यर्मिया 42:3 - लिम्बु3 आनिगे आत्ति पेःक्मा पोङ्ॽ हे़क्क्याङ् थे चोःक्मा पोङ्ॽ, यहवे दाङ्बा निङ्वाॽफुमाङ्ङिल्ले़ खे़न् आनिगे ओसेःन्धाक्तिगे़र फाॽआङ् पेलिगे़न् तुवा आजोगे़ आबिरे़ॽ॥” Gade chapit la |
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
खे़प्मो अहावा वालिःल्ले़ कुयाओ के़रे़क् तःक्ने़त् युङ्मारे़ लागि नु आबाङे आनिगे निङ्वाॽफुमाङ्ङिल्ले़ कुदगि चुङ्जिगे़न् नःम्नःम्बा पोङ्मारे़ लागि हे़क्क्याङ् आनिगे लाम्दिःक्को खुने़ॽ लाम्लोसिगे़र हे़क्क्याङ् आनिगे आबाङे लागि, याङ्साकुन्धेरे़ लागि नु साएहाॽ ताङ्से़ःप्मासिरे़ लागि पेलिगे़न् तुवा चोःक्मा पाङ्घुङ्सिङ्॥
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
साङ्ग्राम्पेदाङ्लाम् खे़ङ्हाॽरे़ खुन्छिॽ पेलिन् खे़प्से़ॽओ, खम्भ्याङ् खे़ने़ॽ के़से़वारोबा, खे़ने़ॽ के़मना इस्राइलिहाॽरे़ खुन्छिॽ लायोन् ले़प्मि पिरे़से़ॽओ॥ खे़ङ्हाॽ लाङ्घेःक्मा के़बोङ्बा नुबा ये़प्ले़क्किन् खे़ने़ॽ हुॽरे़से़ॽओ, हे़क्क्याङ् खे़ने़ॽ के़मनाहाॽ खुन्छिॽ लक्खोमारे़ लागि के़बिरुसिबा लाजेॽओ वहित् थासुर याःन्दे़ पिरे़से़ॽओ॥