यर्मिया 44:10 - लिम्बु10 आल्लो कन् ये़म्मोआङ् नःम्नःम् मे़ल्लॽए के़वयिॽ इग्र मिङ्सो इङ्धाङ् ओसेःन्धाङ् मे़न्जोःक्के के़वयिॽ॥ आङ्गाॽ खिनिॽ तगि खिनिॽ सुधे़बा ताक्थे़बाहाॽ पिरुङ्सिङ्बा पान् नु थिम्हाॽ इःप्मा नाःप्मारे़ लागि आत्तिल्ले़आङ् निङ्वाॽ मे़म्बिए वाॽ॥ Gade chapit la |
यर्मिया 44:10
38 Referans Kwoze
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
से़क्खाएरो, कर यहुदिहाॽरे़ निङ्वाॽफुमाङ्ङिन् नसान् मे़न्जोगुन्नाङ्ङे सिङ्बोराःक्किन् चे़प्माआङ् लाप्फुमनाबा कुइसिक् लाप्मे़भुसे़बारो॥ खिनिॽ नसान् के़जोगुम्बाल्ले़ चोगुल्ले़ खे़प्मो के़वयिॽरो॥ हे़क्केःल्ले़ आङ्दिङ् मे़लॽरे़म्मिन्ने़ॽओ, कर खे़न् पोःक्खे़बा पाःन्हाॽ इःत्ते़म्मे़ॽआङ् निङ्वाॽफुमाङ्ङिन् किरे़म्मे़ॽओ॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
पान् नुःक्मारे़ लागि खे़ने़ॽ के़निङ्वान् यारिप् पोःक्खे़ हे़क्क्याङ् आङ्गाॽ कन् लाजेन् नु कप्मोबा मनाहाॽरे़ खुन्छिॽ याःम्बेओ पाःत्तुङ्बा पाःन्हाॽ के़घे़प्सुआङ् निङ्वाॽफुमाङ्ङिल्ले़ कुदगि खे़ने़ॽ नःम्नःम्बा के़बोःक्खे़, हम्भ्याङ् आङ्गाॽ आदगि खे़ने़ॽ चुङ्जिगे़न् के़बोक्खे़आङ् खे़ने़ॽ के़जाङ्ङिन् के़धे़ःक्खुआङ् आङ्गाॽ आदगि मे़रिङ् के़धक्ते़बाल्ले़ चोगुल्ले़ खे़ने़ॽ के़बाःन्निन् आङ्गाॽ खे़प्सुङ्ङाङ् वाॽ, यहवे दाङ्बे़ल्ले़ उवा चोगुॽ॥
खुने़ॽ आप्फेक् नःम्नःम्बा चोःक्सिङ्मानुःल्ले़ तगि पेलि फाक्तुबा नु निङ्वाॽफुमाङ्ङिल्ले़ आक्खेलॽरिक् खुने़ॽ कुबेलिन् खे़प्सु, हे़क्क्याङ् खुने़ॽ के़रे़क् कुलायोहाॽ नु नसान् ले़क्खुआङ् चोगुबा याःम्बक्हाॽ, थे़गुहाॽओ खुने़ॽ चोगुबा माङ्धाःन्हाॽ नु असेरा माङ् सित्लाङ्हाॽ नु नावाइत्ला ये़प्सुसिबा कन् के़रे़क् पाःन्हाॽ खागे़इक्पाहाॽरे़ खुन्छिॽ साप्मुःन्धुम् साप्पन्नो साप्ते़आङ् पत्॥
खे़ने़ॽ आप्फेक् के़नःम्सिङ्ङाङ् लायोलाम् के़हिःन्दे़बाल्ले़, हे़क्क्याङ् कन् लाजेन् नु कप्मोबा मनाहाॽरे़ खुन्छिॽ याःम्बेओ खे़ङ्हाॽ माङ्दे साक्मुरा मे़धाःॽ हे़क्क्याङ् खाप्पुथ्यःङ् मे़बोङ्ॽ के़लॽबा पाःन्निन् के़घे़प्सुआङ् यहवे दाङ्बे़ल्ले़ कुदगि खे़ने़ॽ के़द्ये़बाल्ले़, खे़ब्याङ् खे़ने़ॽ के़जाङ्ङिन् के़धे़ःक्खुआङ् आङ्गाॽ आदगि मे़रिङ् के़धक्ते़बाल्ले़ चोगुल्ले़, आङ्गाॽ खे़ने़ॽ के़बेलिन् खे़प्सुङ्ङाङ् वाॽ, यहवे दाङ्बे़ल्ले़ उवा चोगुॽ॥
कल्ले़चोगुल्ले़ मोसान् नु हारुने़न् फारोओ पेसे़त्छिआङ् मे़त्ते़सु, “हिब्रुहाॽरे़ खुनिॽ निङ्वाॽफुमाङ् यहवे दाङ्बाल्ले़ पाःत्तुॽ, ‘आप्फाल्ले़ थारिक् खे़ने़ॽ आङ्गाॽ आदगि नःम्सिङ्मा के़न्दे़न्ने़म्बाबे? आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽ मे़बेःक्काङ् आङ्गाॽ माङ्से़वा मे़मे़त्तार॥
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
यहवे दाङ्बे़ल्ले़ कुदक्ले़ङ्वाओ खिनिॽ लायो के़जोगुम्बा नु नावाइत्लाहाॽओ सुक्पा के़हाःन्दुम्बाल्ले़ चोगुल्ले़ कन् के़रे़क् किप्मा के़घुबा पाःन्हाॽ पोःक्खे़बारो॥ खुने़ॽ कुइङ्जाङ्हाॽ इःप्मा नाःप्मा के़न्दे़न्दिन् हे़क्क्याङ् खुने़ॽ कुइङ्जाङ्हाॽ, कुधिम्हाॽ नु कुभाङ्हाॽ मे़न्इःत्ते मे़न्नाःत्ते के़वयिॽ॥”
चिगक्वा याङ्साकुन्धे के़नाप्पाहाॽरे़ खुन्छिॽ हुक्को याकुबे़न् हाःत्ले़ हुक्सुप्तुबे, हे़क्क्याङ् इस्राइले़न् फाःन्दाहाॽरे़ खुन्छिॽ हुक्को हाःत्ले़ थासुबे? थे आनिॽ खुने़ॽ कुदक्ले़ङ्वाओ लायो आजोगुम्बा यहवे दाङ्बे़ल्ले़ए थासुसिबा मेःम्बि? थेआङ्भे़ल्ले़ खे़ङ्हाॽ खुने़ॽ कुलाम्मो लाङ्मे़ङ्घेगे़ल्लो, खे़ङ्हाॽरे़ खुने़ॽ कुइङ्जाङ्ङिन् मे़न्इःत्तुन् मे़न्नाःत्तुल्लो॥
Piblisite