यर्मिया 44:27 - लिम्बु27 थेआङ्भे़ल्ले़ खिनिॽओ नुॽमा तामा मेःन् कर मे़क्मासिमे़न् ताःप्मारे़ लागि खिनिॽ अदक्तक् ओमे़त्निङ्ॽ॥ खिनिॽ यहुदालाम् के़युबाआङ् मिस्र लाजेॽओ के़युङ्बाहाॽ के़रे़क् हदॽ मे़न्छिए थारिक् थङ्ङो नु साक्वाःन्नो तुक्खे के़ज्ये़ॽइ॥ Gade chapit la |
मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥
“खे़ने़ॽ पेगे़ॽआङ् इथोपियाबा एबेद-मेलेके़न् मे़त्ते़ॽ, ‘मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ—आङ्गाॽ कन् ये़क्यक्किन् यङ्मा से़रुङ्ङाङ् वाॽआबा के़रे़क् पाःन्हाॽ आङ्गाॽ चोगुङ्ॽ॥ आङ्गाॽ नुॽमादामा मेःन्, मे़क्मासिमे़न् पाङ्घुङ्ॽ॥ कल्ले़ कुमे़क्मा सिमे़न् खे़ने़ॽ के़निसुॽ,
कुभा ये़म् एगाङ् यहुदाओ नुःङ्मा थाङ्मा निङ्वाॽ के़इःप्पा खे़न् पक्मे़ध्ये़ मे़याःक्ते़बा मिस्र लाजेॽओ के़घे़त्छिङ्बा के़बेःक्पा आत्तिन्हाॽआङ् मे़न्हिङ्ने़न्॥ खे़न् पक्मे़ध्ये़ मे़याःक्ते़बाहाॽ आबाङे लाजेॽओ नुःङ्मा निङ्वाॽ मे़इःत्तुसाङ् हे़क्के के़इःप्पाग साॽरिक् सुःल्लिक्लक् मे़नुःङ् मे़धाङ्ॽ॥”
कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥