थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥
यर्मिया 43:10 - लिम्बु10 खे़ब्याङ् यहुदाबा मनाहाॽ अक्खे मे़त्ते़से़ॽ, ‘मुक्साम्दाङ्बा यहवे दाङ्बा इस्राइलिहाॽरे़ खुन्छिॽ निङ्वाॽफुमाङ्ङिल्ले़ अक्खे पाःत्तुॽ—आङ्गाॽ आसे़वारोबा बेबिलोनबा हाङ् नबुकदनेसरे़न् कन् मिस्र लाजेॽओ से़क्खाए तारुङ्ॽ॥ आङ्गाॽ चिक्खुङ्ङाङ् के़ने़बा कन् लुङ्हाॽ सम्धाङ् खुने़ॽ कुहाङ्युक्नान् युक्खुङ्ॽ॥ खुने़ॽ खे़ल्ले़ कुसम्धाङ् कुहाङ् नाम्धेःक्मान् खिङ्घुॽ॥ Gade chapit la |
यर्मिया 43:10
19 Referans Kwoze
आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
बेन-हददे़न् नु वेॽ हाङ्हाॽ खुन्छिॽ साःङ्गाहिम्हाॽओ सेजःङ्वा थुङ्नु मे़युङे़ खे़ब्याङ् खे़न् इङ्घङ्ङिन् खुने़ॽ खे़प्सु, हे़क्क्याङ् खुने़ॽ कुमनाहाॽ इङ्जाङ् पिरुसि, “थङ् चोःक्मारे़ लागि यारिप् पोःक्खे़म्मे़ॽ॥” हे़क्क्याङ् खे़ङ्हाॽ खे़न् ये़क्यक्किन् थङ्ङो फप्मारे़ लागि यारिप् मे़बोःक्खे़रो॥
यहवे दाङ्बे़ल्ले़ कोरेसे़न् हाङ् पोङ्मारे़ लागि माङ्थोःक्ना चोगुआङ् वाॽरो॥ खुने़ॽ खे़न् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासिरे़ लागि युक्तिङ् चोगुआङ् वाॽरो॥ खुने़ॽ खे़न् हाङ्हाॽरे़ खुन्छिॽ हुक्कोलाम् युक् नाप्मासिरे़ लागि पाङ्घुरो, यहवे दाङ्बे़ल्ले़ खे़ल्ले़ कुलागि ये़क्यक् पाङ्जुम्बा मालाम्धेःत्हाॽ मे़सुबुन्लो॥ यहवे दाङ्बे़ल्ले़ कोरेसे़न् अक्खे मे़त्तुरो—
कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥
Piblisite