यर्मिया 46:15 - लिम्‍बु

¹⁵ खिनिॽ थक्‍सुबाहाॽ थेआङ् मे़जोःन्‍दे़बे? खे़ङ्‌हाॽ तक्‍पे़त् ये़प्‍मा मे़न्‍छुक्‍ने़न्‍लो, थेआङ्‌भे़ल्‍ले़ आङ्‌गाॽ यहवे दाङ्‌बे़ल्‍ले़ खे़ङ्‌हाॽ हिप्‍तुङ् सोःन्‍दुङ्‌सिङ्‌लो॥

यर्मिया 46:15 Referans Kwoze

निङ्‌वाॽफु साम्‍लोसुम् 68:2

सुरिःत्तिल्‍ले़ मिःक्‍खुन् फे़सु तेॽरुबा कुइसिःक्‍के खे़ङ्‌हाॽआङ् खुने़ॽ फे़सु तेॽरुसिरो॥ मिओ थुम्‍बुॽइन् योःम्‍बा हे़क्‍केए फे़न्‌याःम्‍बक् के़जोःक्‍पाहाॽआङ् निङ्‌वाॽफुमाङ्‌ङिल्‍ले़ कुदगि थ्‍यःङ् मे़बोङ्‌लो॥

यर्मिया 46:5

कर आङ्‌गाॽ थे़माःन् निसुङ्‌बे? मिस्रबा थक्‍सुबाहाॽ किमे़ल्‍ले़ मे़घे़त्‍छिङ्‌लो॥ खे़ल्‍ले़ मे़ङ्‌गिमनाबा के़धक्‍पा कुमनाहाॽ एगाङ् सुप्‍ले़क्‍थिक्‍काङ् ओमे़म्‍मुए मे़घे़त्‍छिङ्‌लो॥ खे़ङ्‌हाॽ के़रे़क् पिसाङ्‌लाम् पगि मे़गि मे़सिरो,” यहवे दाङ्‌बे़ल्‍ले़ कन् पाःत्तुरो॥

निङ्‌वाॽफु साम्‍लोसुम् 18:39

थङ् चोःक्‍माओ मुक्‍के़गुबा के़जोगाङ्‌लो, हे़क्‍क्‍याङ् आङ्‌गाॽ आनिङ्‌मिहाॽ आलाङ्‌ङो खे़ने़ॽ थुङ्‌बोहजॽ के़युङ्‌सिङ्‌बा के़जोगुसिरो॥

निङ्‌वाॽफु साम्‍लोसुम् 18:14

खुने़ॽ तोःङ्‌ङिल्‍ले़ आबुसिआङ् कुनिङ्‌मिहाॽ फुत्‍छिङ्‌ज्‍याङ् से़सुदेसुसिरो, हे़क्‍क्‍याङ् मुन्‍धाङ् सेरिःल्‍ले़ हःन्‍दा मे़ले़क्‍ते़र याःन्‍दुसिरो॥

यर्मिया 46:21

मिस्र लाजेःल्‍ले़ नाम्‌याक् पिरुसिबा कुधक्‍सुबाहाॽ चाप्‍मे़ॽ के़मे़ॽबा पित्‍सात्‍हाॽ हे़क्‍के मे़लॽरो॥ खे़ङ्‌हाॽआङ् हिल्‍लिक् मे़नुःङ्‌ङाङ् मे़लोःक्‍लो, थेआङ्‌भे़ल्‍ले़ कङ्‌ग मिस्र लाजेःल्‍ले़ लागि पयम् यम्‍बा मे़क्‍मासिमा ये़न्‍लो, साॽरिक् यम्‍बा खुम्‍दिङ्‌ले़ ये़म्‍लो॥

निङ्‌वाॽफु साम्‍लोसुम् 44:2

निङ्‌वाॽफुमाङ्‌ङिन् नसान् मे़न्‍जोःक्‍मनाबा सुवाङ्‌हाॽ इक्‍सादिङ् खाम्‍बेःक्‍मोबा के़मुक्‍साम्‍मिल्‍ले़ के़नाःत्तु के़देसुसिरो हे़क्‍क्‍याङ् खुन्‍छिॽ लाजेॽओ आनिगे पाधे़बाहाॽ के़युक्‍खुसिरो॥ आनिगे पाधे़बाहाॽरे़ खुनिॽ निङ्‌मिहाॽ यो के़धासुसिरो खे़ब्‍याङ् आनिगे पाधे़बाहाॽ नुॽमा तामा के़बिरुसिरो॥

साम्‌योथिम् इङ् 11:23

यहवे दाङ्‌बे़ल्‍ले़ कन् के़रे़क् सुवाङ्‌हाॽ खिनिॽ तगिलाम् नाःत्तुदेसुसिॽ, हे़क्‍क्‍याङ् खिनिॽनुःल्‍ले़ यम्‍बा नु के़धुम्‍बा सुवाङ्‌हाॽ खिनिॽ के़नाःन्‍दुम्‍सिम्‌ॽ॥

लाम्‍दिक् 6:1

खे़ब्‍याङ् यहवे दाङ्‌बे़ल्‍ले़ मोसान् मे़त्तु, “आङ्‌गाॽ फारोन् थे मे़त्तुङ्‌ॽ, आल्‍ल खे़ने़ॽ के़निसुॽ॥ आङ्‌गाॽ आमनाहाॽ ले़प्‍मासिरे़ लागि आङ्‌गाॽ खे़न् के़साक्‍पा चाःत्तुङ्‌ॽ॥ खुने़ॽ कुलाजेॽओलाम् खे़ङ्‌हाॽ नाःप्‍मादेमासिरे़ लागि आङ्‌गाॽ खे़ल्‍ले़ के़साक्‍पा तुमुर याःन्‍दुङ्‌ॽ॥”

निङ्‌वाॽफु साम्‍लोसुम् 68:1

निङ्‌वाॽफुमाङ्‌ङिन् पोःक्‍काङ् कुनिङ्‌मिहाॽ खुने़ॽ फुत्‍लुम् थ्‍यःङ् से़सुदेसुसिररो, खुने़ॽ कुनिङ्‌मिहाॽ हारिमे़दाआङ् मे़घे़त्‍छिङ्‌लरो॥