यर्मिया 42:5 - लिम्बु5 खे़ब्याङ् खे़ङ्हाॽरे़ यर्मियान् मे़मे़त्तु, “चोगे़म्मे़ॽ फाॽआङ् मे़त्तिगे़बा पाःन्हाॽ आनिगे चोःक्मा मे़दे़न्दिगे़न्ने़भग्र यहवे दाङ्बा आनिॽ निङ्वाॽफुमाङ्ङिन् आनिगे तक्ले़ङ्वाओ से़क्खा नु नसाःन्साबा साखि पोङ्ल॥ Gade chapit la |
यर्मिया 42:5
17 Referans Kwoze
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
खे़निॽ से़ःन्गे़दोसुम्, “यहवे दाङ्बे़ल्ले़ आनिगे थेआङ् लाप्फुसिगे़आङ् वयिगे़बाबे?” थेआङ् अक्खे पोःक्खे़बा आङ्गाॽ मे़त्निङ्ॽ, थेआङ्भे़ल्ले़ खे़ने़ॽ थाङ्बे़न् के़वये़ल्ले़ मेःक्खिम् के़मे़त्तुमा के़मेःत्तिन्नु के़जोगुबा माङ्हुप्पिन् खुने़ॽ निसुरो, खुने़ॽग खे़ने़ॽ के़मेःत् वये़, खुने़ॽनु के़जोगुबा माङ्हुप्पिन् के़भेःन्दु, हे़क्केसाङ् खे़न् मे़न्छुमान् के़न्देःङ्मा नु मेःक्खिम्मो माङ्हुप् के़बोङ्मा के़मेःत्लो॥
“इक्सादिङ् खाम्बेःक्मोबा मे़न्छाम् सुवाङ्से, खिनिॽ के़रे़क्ले़ खे़प्से़म्मे़ॽओ॥ इक्सादिङ् खाम्बेःक्मो नु खे़प्मो के़युङ्बासे, खिनिॽ के़रे़क्ले़ सिङ्सिङ् ये़क्ये़क्काङ् खे़प्से़म्मे़ॽओ॥ हे़क्केलॽरिक् यहवे दाङ्बे़न् कुसेसे हिम्मोलाम्, यहवे दाङ्बा निङ्वाॽफुमाङ्ङिन्ने खिनिॽ तक्ले़ङ्वाओ तोःन्दि पोङ्लरो॥
खे़ब्याङ् जोनाथानरे़ दाउदे़न् मे़त्तु, “नुःरिक्काङ् पेगे़ॽओ, थेआङ्भे़ल्ले़ आन्छिॽ लुम्मो नु आन्छिॽ सामे़न्छाॽ लुम्मो सदादिङ् साःक्खि के़वाॽबा यहवे दाङ्बाल्ले़ कुमिङ्ङो आन्छिॽ ने़प्माङ् माङ्आहे़क्ने़सिआङ् वाॽ॥” खे़म्ब्याङ् दाउदे़न् खे़प्मोनु पे, हे़क्क्याङ् जोनाथाने़न् पाङ्जुम्मो नुःक्खे़रो॥
खे़न् एगाङ् सामुए़लरे़ खे़न् इस्राइलिहाॽ मे़त्तुसि, “आङ्गाॽ आदक्ले़ङ्वाओ खे़निॽ थेआङ् पाःन्हाॽ के़ङ्घोसुम्मिन् फाॽआङ् आइन्बा ये़न्नो यहवे दाङ्बे़न् के़निबा तोःन्दि वाॽ, हे़क्क्याङ् खुने़ॽ सेःन्दुबा मनाःन्नाङ् तोःन्दि वाॽरो॥” हे़क्क्याङ् खे़ङ्हाॽरे़ मे़बाःत्तु, “ओरो, खुने़ॽ के़निबा तोःन्दि वाॽरो॥”
थेआङ्भे़ल्ले़ यहवे दाङ्बा आनिॽ निङ्वाॽफुमाङ्ङिन् पेलि फाक्ते़ आबिरे़ॽ फाॽआङ् आङ्गाॽ याप्मि के़बाङ्घिल्ले़ खिनिॽ नसाःन्साबा कुदोःप्मा के़म्बोःक्खिन्॥ खिनिॽ अक्खे के़बाःत्तुम्, ‘यहवे दाङ्बा आनिॽ निङ्वाॽफुमाङ्ङिल्ले़ थे़मा पाःत्तुॽ आमे़त्ते़बा, हे़क्क्याङ् आनिगे खे़न् चोगुम्बे़रो!’
Piblisite