यर्मिया 44:17 - लिम्बु17 आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥ Gade chapit la |
यर्मिया 44:17
32 Referans Kwoze
“कर खे़ङ्हाॽरे़ आङ्गाॽ आदक्ले़ङ्वाओ पिफ्युङ् मे़जोगु हे़क्क्याङ् आङ्गाॽ आबाःन्निन् मे़ङ्घे़प्सुन्॥ खुन्छिॽ निङ्वाॽओ के़युङ्बा चिःन्जिःन्गे़घुबा चइःत्हाॽलाम् खे़ङ्हाॽ लाःत्लाःत् मे़म्बोःक्खे़न्, इग्र मिस्रबा नावाइत्लाहाॽ लाप्मे़म्भुसुसिन्॥ खे़ब्याङ् खे़ङ्हाॽ मिस्र मे़वये़ल्ले़ए आङ्गाॽ आसाक्के़न्निन् चिःङ्मारे़ लागि आङ्गाॽ साॽरिक् आयाःक्ले़ॽमे़न् खिनिॽओ थासुङ्ॽ फाॽआङ् खे़ङ्हाॽ यङ्मा से़रुङ्सिङ्ङाङ् वये़॥
हे़क्क्याङ् इस्राइलिहाॽरे़ खे़ङ्हाॽ मे़मे़त्तुसि, “मिस्रबा सा थोःक्मा खप्प्याहाॽ कब्रिङ् युङिगे़आङ् आनिगे कुजा नु सा चाम्बे़बा वये़मे़न्॥ हाबा खे़न् ये़म्मो यहवे दाङ्बे़ल्ले़ कुहुक्कोलाम् स्ये़ॽइगे़ल्ले़ नुबा पोःक्खे़मे़न्॥ कर आनिगे कन् के़रे़क् सङ्जुम्भोहाॽ साक्के़ल्ले़ सिमारे़ लागि कन् मुरे़क् खारे़क् थेआङ् के़होप्पादे़न्नो याप्मि के़भे़त्तिआङ् के़वयि॥”
मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुॽ, “खिनिॽ नु खिनिॽ मेःत्हाॽरे़ के़बाःत्तुम्माङ् वाॽ, ‘साङ्ग्राम्पेदाङ्मा हाङ्माओ सुक्पा हाःम्मा नु सेजःङ्वा सिदुङ्जभाहाॽ हुङ्मा आनिगे चोगुम्बे़बा माङ्हुप्पिन् चोगुम्बे़,’ हे़क्क्याङ् खिनिॽ के़बाःत्तुम्बान् खिनिॽ याःम्बक्लाम् ओसेःन्धाङ् के़जोगुम्॥ कल्ले़चोगुल्ले़ खिनिॽ खे़न् हाङ्माओ के़जोगुम्बा माङ्हुप्हाॽ नु माङ्हे़क्हाॽ तगि चोगे़म् तेॽरे़म्मे़ॽ!
यरुसले़ःम्मोबा हिम्हाॽ, यहुदाबा हाङ्हाॽरे़ खुन्छिॽ हाङ्हिम्हाॽ नु खे़न् के़रे़क् हिम्हाॽओबा आःम्भोॽहाॽओ ताङ्साङ्बोबा मे़न्छ्याब्रुक्मा खेःम्सिक्पाहाॽओ सुक्पा मे़हाःन्दुआङ् वाॽ खे़ब्याङ् कुसिङ् निःत्मे़न्दे़प्मनाबा साम्माङ्हाॽओ सेजःङ्वा सिदुङ्जभा मे़दोन्दुआङ् वाॽ, खे़ङ्हाॽ के़रे़क् तोपेत हे़क्के आसुत्थो मे़बोङ्ॽ॥’”
खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिल्ले़ के़रे़क् कुइङ्जाङ्हाॽ मे़ले़रु मे़देसु, हे़क्क्याङ् खुन्छिॽ लागि मे़योन्दुआङ् मे़जोगुबा ने़त्छि पित्सात्हाॽ नु असेरा माङ्ङिल्ले़न् सित्लाङ् थिक् मे़जोगु॥ खे़ङ्हाॽ ताङ्साङ्बोबा के़रे़क् खेःम्सिक्पाहाॽ तगि साम्बोन् हबत् मे़भन्छिङ्, हे़क्क्याङ् बाले़न् माङ्से़वा मे़मे़त्तु॥
कर खुने़ॽ कुये़म्बाःल्ले़ खे़न् पाःन्निन् खे़प्सुबा ये़न्निल्ले़ याःन्दिक् खे़ल्ले़ कुमाङ्हुप्पिन् इग्र कुमाङ्हे़क्किन् थेनाधेबा चोगुने़भग्र, खे़न् मे़न्छुमाःल्ले़ कुम्ब्राओलाम् के़लःम्बा पाःन्निन् हने़बा पोङ्ॽ॥ यहवे दाङ्बे़ल्ले़ खे़न् मे़न्छुमान् ले़रुदेसुॽ थेआङ्भे़ल्ले़ खुने़ॽ कुये़म्बाले़ए खे़न् कुमाङ्हुप्पो के़प्मालाम् थेःक्तु॥
कल्ले़चोगुल्ले़ कन् पाःन्हाॽ आङ्गाॽ तगिए खे़ने़ॽ मे़त्ने़बारो, कन्हाॽ पोङ्मानुःल्ले़ तगिए आङ्गाॽ खे़ने़ॽ चे़क्ने़रो॥ हे़क्केलॽरिक् खे़ने़ॽ कम्भ पाःप्मा के़ङ्घोसुल्लरो, ‘आङ्गाॽ आनावाइत्लाहाॽरे़ कन् मे़जोगुबारो, आङ्गाॽ आसिङ् चइःत्तिल्ले़ नु साम्म्याङ् युप्पा माङ्ङिल्ले़ कन्हाॽ इङ्जाङ् चोगुबारो॥’
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
खुने़ॽ के़नाःम्बा दमस्कसबा माङ्हाॽओ सिदुङ्जभा तोःन्दु, थेआङ्भे़ल्ले़ खुने़ॽ अक्तङ्बा निङ्वाॽ इःत्तु, “अरामबा हाङ्हाॽरे़ खुन्छिॽ माङ्हाॽरे़ खे़ङ्हाॽ मे़भाॽरुसि॥ कल्ले़चोगुल्ले़ खे़ङ्हाॽरे़ आङ्गाॽ मे़भाॽआर फाॽआङ् आङ्गाॽआङ् खे़ङ्हाॽओ सिदुङ्जभा तोःन्दुङ्ॽ॥” कर से़क्खाःल्ले़ग खे़ङ्हाॽरे़ए खुने़ॽ नु के़रे़क् इस्राइलिहाॽ मे़आगे़र मे़जोगु॥
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
खे़ब्याङ् खुने़ॽ यहवे दाङ्बे़ल्ले़ कुहिम् पेसाङ्बा लक्खुम्मो आङ्गाॽ ताराङ्॥ सेसेदे़न्नो लाःप्मा नु कासा ले़त्ति तोःम्मादे़न्निल्ले़ कुलुम्मो, खे़प्मो निबोङ्ङाङ् ङासि यारिक् मनाहाॽरे़ यहवे दाङ्बे़ल्ले़ कुसेसेदे़न् ले़प्माङ् खुन्छिॽ एःक्थाःक्मान् मे़हिसुआङ् मे़बत्छे़॥ खे़ङ्हाॽरे़ नाम्मिन् से़वा मे़मे़त्तुर, खाम्बाङ्ङो अःक्खुम् मे़भन्छिङ्ङाङ् नाङ्गे़न् पिसाङ् तक् मे़मे़त्तुआङ् मे़बत्छे़॥
Piblisite