यर्मिया 44:12 - लिम्बु12 मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥ Gade chapit la |
यर्मिया 44:12
18 Referans Kwoze
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
यरुसले़ःम्लाम्बा मे़दे़म्सुसिआङ् बेबिलोनओ मे़देॽरुसिबा मनाहाॽरे़ खे़प्मो आत्तिन्हाॽसाङ् साङ्ग्रा माङ्दे मे़प्मासि निङ्वाॽ मे़जोगुल्ले़ खे़ङ्हाॽरे़ अक्खे मे़बाःत्तुॽ, ‘बेबिलोनबा हाङ्ङिल्ले़ कुहिङ्वे़त् मिधिक्खुसिबा सिदकियाहःन् नु आहाबबे़न् कुइसिक् यहवे दाङ्बे़ल्ले़ खे़ने़ॽआङ् के़मे़त्लरो॥’
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
आल्ल खुने़ॽ खे़न् मे़न्छुमान् च्वाःत् थुङ्मा पाङ्घुल्ले़, खे़न् फे़त्लाॽरे़आङ् वाॽ हे़क्क्याङ् खे़ल्ले़ खुने़ॽ कुये़म्बाःल्ले़ कुदक्ले़ङ्वाओ फे़न्याःम्बक् चोगुआङ् वाॽने़भग्र, खे़न् माङ्दे के़दाःप्पा च्वाःत्तिन् खुने़ॽ कुसाप्पोःक्को लाःत्ताङ् साॽरिक् थःप्माए मे़सुक्तुन्ल थारिक् तुक्॥ खे़ल्ले़ कुसाप्पोःक्किन् थङ्दुॽ हे़क्क्याङ् खे़ल्ले़ कुस्सा मे़न्याक्मनामा पोङ्ॽ, हे़क्क्याङ् खे़न् मे़न्छुमान् खुने़ॽ कुमनाहाॽरे़ खुन्छिॽ लुम्मो माङ्दे साङ्ग्रा के़दाःप्मा पोङ्ॽ॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
यहुदा नु इस्राइलबा यक्युङ्बासे! आक्खेलॽरिक् मे़न्छाम् सुवाङ्हाॽरे़ खुन्छिॽ लुम्मो खिनिॽ माङ्दे साङ्ग्रा चाहाक् के़बोःक्खिआङ् वये़, खे़ल्ले़चोगुल्ले़ आङ्गाॽ खिनिॽ ताङ्से़ःप्निङ्ॽ हे़क्क्याङ् खिनिॽ हाङ्वागे़न् मुॽइसाम्रे़ कुबुङ् के़बोःक्खिॽ॥ “खिनिॽ मे़गिसे़म्मिन्ने़ॽ, कर खिनिॽ हुक्हाॽ के़धुम्बा पोङ्ल॥”
Piblisite