यर्मिया 46:2 - लिम्बु2 बेबिलोनबा हाङ् नबुकदनेसरे़ल्ले़ कर्कमिसबा ते़न्धङ्ङो युफ्रेतिस वहःङ्ङिल्ले़ कुयाओ मिस्रबा हाङ् फारो नेकोन् नु खुने़ॽ कुधक्सुबाहाॽ नाःन्दुसिबा सुये़म्मो यहुदाबा हाङ् योसियाःल्ले़ कुस्सा यहोयाकिमे़ल्ले़ हाङ्युक् चोगुबा लिसिगेक्पा तङ्बेओ कन् इङ्घङ्ङिन् मिस्र लाजेःल्ले़ कुयाःम्बेओ के़रे़आङ् वये़रो॥ Gade chapit la |
यर्मिया 46:2
16 Referans Kwoze
योसियाहरे़ कुस्सा यहोयाकिमे़न् यहुदाबा हाङ् पोःक्खे़बा तङ्बे लिसिओ माङ्निङ्वाॽपान् के़बाःप्पा यर्मियाःल्ले़ नेरियाहरे़ कुस्सा बारुके़न् लत्छा इङ्घङ् मे़त्तु, खे़न् एगाङ् यर्मियाःल्ले़ साप्पाङ्घुङ्बा के़रे़क् पाःन्हाॽ बारुके़ल्ले़ लत्छा किप्मनाबा साप्लाथःङ्मो साप्तु॥ खुने़ॽ मे़त्तु,
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
आल्ल ओमे़त्ते़ॽ, खे़ने़ॽ मिस्रओ के़घे़ःम्सिङ्ल के़वाॽ॥ खे़ङ्ग लत्छा के़ए़क्पा मिक्ला तक्कात् हे़क्तङ्बा चोक्, कुभा मनाहाॽ खे़प्मो मे़दक्सिङ्ने़भग्र खे़ल्ले़ मनाहाॽरे़ खुन्छिॽ हुक्हाॽ लक्तुआङ् मे़गान्॥ खे़प्मो के़घे़ःम्सिङ्बा के़रे़क्ले़ खुन्छिॽ लागि मिस्र लाजेॽबा फारो हाङ्ङिन् हाबा हे़क्तङ्बाए चोक्॥
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
Piblisite