यर्मिया 42:6 - लिम्‍बु

⁶ आनिगे सिराॽ थाङ्‌साङ् इग्र सिराॽ मे़धाङ्‌ने़न्‍छाङ्, आनिगे पेलि फाक्‍ते़ आबिरे़ॽ फाॽआङ् पाङ्‌ङासिगे़बा यहवे दाङ्‌बा आनिगे निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् इःत्तुम्‍बे़ नाःत्तुम्‍बे़॥ थेआङ्‌भे़ल्‍ले़ खुने़ॽ कुङ्‌जाःङ्‌ङिन् इःत्तुम्‍बे़ नाःत्तुम्‍बे़ने़भग्र के़रे़क् पाःन्‍हाॽ आनिगे लागि नुबा पोङ्‌ॽ॥”

यर्मिया 42:6 Referans Kwoze

यर्मिया 7:23

कर आङ्‌गाॽ खिनिॽ अक्‍खे मे़त्‍निङ्‌ङाङ् वयाङ्, आङ्‌गाॽ आबाःन्‍निन् इःप्‍मा नाःप्‍मा ते़न्‍दे़म्‍मे़ॽ हे़क्‍क्‍याङ् आङ्‌गाॽ आइङ्‌जाङ् कुइसिक् खिनिॽ हिङ्‌मन् कत्ते़म्‍मे़ॽ॥ हे़क्‍केने़भग्र खिनिॽ नुॽमादामा पोङ्‌ॽ, आङ्‌गाॽ खिनिॽ निङ्‌वाॽफुमाङ् पोङ्‌ङा हे़क्‍क्‍याङ् खिनिॽ आमना के़बोःक्‍खिॽ॥

साम्‌योथिम् इङ् 5:29

आङ्‌गाॽनु किमा हे़क्‍क्‍याङ् आभे़ल्‍ले़साङ् के़रे़क् आबाःन्‍हाॽ खे़म्‍मा खे़ङ्‌हाॽरे़ निङ्‌वाॽ मे़गत्तुम्‍मिल्‍ले़ग नुबा पोःक्‍खे़बा वये़, हे़क्‍केलॽरिक् खे़ङ्‌हाॽ नु खुन्‍छिॽ मुॽइदाङ्‌साहाॽ सदादिङ् मे़नुरे़ मे़दासे़बामे़न्॥

रोमि 8:7

थेआङ्‌भे़ल्‍ले़ लायोबा सुत्‍नाःन् निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ पोःक्‍लो॥ खे़ल्‍ले़ निङ्‌वाॽफुमाङ्‌ङिल्‍ले़ कुसाम्‌योथिम्‍मिन् मे़इःत्तुन् मे़नाःत्तुन् हे़क्‍क्‍याङ् इःप्‍मा नाःप्‍माआङ् मे़सुक्‍तुन्‍लो॥

साम्‌योथिम् इङ् 5:33

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ लाङ्‌घेःक्‍मारे़ लागि के़बिरिबा इङ्‌जाङ् कुइसिक् के़रे़क् लाम्‍हाॽओ लाङ्‌घेगे़म्‍मे़ॽ, हे़क्‍केलॽरिक् खिनिॽ युक् के़जोगुम्‍बा लाजेॽओ खिनिॽ कुहिङ्‌वे़त् वये़म्‍मे़ॽ, हे़क्‍क्‍याङ् खिनिॽ के़नुरि के़दासिर, खे़ब्‍याङ् खिनिॽ थाःक् चाॽररो॥

रोमि 7:13

हे़क्‍केःल्‍ले़ नुबा पाःन्‍निल्‍ले़ इङ्‌गाॽ आलागि सिमे़न् तारुबि? मे़दारुन्‍लो, कर लायोन् लायोएरो लॽरिक् कुसिङ् निःप्‍मा आसुक्‍तुम्‍ल फाॽआङ् लायोल्‍ले़ नुबा पाःन्‍लाम् इङ्‌गाॽओ याम्‍साम्‍गे़न् सिमे़न् तारु, हे़क्‍केःल्‍ले़ साम्‌योइङ्‌जाङ्‌ङिल्‍ले़ चोगुल्‍ले़ लायोन् आल्‍लसाङ् साॽरिक् लायोबा चोक् फाॽआङ् निसुङ्‌लो॥

रोमि 7:7

हे़क्‍केःल्‍ले़ आनिॽ थे पाःप्‍माबे? साम्‌योथिम्‍मिन् लायोबि? से़क्‍खासाङ् मेःन्‍लो! कर साम्‌योथिम्‍मिन् होःप्‍ते़ल्‍ले़ग इङ्‌गाॽ आहिङ्‌मन्‍नोबा लायोहाॽ मे़न्‍निबान्‍मे़न्॥ थेआङ्‌भे़ल्‍ले़ साम्‌योथिम्‍मिल्‍ले़, “खे़ने़ॽ मे़घिःप्‍से़न्‍ने़ॽ” फाॽआङ् मे़बाःत्तुन्‍निल्‍ले़ग इङ्‌गाॽ खिःम्‍मान् ताप्‍फे़ःम्‍बारो के़लॽबा पाःन्‍निन् कुसिङ् मे़निःत्तुङ्‌ङिन्‍बारो॥

यसैया 3:10

साम्‌योबा मनाहाॽ मे़त्ते़से़ॽओ, खे़ङ्‌हाॽरे़ खुन्‍छिॽ लागिग नुबाए पोङ्‌लो, थेआङ्‌भे़ल्‍ले़ खे़ङ्‌हाॽरे़ग नुबा याःम्‍बक् मे़जोगुबा कुइसिक् निङ्‌वाॽ के़माबा थुम्‍घो मे़घोसुरो॥

निङ्‌वाॽफु साम्‍लोसुम् 128:2

स्‍याङ्‌मे़न्‍दाङ् के़जोगु के़धगुबा कुजाःल्‍ले़ खे़ने़ॽ के़योरो, हे़क्‍क्‍याङ् खे़ने़ॽ के़सःत्ताङ् के़नुॽके़दारो॥

यहोसु 24:24

हे़क्‍क्‍याङ् मनाहाॽरे़ यहोसुन् मे़मे़त्तु, “यहवे दाङ्‌बा आनिगे निङ्‌वाॽफुमाङ्‌ङो आनिगे माङ्‌से़वा चोगुम्‍बे़ खे़ब्‍याङ् आनिगे खुने़ॽए इःत्तुम्‍बे़ नाःत्तुम्‍बे़॥”

लाम्‍दिक् 24:7

खे़न् एगाङ् खुने़ॽ यहवे दाङ्‌बे़ल्‍ले़ कुइङ्‌जाङ्‌हाॽ साप्‍मनाबा माङ्‌हुप् साप्‍पन्‍निन् याङ्‌सिङ् हे़क्‍क्‍याङ् मनाहाॽरे़ खुनिॽ तगि मे़घे़प्‍सुर निरुआङ् खे़म्‍बाङ्‌घुसि॥ मनाहाॽरे़ मे़बाःत्तु, “यहवे दाङ्‌बाल्‍ले़ कुइङ्‌जाङ्‌ङिन् आनिगे इःत्तुम् नाःत्तुम्‍बे़रो हे़क्‍क्‍याङ् यहवे दाङ्‌बाल्‍ले़ इङ्‌जाङ् चोगुबा के़रे़क् पाःन्‍हाॽ आनिगे के़त्तुम्‍बे़रो॥”

साम्‌योथिम् इङ् 5:27

खे़ने़ॽ आप्‍फेक्‍के निःत्ताङ् पेगे़ॽ, हे़क्‍क्‍याङ् यहवे दाङ्‌बा आनिगे निङ्‌वाॽफुमाङ्‌ङिल्‍ले़ पाःत्तुबा के़रे़क् पाःन्‍हाॽ खे़प्‍से़ॽआङ् आनिगे ओमे़त्ते़ॽ, खे़ब्‍याङ् आनिगे खे़प्‍सुम्‍बे़आङ् इःत्तुम् नाःत्तुम्‍बे़॥”

यर्मिया 22:15

वेॽहाॽरे़ खुन्‍छिॽ हिम्‍हाॽनुःल्‍ले़ नुबा साम्‍माङ्‌सिङ्‌ङिल्‍ले़ हिम् के़जोगुसाङ् कर खे़ल्‍ले़ खे़ने़ॽ नुबा हाङ् के़म्‍बोङ्‌ने़न्‍लो खे़ने़ॽ के़म्‍बा कुहिङ्‌हिङ् कुनिङ्‌वाॽ त्‍ये़आङ् वये़रो, खुने़ॽ आभे़ल्‍ले़साङ् कुदोःप्‍मा खासे़न् नु के़वाॽबा याःम्‍बक् चोगुरो हे़क्‍क्‍याङ् खुने़ॽ हुक् केःत्तुबा के़रे़क् याःम्‍बक्‍हाॽ चोःक्‍मा थाःत्तुरो॥

यर्मिया 43:4

कल्‍ले़चोगुल्‍ले़ योहानाने़न् नु वेॽ लाम्‍लोबा थक्‍सुबाहाॽरे़ हे़क्‍क्‍याङ् के़रे़क् मनाहाॽरे़ यहुदा लाजेॽओ युङे़म्‍मे़ॽ के़लॽबा यहवे दाङ्‌बे़ल्‍ले़ कुइङ्‌जाङ्‌ङिन् इःप्‍मा नाःप्‍मा मे़न्‍दे़न्‍दे़न्॥

निङ्‌वाॽफु साम्‍लोसुम् 78:36

कर खे़ङ्‌हाॽरे़ खुनिॽ पाःन्‍हाॽग इङ्‌ले़क्‍के वये़रो, हे़क्‍क्‍याङ् खे़ङ्‌हाॽरे़ मे़बाःत्तुबा आत्तिन् पाःन्‍निन्‍नाङ् कुदोःप्‍मा होःप्‍ते़रो॥