यर्मिया 44:26 - लिम्बु26 “कर आल्लो मिस्र लाजेॽओ के़युङ्बा यहुदिसे, यहवे दाङ्बे़ल्ले़ कन् कुइङ्घङ्ङिन् खिनिॽ के़रे़क्ले़ खे़प्से़म्मे़ॽ—यहवे दाङ्बे़ल्ले़ पाःत्तुॽ, ‘आङ्गाॽ पयम् यम्बा आमिङ्ङो माङ्हे़क् चोगुङ्ङाङ् वाॽ, आल्लआङ्धो मिस्र लाजेॽओ के़युङ्बा आत्तिन् यहुदिहाॽरे़आङ् आङ्गाॽ आमिङ् मे़ल्लोःक्खुन्ॽ॥ खिनिॽ आत्तिन्हाॽरे़आङ् आङ्गाॽ आमिङ्ङिन् के़म्बाःत्तुम्मिन्ॽ इग्र कन् माङ्हे़क्किन् ओगप् के़न्जोगुम्मिन्, “हिङ्मन्दाङ्बा मुक्साम्दाङ्बा यहवे दाङ्बा निङ्वाॽफुमाङ्ङिन् साखि युक्खुङ्ॽ॥” Gade chapit la |
यर्मिया 44:26
28 Referans Kwoze
“इस्राइलबा मनासे, खिनिॽ लागिग, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—खिनिॽ तगि पेगे़म्मे़ॽ, हे़क्क्याङ् खिनिॽ नावाइत्लाहाॽ से़वा मे़म्ते़म्सिम्मे़ॽ, कर हाराए इग्र याङ्सि खिनिॽ आङ्गाॽ आबाःन्निन् के़घे़प्सुम्ॽ खम्भ्याङ् नावाइत्लाहाॽ से़वा मे़प्मासिलाम् खिनिॽ आङ्गाॽ आसेसे आमिङ्ङो सिरिङ्ममा ताःप्मा के़नाॽरुम्ॽ॥
यहवे दाङ्बान् आबाङे कुमिङ्ङो माङ्हे़क्सिङ्ङाङ् वाॽ, यहवे मुक्साम्दाङ्बा निङ्वाॽफुमाङ्ङिल्ले़ उवा चोगुरो— “आङ्गाॽ याकुबरे़ कुआङ्दिङ् लॽमान् आसिक्ले़ःङ्लो, हे़क्क्याङ् खे़ल्ले़ कुयक्हाॽ पजिःत् चिःत्तुङ्लो॥ आङ्गाॽ कप्मो के़वाॽबा के़रे़क् पाःन्हाॽनु सोसोरिक् कन् ये़क्यक्किन् निङ्मिहाॽरे़ खुन्छिॽ हुक्को थासुङ्लो॥”
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
हे़क्क्याङ् चेहाॽ लुप्मासि फाॽआङ् कुभारे़ खुन्छिॽ काॽइहाॽ मे़दाआङ् हिम्मोलाम् चेहाॽ लःप्मासिरे़ लागि खे़प्मो के़जिङ्सिङ्बाआङ् के़युङ्बे़न् अक्खेलॽरिक् सेःन्मे़दोसु, “आल्लसाङ् खे़ने़ॽनु कुभा वेॽ मे़वाॽबि?” हे़क्क्याङ् खुने़ॽ नुगप् पिरुसिॽ, “मे़होप्लो॥” खे़ब्याङ् खे़ल्ले़ मे़त्तुसिॽ, “स्वाःत् मे़बारे़म्मिन्ने़ॽ! यहवे दाङ्बे़ल्ले़ कुमिङ्ङिन् आनिॽ पाःप्मा मे़नुॽने़न्लो॥”
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
“कर यहुदाबा हाङ् सिदकियाहःन्, खुने़ॽ कुसुहाङ्युक्पाहाॽ हे़क्क्याङ् कन् लाजेॽओ के़युङ्बा के़याःक्पा यरुसले़ःम्मोबा मनाहाॽ नु मिस्रओ के़बेःक्पाहाॽ, आङ्गाॽ खे़न् ताप्फे़ःम्बा चामा सुक्मे़न्दे़प्मनाबा पःत्छेॽहाॽ कुसिङ् इःत्तुङ्सिङ्ङाङ् हे़क्केलॽरिक्के ताप्फे़ःल्लिक् मे़त्तुङ्सिङ्ॽ॥
यहवे दाङ्बे़ल्ले़ अक्खे पाःत्तुॽ, “आङ्गाॽ आप्फेक् आमिङ्ङो माङ्हे़क् चोगुङ्ङाङ् वाॽ, खे़न् बोज्राःन् किप्मागे़घुबा निगे़दे़प्पा नु खाप्पुथ्यःङ् के़बोङ्बाआङ् के़लुम्सिङ्बा पोङ्ॽ, कन् कुनामे़न्छाॽ नु माङ्दे साङ्ग्रा मे़प्मा चाहाक् पोङ्ॽ॥ कल्ले़ कुबाङ्जुम्हाॽ नु कुबाङ्भेॽहाॽ सदादिङ् आभे़ल्ले़साङ् मुरे़क् खारे़क् चिजि खक्खक्पा पोङ्लो॥”
कुभा ये़म् एगाङ् यहुदाओ नुःङ्मा थाङ्मा निङ्वाॽ के़इःप्पा खे़न् पक्मे़ध्ये़ मे़याःक्ते़बा मिस्र लाजेॽओ के़घे़त्छिङ्बा के़बेःक्पा आत्तिन्हाॽआङ् मे़न्हिङ्ने़न्॥ खे़न् पक्मे़ध्ये़ मे़याःक्ते़बाहाॽ आबाङे लाजेॽओ नुःङ्मा निङ्वाॽ मे़इःत्तुसाङ् हे़क्के के़इःप्पाग साॽरिक् सुःल्लिक्लक् मे़नुःङ् मे़धाङ्ॽ॥”
मुक्साम्दाङ्बा यहवे दाङ्बान् माङ्हे़क्सिङ्ङाङ् वाॽरो, हे़क्क्याङ् खुने़ॽ कुमिङ्ङो माङ्हे़क् चोगुआङ् वाॽरो— “निःङ्घुक्वा पन्ज्याङ्माहाॽरे़ इक्ताप्हाॽ मे़बन्छुबा कुइसिक् कुये़क्यक्हाॽ निङ्मिहाॽरे़ सधे़क् मे़धिम्सुरो, हे़क्क्याङ् खे़ङ्हाॽ थङ् नाःम्मा इक्लाओ खे़ने़ॽ पिसाङ् तियाहा मे़लॽरो॥”
Piblisite