यर्मिया 43:12 - लिम्बु12 खे़ल्ले़ मिस्रबा माङ्साम्माङ्हाॽरे़ खुन्छिॽ माङ्हिम्हाॽओ फुत्लुम् मि याक्तु पिरुसि, खुने़ॽ माङ्हिम्हाॽ मिधिक्खुदेसुॽ खे़ब्याङ् नावाइत्लाहाॽ चिगक्वा मे़नाप्तुसिबा हे़क्के तेॽरुसिआङ् पेक्॥ मे़ल्लुक् कम्बाल्ले़ कुजाङ्ङो सिप्तक्पाहाॽ वरे़ङ्ले़ङ् सेगुसिबा हे़क्के खुने़ॽ मिस्र लाजेन् वरे़ङ्ले़ङ् चोगुॽ॥ हे़क्क्याङ् खे़न् लत्छाआङ् मे़ङ्गाःन्ने नुःङ् पेःक्लो॥ Gade chapit la |
यर्मिया 43:12
36 Referans Kwoze
खे़निॽ मिक्के़ल्ले़ के़रे़क् पिसाङ् थे पोङ्ल पत् खे़न् ओमे़त्ते़म्मे़ॽओ, खे़निॽ मनाहाॽ मे़जुम्ल मे़बत् खे़ङ्हाॽ हिम्मो मे़दार मे़बत्लो॥ आङ्गाॽ सदादिङ् कुहिङ्वे़त् वाॽआबा कुइसिक् यहवे दाङ्बे़ल्ले़ पाःत्तुरो, ‘सिसामेःत्तिन् वाःत्ति सामापुमाहाॽ नु हाङ्हाङ् लॽबा कुसिङ् खे़ने़ॽ के़मनाहाॽनु हाङ्हाङ् के़लॽरो॥’
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
खे़न् चाङ्ङिन् नु अन्निन् के़रे़क्नुःल्ले़ मिङ्सो इङ्धाङ्साबा हाङ्ङिल्ले़ कुसुहाङ्युक्पाहाॽओबा मनाधिक् हुक्मे़सुप्तुर, हे़क्क्याङ् हाङ्ङिल्ले़ मिङ्सो इङ्धाङ् पिमा निङ्वाॽ चोगुबा मनान् खे़ङ्हाॽरे़ खे़न् चाङ्ङिन् मे़जाक्तुर, हे़क्क्याङ् हाबा खे़न् अन्नो मे़युक्खुआङ् ये़क्यक्कोबा माराम्हाॽओ खे़ङ्हाॽ मे़बेःक्किल्ले़ अक्खे मे़लॽर मे़अःक्लरो, ‘हाङ्ङिल्ले़ मिङ्सो इङ्धाङ् पिमा निङ्वाॽ चोगुबा मनाःल्ले़ कुलागि थे चोःक्मनाआङ् वाॽ, खे़न् ओमे़त्ते़म्मे़ॽओ॥’”
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
बेबिलोनबा माङ्हाॽरे़ खुन्छिॽ नुप्मे़न् आम्भा कन्लो! थिक् ये़म्मो बेल मे़प्मनाबा नु नेबो मे़प्मनाबा माङ्हाॽ से़वा मे़मे़त्तुसिरो, कर आल्लो खे़ङ्हाॽ पलिःप् पलिःप् लिःप्ल अदङ्हाॽ मे़गुःत्तुसिआङ् वाॽरो, के़नाबा थक्साहाॽरे़ खुन्छिॽ एःक्थाःक्मो खे़ङ्हाॽ साॽरिक् के़लिःप्पा कक् मे़बोःक्खे़आङ् मे़वाॽरो॥
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
Piblisite