यर्मिया 44:4 - लिम्बु4 “आङ्गाॽ आसे़वारोबाहाॽ, माङ्निङ्वाॽपान् के़बाःप्पाहाॽ ये़त्ले़ङ् ये़त्ले़ङ् खुन्छिॽ लागि अक्खे मे़त्तुङ्सिङ्ङाङ् पाङ्घुङ्सिङ्, ‘आङ्गाॽ चाॽरिक् चिःत्तुङ्बा किप्मा के़घुबा पाःन्हाॽ खिनिॽ मे़जोगे़म्मिन्ने़ॽ॥’ Gade chapit la |
यर्मिया 44:4
24 Referans Kwoze
यरुसले़म नु खे़न् के़रे़क् पिसाङ्बा पाङ्जुम्हाॽओ चिजि ये़म्ये़म् नु नुॽमादामा पोःक्खे़आङ् वये़ हे़क्क्याङ् नेगेव नु नाम्धा पिसाङ् थे़गुगुबादे़न्हाॽओ चिजि ये़म्ये़म् पोःक्खे़आङ् वये़बा तगिबा माङ्निङ्वाॽपान् के़बाःप्पाहाॽलाम् इङ्भन् पोःक्खे़बा यहवे दाङ्बे़ल्ले़ कुइङ्घङ्ङिन् हाबा कन् वये़रो॥’”
हे़क्केलॽरिक् आङ्गाॽ सिगाङ् लासाङ् हे़क्क्याङ् याम्गे़सिङ्बा मुन्जिङ् वयाक् के़लॽबा नावा चइःत्हाॽ नु के़उःङ्सिङ्बा के़सःन्छिङ्बा के़रे़क् परिक्पा थक्साहाॽ मे़लक्तुआङ् के़बप्पा लुङ्धाक्हाॽ निसुङ्॥ इस्राइलबा मनाहाॽरे़ यरिक् परिक्पा नावाइत्लाहाॽ से़वा मे़मे़त्तुसिबाआङ् आङ्गाॽ निसुङ्॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
थेआङ्भे़ल्ले़ के़बेःक्पा ये़म्मो नसान् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न्निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ से़वा चोःक्माओ यरिक् ये़म् के़देःसुम्लो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खे़ने़ॽ के़याम्सोमे़न् लाःक्कात् के़लःत्तुआङ् के़त्निमा के़याःम्बक्किन् के़रे़क् लुङ्माॽ के़हिःप्तुसिबाहाॽ आप्फेक् ओःन्गे़धाक्तुसिबाल्ले़ चोगुल्ले़, हे़क्क्याङ् खे़ने़ॽ याम्गे़सिङ्बा नावाइत्लाहाॽ से़वा के़मे़त्तुसिआङ् के़वाॽबाल्ले़ चोगुल्ले़, खम्भ्याङ् खे़ने़ॽ के़माङ्हाॽओ सिदुङ्जभा कुइसिक् खे़ने़ॽ के़स्साहाॽ के़से़रुसिबाल्ले़ चोगुल्ले़,
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥”
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
Piblisite