यर्मिया 46:6 - लिम्बु6 “हारा के़लोःक्पाहाॽ खे़त्छिङ्मा मे़न्छुक्ने़न्लो, साॽरिक् के़धुम्बा थक्सुबाहाॽ खे़त्छिङ्मा मे़न्छुक्ने़न्लो, थो युफ्रेतिस वहःङ्ङिल्ले़ कुयाओ खे़ङ्हाॽ मे़दोःक्काङ् ले़रे़म्भे़ना मे़जोन्लो॥ Gade chapit la |
यर्मिया 46:6
22 Referans Kwoze
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कर के़धुम्बा नु मुक्साम्दाङ्बा यहवे दाङ्बाए, खे़ने़ॽ आङ्गाॽ ले़प्माङ् के़वाॽरो हे़क्क्याङ् आङ्गाॽ के़घुम्बाहाॽ मे़दोःक्काङ् मे़गे़ङ्लो॥ हे़क्क्याङ् खे़ङ्हाॽ सदादिङ् सिरिङ्ममो मे़धारो थेआङ्भे़ल्ले़ खे़ङ्हाॽ कुलिङ्दो के़गे़प्पा पोङ्मा मे़न्छुक्ने़न्लो हे़क्क्याङ् खे़ङ्हाॽरे़ खुन्छिॽ नाधामान् आप्फाल्ले़आङ् निङ्वाॽ मे़म्भेःत्छुन्लो॥
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
नाम्मिल्ले़ कुसिगाङ् आङ्गाॽ वेॽ पाःन्धिक्काङ् निसुङ्ङाङ् वाॽरो॥ लोःक्चाःत्तो हारा के़जाप्पार के़लोःक्पाहाॽरे़ लोःक्चाःत्तिन् मे़न्नाःन्दुन्लो हे़क्क्याङ् मुक्के़गुबाहाॽरे़आङ् ए़त्ले़ङ् थङ्ङिन् मे़न्नाःन्दुन्लो॥ सिक्कुम्निबा मनाहाॽरे़ सदादिङ् साप्पोक् हिङ्मा हिम्ब्राम् चोःक्मा मे़न्छुक्तुन्लो, चाःप्पा मनाहाॽरे़ सदादिङ् याङ्साकुन्धे थक्मा मे़न्छुक्तुन्लो हे़क्क्याङ् सुम्बोधाबा मनाहाॽ सदादिङ् यम्बा ताक्फेओ मे़ङ्गे़त्ने़न्लो॥ ये़म्मिन् नु सुये़म्मिन् के़रे़क् सम्धाङ् तामा सुक्लो॥
Piblisite