खे़न् ते़न्हाॽ चिजि खक्खक् नु ओमे़प्मा सुक्मे़न्दे़प्मनाबा मुरे़क् खारे़क्पा ये़ःङ्घादे़न् हे़क्तङ्बा पोङ्ल हे़क्क्याङ् खे़ङ्हाॽरे़ खुन्छिॽ मिङ्ङिन् मे़बाःत्तुआङ् मनाहाॽरे़ साक्मुरा माङ्दे मे़मे़त्तुसिर फाॽआङ् यरुसले़म नु यहुदाबा के़रे़क् ये़क्यक्हाॽ, खे़प्मोबा हाङ्ङिन् नु लाम्लोबाहाॽ के़रे़क् खे़न् खोर्याओलाम्बा आङ्गाॽ थुङ्मा पाङ्घुङ्सिङ्॥ आइन् थारिक्साङ् मनाहाॽरे़ हे़क्केलॽरिक्के साक्मुरा मे़मे़त्तुसिॽ॥
यर्मिया 44:22 - लिम्बु22 खिनिॽ के़जोगुम्बा याम्गे़सिङ्बा पाःन्हाॽ यहवे दाङ्बे़ल्ले़ नासि मे़धःत्तुम्बाल्ले़ चोगुल्ले़ खुने़ॽ खिनिॽ लाजेन् आल्लो माङ्दे साङ्ग्रा मे़मे़त्तुबा, मना मे़न्युङ्मनाबा चिजि खक्खक् मुरे़क् खारे़क्पा पोःक्खे़आङ् ने़रो॥ Gade chapit la |
यर्मिया 44:22
40 Referans Kwoze
खे़निॽ पाःन्निल्ले़ यहवे दाङ्बे़न् नासे़र के़याःन्दुम्माङ् वाॽ॥ कर खे़निॽ से़ःन्गे़दोसुम्ॽ, “आनिगे आक्खेलॽरिक् खुने़ॽ नासे़र याःन्दुम्बे़बे?” कर खे़निॽ अक्के के़बाःत्तुम्माङ् नार के़याःन्दुम्ॽ, “ताप्फे़ःम्बा याःम्बक् के़जोःक्पाहाॽ के़रे़क् यहवे दाङ्बे़ल्ले़ कुमिक्साओ नुबाए मे़जोक् हे़क्क्याङ् खुने़ॽ खे़ङ्हाॽनु कुनिङ्वाॽ ताःॽ,” इग्र “खासे़न् के़लोःम्बा निङ्वाॽफुमाङ्ङे़न् आत्ति वाॽबे?”
मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥
खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
थेआङ्भे़ल्ले़ कन् ते़न्निन् आन्छिगे खाप्पुथ्यःङ् चोःक्मा चोःक्सुगे़, कङ् मनाहाॽरे़ मे़जोगुबा ताप्फे़ःम्बा याःम्बक्किल्ले़ इक्लान् यहवे दाङ्बाल्ले़ कुदगि साॽरिक् पोरे़थाङे़आङ् वाॽ, हे़क्क्याङ् कङ् ये़क्यक्किन् खाप्पुथ्यःङ् चोःक्से़ यहवे दाङ्बाल्ले़ आन्छिगे पाङ्घे़छिगे़आङ् वाॽसिगे़॥”
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
खे़ल्ले़चोगुल्ले़ यहवे दाङ्बा इस्राइलबा निङ्वाॽफुमाङ्ङिल्ले़ कुमनाहाॽ कम्ब्राङ् के़मे़प्पा मे़ल्लुक्कम्बाहाॽरे़ खुन्छिॽ याःम्बेओ खुने़ॽ अक्खे पाःत्तुॽ, “खिनिॽ आङ्गाॽ आमनाहाॽ कम्ब्राङ् के़म्मे़त्तुम्सिम्मिन्, खिनिॽ खे़ङ्हाॽ फुत्छिङ्ज्याङ् के़जोगुम्सिम्माङ् पुबेलाप्सा के़नाःत्तुम्सिम्॥ आल्ल खिनिॽ ताप्फे़ःम्बा याःम्बक्हाॽरे़ लागि खिनिॽ खुम्दिङ् पिनिङ्ॽ॥
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
खे़ब्याङ् इस्राइलिहाॽ खुन्छिॽ निङ्वाॽफुमाङ्ङिन्नु नसाःन्साबा मे़म्बोःक्खे़म्बाल्ले़ कुले़क्वा खुम्दिङ्ले़ लागि खे़ङ्हाॽ लाजेॽलाम् मे़लःत्तुसिआङ् माःङ्घा मे़बाङ्घु मे़देसुसिआङ् मे़वये़बा फाॽआङ् मे़न्छाम् सुवाङ्हाॽरे़ निङ्वाॽ मे़घोसुॽ॥ खे़ल्ले़चोगुल्ले़ खे़ङ्हाॽलाम्बा आङ्गाॽ आनारान् चिक्खुङ् हे़क्क्याङ् खे़ङ्हाॽ खुन्छिॽ निङ्मिहाॽओ हुक्सुप्तुङ्सिङ्, खे़ब्याङ् खे़ङ्हाॽ के़रे़क् ताभेःल्ले़ मे़सोःन्दुसि॥
खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
Piblisite