खुन्छिॽ सित्लाहाॽओ ताभेन् चुक्ते़आङ् पत्लो॥
ओरो, खे़न् ये़म्मिन् त्ये़आङ् वाॽरो, खे़न् ये़न्निन् कप्मो वाॽरो! कुमे़ल्लुङ् आजे़ःत्छिक् चोःक्मा पाःन्नो चिगक्वाॽ के़इङ्बाहाॽ मे़न्छःत्ने़न्लरो, हे़क्क्याङ् कुमे़ल्लुङ् सुःल्लिक् पोःक्खे़ फाॽआङ् के़सङ्बाहाॽआङ् मे़रिङ् मे़न्धक्ने़न्लरो, थेआङ्भे़ल्ले़ आङ्गाॽ साॽरिक् किप्मागे़घुबा आसाक्के़न्नो खे़ङ्हाॽ के़रे़क् मे़धारो॥
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—आघासे़न् चोःक्मा आहुक्किल्ले़ आङ्गाॽ पलिस्तिहाॽरे़ खुन्छिॽ लाजेन् साःप्सुङ्ॽ॥ आङ्गाॽ करेतिहाॽ वरे़ङ्ले़ङ् मे़क्खुङ्सिङ्ॽ खम्भ्याङ् वरःङ्ङिल्ले़ कुयाओ के़युङ्बा मनाहाॽ आङ्गाॽ खिदुःक् तुगुङ्देसुङ्सिङ्ॽ॥
“अस्सुरबा मनाहाॽ ताभेःल्ले़ मे़ज्ये़प्तु मे़स्ये़रुसिरो, कर मनारे़ मे़याङुबा ताभेलाम्बा मेःन्लो॥ हाबा ताभेःल्ले़ खे़ङ्हाॽ मे़मे़क्लो, कर मे़न्छाम् याप्मि नासिगे़न् थक्लाओ मेःन्लो॥ खे़न् ताभेन् मे़निसुआङ् खे़ङ्हाॽ मे़घे़त्छिङ् मे़बेःक्लो, हे़क्क्याङ् खे़ङ्हाॽरे़ खुन्छिॽ थाङ्बे़न् मे़न्छ्या साहाॽ योग्बा योःग्मा मे़जोगुसिरो॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
Piblisite