यरुसले़ःम्मोबा हिम्हाॽ, यहुदाबा हाङ्हाॽरे़ खुन्छिॽ हाङ्हिम्हाॽ नु खे़न् के़रे़क् हिम्हाॽओबा आःम्भोॽहाॽओ ताङ्साङ्बोबा मे़न्छ्याब्रुक्मा खेःम्सिक्पाहाॽओ सुक्पा मे़हाःन्दुआङ् वाॽ खे़ब्याङ् कुसिङ् निःत्मे़न्दे़प्मनाबा साम्माङ्हाॽओ सेजःङ्वा सिदुङ्जभा मे़दोन्दुआङ् वाॽ, खे़ङ्हाॽ के़रे़क् तोपेत हे़क्के आसुत्थो मे़बोङ्ॽ॥’”
यर्मिया 44:5 - लिम्बु5 कर आङ्गाॽ आमनाहाॽरे़ आबाःन्निन् मे़ङ्घे़प्सुन्, इग्र खुन्छिॽ फे़न्याःम्बक्कोलाम् मे़न्नुःक्खे़न्॥ खे़ङ्हाॽरे़ कन् माङ् साम्माङ्हाॽओ चक्मे़ल्लॽए सुक्पा मे़हाःन्दु॥ Gade chapit la |
यर्मिया 44:5
18 Referans Kwoze
आङ्गाॽ आबाःन्जाःक्हाॽ खे़म्मा मे़न्दे़म्मनाबा खे़ङ्हाॽरे़ खुन्छिॽ आबाङे पाधे़बाहाॽरे़ खुन्छिॽ लायो लासोत् ले़प्माङ् खे़ङ्हाॽ मे़लासे़आङ् मे़वाॽ॥ खे़ङ्हाॽरे़ कुसिङ् मे़न्निःत्तुन्छिन्बा एयाङ्बा साम्माङ्हाॽ माङ्से़वा मे़मे़त्तुसिआङ् मे़वाॽ॥ इस्राइल नु यहुदा ने़प्माङ्बा मनाहाॽरे़ खे़ङ्हाॽरे़ खुन्छिॽ पाधे़बाहाॽरे़ मे़जोगुबा माङ्हुप्पिन् मे़ङ्गे़त्ते मे़भेःन्दुआङ् वाॽ॥
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
कर यहवे दाङ्बे़ल्ले़ कुसाक्के़न्निन् कुमनाहाॽरे़ खुन्छिॽ सम्धाङ् मे़न्धाए थारिक् खे़ङ्हाॽरे़ खुने़ॽ कुइङ्साबाहाॽ येःप्मासि कुनामे़न्छाॽ मे़प्मासि, खुने़ॽ कुबाःन्जाक्हाॽओ चे़ॽया इङ्दो पाःप्मा नु माङ्निङ्वाॽपान् के़बाःप्पा खुने़ॽ कुमनाहाॽ केॽमासि मे़ल्ले़रुन् हे़क्क्याङ् खे़प्मो ताङ्मालाम् मे़बोःक्खे़न्॥
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
Piblisite