यर्मिया 44:6 - लिम्बु6 खे़ल्ले़चोगुल्ले़ आङ्गाॽ आयाःक्ले़ॽमान् मि हे़क्के मिधुङ् मिराःक् पोगे़ हे़क्क्याङ् यहुदाबा ये़क्यक्हाॽओ नु यरुसले़मबा लाम्हाॽओ थ्ये़, हे़क्क्याङ् खे़ङ्हाॽ आइन् थारिक्साङ् चिजि खक्खक् मुरे़क् खारे़क् ने़रो॥ Gade chapit la |
यर्मिया 44:6
34 Referans Kwoze
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
के़रे़क् लाम्हाॽरे़ कुया कुदिङ् के़मनाहाॽ खुन्छिॽ थना ले़क्खे़आङ् हर्जुॽ मे़जोःन्दे़आङ् मे़ने़रो॥ खे़ङ्हाॽग सावागे़म्बाल्ले़ कुइओ के़धाबा पे़ःङ्वा कुसिक् मे़लॽरो, खे़ङ्हाॽओ यहवे दाङ्बे़ल्ले़ कुसिक् पोःक्मे़न् थासुआङ् वाॽरो॥ हे़क्क्याङ् खुन्छिॽ निङ्वाॽफुमाङ्ङिल्ले़ साॽरिक् फे़ःक्तुसिआङ् मे़वाॽरो॥
हे़क्क्याङ् आङ्गाॽ मे़त्तुङ्, “आदाङ्बाए, आक्खे़न् ये़म् थारिक् कन् याःम्बक्किन् आङ्गाॽ चोगुङ्बाबे!” हे़क्केःल्ले़ खुने़ॽ मे़त्ताङ्, “पाङ्जुम्हाॽ खाप्पुथ्यःङ् पोङ्ङाङ् मे़न्छाम् याप्मि मेःन्ने चिजि खक्खक् मे़म्बोङ्ङे थारिक् नु हिम्धाःङ्हाॽ मनामे़ःन्ने कुघाले़म् मे़म्बोङ्ङे थारिक्, हे़क्क्याङ् प्याङ्सिगे़न् इक्ताप्पोबा चाहाॽ खाप्पु थ्यःङ् पोङ्ङाङ् मे़म्मे़क्के थारिक्,
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
खे़ने़ॽ के़आसुत्थोःन्ग चिःन्जिःन्गे़घुबा के़याम्बोःप्मे़न् नु नावाइत्ला से़वा मे़प्मा खे़ने़ॽ के़भे़न्याःम्बक्किन्लो॥ आङ्गाॽ इःङ्मा कोःत्ने़, कर के़न्दे़न्दे़न्लो॥ खे़ल्ले़चोगुल्ले़ आङ्गाॽ आसाक्के़न्निन् खे़ने़ॽ के़दक्ले़ङ्वाओ आसिक्मे़न्जिम्मे थारिक् आल्ल खे़ने़ॽ के़जिःन्जिःन्घुमोए के़वाॽरो॥
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
‘खे़ङ्हाॽ वेॽ लाजेॽबा मे़बोःक्खे़आङ् मे़युङे़बा मे़न्छाम् सुवाङ्हाॽरे़ खुन्छिॽ लुम्मो सुरित् केजङ्ङिल्ले़ फे़सुसिबा कुइसिक् आङ्गाॽ फुत्छिङ्ज्याङ् चोगुङ्सिङ्॥ आत्तिन्हाॽआङ् तामा पेःक्मा मे़न्छुक्ते़न्ल थारिक् खे़ङ्हाॽरे़ खुन्छिॽ लाजेन् चिजि खक्खक् पोःक्खे़॥ कम्भलॽरिक् खे़ङ्हाॽरे़ खे़न् नुबा लाजेन् चिजि खक्खक्पा मे़जोगुरो॥’”
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
Piblisite