यर्मिया 44:13 - लिम्‍बु

¹³ आङ्‌गाॽ खे़ङ्‌हाॽ यरुसले़ःम्‍मो ते़न्‍धङ्, साक्‌वान् नु तुक्‍मा लाःक्‍मा मिङ्‌देल्‍ले़ खुम्‍दिङ् पिरुङ्‌ङाङ् वयाङ्‌बा हे़क्‍केए मिस्र लाजेॽओ खुम्‍दिङ् पिरुङ्‌सिङ्‌ॽ॥

यर्मिया 44:13 Referans Kwoze

यर्मिया 43:11

हे़क्‍क्‍याङ् खुने़ॽ फे़न्‍नाङ् मिस्र लाजेन् खाप्‍पुथ्‍यःङ् चोगुॽ॥ मिङ्‌देॽलाम् आत्तिन् सिमा के़बोङ्‌बा वाॽ, खे़न् मिङ्‌देल्‍ले़ सिःॽ, आत्तिन् ते़म्‍मा तेॽमा के़बोङ्‌बा वाॽ, खे़न् मे़दे़म्‍सु मे़देॽरु, हे़क्‍क्‍याङ् थङ्‌ङो आत्तिन् सिमा के़बोङ्‌बा वाॽ, खे़न् थङ्‌ङो सिःॽ॥

यर्मिया 11:22

खे़ल्‍ले़चोगुल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे मे़त्ताङ्, ‘ओमे़त्ते़ॽ, आङ्‌गाॽ खे़ङ्‌हाॽ खुम्‍दिङ् पिरुङ्‌सिङ्! खे़ङ्‌हाॽरे़ खुन्‍छिॽ नालिगे़न् थाङ्‌बे़न्‍हाॽ थङ्‌ङो मे़से़रुसिॽ॥ खे़ङ्‌हाॽरे़ खुन्‍छिॽ थाङ्‌बे़न् साहाॽ साक्‍किल्‍ले़ हदॽ मे़सिःॽ॥

यर्मिया 42:18

“मुक्‍साम्‍दाङ्‌बा यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ अक्‍खे पाःत्तुॽ, ‘आक्‍खेलॽरिक् आङ्‌गाॽ आसिक् पोःक्‍मे़न् नु साॽरिक् आयाःक्‍ले़ॽमान् यरुसले़ःम्‍बा मनाहाॽरे़ खुन्‍छिॽ सम्‍धाङ् थ्‍ये़आङ् वये़, हे़क्‍केलॽरिक्‍के खिनिॽ मिस्र लाजेॽओ के़लासिल्‍ले़ खे़न् आङ्‌गाॽ साॽरिक् आसिक् पोःक्‍मे़न् नु आयाःक्‍ले़ॽमान् खिनिॽ सम्‍धाङ् थारो॥ मे़क्‍मासिमा, किप्‍मागे़घुबा, माङ्‌दे साङ्‌ग्रा नु चे़क्‌या इङ्‌दो पाःन्‍निल्‍ले़ आप्‍तिक् चाहाक् के़बोःक्‍खिॽ॥ हे़क्‍क्‍याङ् खिनिॽ आबाङे लाजेन् खिनिॽ याम्‍मो आभे़ल्‍ले़आङ् के़न्‍निसुम्‍मिन्‌ॽ॥’

यर्मिया 24:10

आङ्‌गाॽ खे़ङ्‌हाॽ नु खे़ङ्‌हाॽरे़ खुन्‍छिॽ पाधे़बाहाॽ पिरुङ्‌सिङ्‌बा कन् लाजेॽओ खे़ङ्‌हाॽ खक्‍पे़त् मे़म्‍मे़क्‍ने़ल्‍ल थारिक् आङ्‌गाॽ खे़ङ्‌हाॽओ थङ्, साक्‌वान् नु मिन्‍देहाॽ तारुङ्‌लो॥”

यर्मिया 21:9

कन् ये़क्‌यक्‍को आत्तिन् युङ्, खे़न् ते़न्‍धङ्, साक्‌वान् इग्र माङ्‌दुक्‍माल्‍ले़ सिःॽ कर आत्तिन् लःन्‍नाङ् पेक् हे़क्‍क्‍याङ् आल्‍लो ये़क्‌यक्‍किन् के़भप्‍पा के़दाःप्‍पा बेबिलोनिहाॽरे़ खुन्‍छिॽ हुक्‍को आबाङे हुक्‍सुप्‍सिङ्‌ॽ, खे़न् मे़सिने़न्॥ खे़ल्‍ले़ थे मेःन्‍छाङ् खुने़ॽ कुहिङ्‌मे़न् ताङ्‌घुॽ॥

यर्मिया 42:16

खिनिॽ साॽरिक् के़गिरुम्‍बा थङ् नु साक्‍लाम्‍बा लाःत्‍लात् पोङ्‌मा के़न्‍छुक्‍तिन्‌ॽ, खे़ब्‍याङ् खिनिॽ खे़प्‍मोए के़स्‍ये़ॽइ॥

यर्मिया 42:17

मिस्र लाजेॽओए पेःक्‍माआङ् युङ्‌मा हादिङ् के़धक्‍पा खिनिॽ के़रे़क् हे़क्‍तङ्‌बा ताप्‍फे़ःम्‍बा पाःन्‍निल्‍ले़ के़हाङ्‌घिर वाॽ॥ ओःक्, थङ्, साक्‌वान् नु तुक्‍मा लाःक्‍मालाम् खिनिॽ के़स्‍ये़इॽ॥ आङ्‌गाॽ खे़प्‍मो तारुङ्‌बा मे़क्‍मा सिमालाम् खिनिॽ आत्तिन्‍हाॽआङ् के़न्‍दाङिन्‌ॽ॥’”

यर्मिया 24:9

आङ्‌गाॽ खे़ङ्‌हाॽ इक्‍सादिङ् खाम्‍बेःक्‍मोबा हाङ्‌जुम्‍हाॽओ नाःत्तुङ्‌देसुङ्‌सिङ्‌ॽ, खे़प्‍मो आङ्‌गाॽ खे़ङ्‌हाॽ चिःप्‍मा नु साःप्‍मा हे़क्‍क्‍याङ् एःप्‍मा नु माङ्‌दे साङ्‌ग्रा मे़प्‍मा चाहाक् चोगुङ्‌सिङ्‌ॽ॥

यर्मिया 42:15

खे़ब्‍याङ्‌ग यहुदाओ के़दाङ्‌बा के़याःक्‍पाहाॽरे़ मुक्‍साम्‍दाङ्‌बा यहवे दाङ्‌बे़ल्‍ले़ कुइङ्‌घङ्‌ङिन् खे़प्‍से़म्‍मे़ॽ॥ साङ्‌ग्राम्‍पेदाङ्‌बा यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ अक्‍खे पाःत्तुॽ, ‘मिस्र लाजेॽओ पेःक्‍माआङ् खे़प्‍मो युङ्‌मा खिनिॽ निङ्‌वाॽ निःन्‍धो के़जोगुम्‍माङ् वाॽने़भग्र,

होसे 9:6

खे़ङ्‌हाॽ मे़क्‍मालाम् मे़घे़त्‍छिङ्‌साङ् मिस्र लाजेःल्‍ले़ खे़ङ्‌हाॽ फुक्‍खुसिरो, हे़क्‍क्‍याङ् मोपबा मनाहाॽरे़ खे़ङ्‌हाॽ मे़लुप्‍तुसिरो॥ खे़ङ्‌हाॽरे़ खुन्‍छिॽ युप्‍पा याङ्‌साकुन्‍धेहाॽ तिङ्‌ग्रेक् लाःल्‍ले़ सुःप्‍तुरो खे़ङ्‌हाॽरे़ खुन्‍छिॽ साःङ्‌गाहिम्‍हाॽ तिङ्‌ङिल्‍ले़ कुबुङ्‌हाॽरे़ थिम्‍सुरो॥