यर्मिया 42:2 - लिम्बु2 माङ्निङ्वाॽपान् के़बाःप्पा यर्मियाओ मे़द्ये़॥ खे़ङ्हाॽरे़ खुने़ॽ मे़मे़त्तु, “यहवे दाङ्बा आनिॽ निङ्वाॽफुमाङ्ङिन् आनिगे लागि पेलि फाक्ते़ आबिरे़ॽओ॥ खे़ने़ॽ के़निसुर के़वाॽ, तगि आनिगे यरिक् वयिगे़बान् ओमे़प्माल्ले़ आल्लो साॽरिक् सुःल्लिक्लक् नरिगे़आङ् वयिगे़॥ Gade chapit la |
आङ्गाॽ खिनिॽ लुम्मो ताम्भुङ् थक्साहाॽ पाङ्घुङ् तासुङ्सिङ्ॽ, खे़ङ्हाॽरे़ खिनिॽ अङे़ःक्वा साहाॽ मे़जसिॽ, हे़क्क्याङ् खिनिॽ पित्थक्साहाॽ मे़मे़क्खुसिॽ, खम्भ्याङ् खे़ङ्हाॽरे़ खिनिॽ साॽरिक् के़सुःन्दिर के़म्जोगिआङ् खिनिॽ लाम्हाॽए चिजि खक्खक् पोङ्ल यारिक् खे़ङ्हाॽ साॽरिक् यरिक् मे़बोःन्ॽ॥
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
यहवे दाङ्बा के़निङ्वाॽफुमाङ्ङिल्ले़ थङ्ङोबा थक्मोबाल्ले़ कुबाःन्निन् खे़प्सुबि, खे़न् खुने़ॽ कुन्दाङ्बा अस्सुरबा हाङ्ङिल्ले़ सदादिङ् कुहिङ्वे़त् निङ्वाॽफुमाङ्ङिन् माङ्चे़ॽया मे़त्छे़ पाङ्घुआङ् वाॽ, हे़क्क्याङ् यहवे दाङ्बा के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् थक्मोबान् खुम्दिङ् पिरु॥ कल्ले़चोगुल्ले़ के़दाङ्बा के़याःक्पाहाॽरे़ खुन्छिॽ लागि खे़ने़ॽ पेलिगे़न् तुवा चोगे़ पिरे़से़ॽ॥”
खे़ब्याङ् हाङ्ङिल्ले़ निङ्वाॽफुमाङ्ङिल्ले़ कुमनान् मे़त्तु, “आङ्गाॽ आहुक्किन् तगि कुइसिःक्सिःक् चोःक्मारे़ लागि यहवे दाङ्बा खे़ने़ॽ के़निङ्वाॽफुमाङ्ङिन् पेलि फाक्ताङ् पिराङ्ङे़ॽ॥” कल्ले़चोगुल्ले़ खे़ल्ले़ निङ्वाॽ चोगुबा कुइसिःक्के निङ्वाॽफुमाङ्ङिल्ले़ कुमनाःल्ले़ यहवे दाङ्बे़न् पेलि फाक्तु, हे़क्क्याङ् हाङ्ङिल्ले़ कुहुक्किन् तगि हे़क्केए कुइसिःक्सिःक् पोःक्खे़॥
थेआङ्भे़ल्ले़ यहवे दाङ्बा आनिॽ निङ्वाॽफुमाङ्ङिन् पेलि फाक्ते़ आबिरे़ॽ फाॽआङ् आङ्गाॽ याप्मि के़बाङ्घिल्ले़ खिनिॽ नसाःन्साबा कुदोःप्मा के़म्बोःक्खिन्॥ खिनिॽ अक्खे के़बाःत्तुम्, ‘यहवे दाङ्बा आनिॽ निङ्वाॽफुमाङ्ङिल्ले़ थे़मा पाःत्तुॽ आमे़त्ते़बा, हे़क्क्याङ् आनिगे खे़न् चोगुम्बे़रो!’
“आनिगे लागि यहवे दाङ्बान् से़ःन्लाप्ते़ आबिरे़ॽ थेआङ्भे़ल्ले़ बेबिलोनबा हाङ् नबुकदनेसरे़न् नु खे़ल्ले़ कुधक्सुबाहाॽ आनिगे ये़क्यक्किन् हुक्काप् चोःक्मा फाॽआङ् मे़दार मे़बत्॥ से़क्खाःल्ले़ के़बेःक्पा ये़म्मो यहवे दाङ्बे़ल्ले़ आनिॽ लागि निङ्वाॽ के़माबा याःम्बक् चोगुबा हे़क्के आल्लआङ् चोगुआङ् नबुकदनेसरे़न् नुःक्तुदेसुबि॥”
थिक्ये़न् सिदकियाह हाङ्ङिल्ले़ यर्मियाःल्ले़ कुउःत्छे़ पाङ्घुसि हे़क्क्याङ् यहवे दाङ्बे़ल्ले़ कुहिम्मोबा सुम्सिगेक्पा यम्बा लाम्धेःप्पो ताःप्मा पाङ्घुसि॥ हाङ्ङिल्ले़ मे़त्तु, “आङ्गाॽ खे़ने़ॽ कुभा पान् सेःन्दोमा आनिङ्वाॽ वाॽ, हे़क्क्याङ् से़क्खाबा पाःन्निन् माॽमा निङ्वाॽ मे़जोगे़न्ने़ॽ॥”
याङ्सि योहानानरे़ गदल्याहन् स्वाःत्ताङ् तुमुआङ् मे़त्तु, “आङ्गाॽ आप्फेक् पेःक्काआङ् नतन्याहरे़ कुस्सा इस्माएल्ले़न् हाःत्ले़आङ् मे़न्निए से़रुङ्ॽ॥ थेआङ् खुने़ॽ ताआङ् खे़ने़ॽ के़से़त्ल याःम्माबे? हे़क्के पोङ्ङिल्ले़ग खे़ने़ॽ के़गब्रिङ् पिसाङ् के़दाबाआङ् के़वाॽबा यहुदा मनाहाॽ याम्मो फुत्छिङ्ज्याङ् मे़से़ मे़बेःक् हे़क्क्याङ् यहुदाओ के़दाङ्बा के़याःक्पा के़रे़क् मनाहाॽ मे़मे़क्॥”
सिङ्ङिन् ‘आम्बौ’ नु लुङ्ङिन् ‘आम्मौ’ के़मे़त्तुम्लो आबाङे खिनिॽ नारान् आङ्गाॽ ले़प्माङ् के़न्हिसुम्मिन्लो, कर खिनिॽ एःक्थाःक्मान् के़हिसुम्माङ् के़वयिरो खे़ल्ले़चोगुल्ले़ खिनिॽ ये़त्तुक्खेओ के़ध्ये़ॽइरो, खे़ब्याङ् अक्खेलॽरिक् याप्मि पेलि के़भाक्तिरो, ‘ये़ॽआङ् आनिगे याप्मि ताङ्आसे़ःप्ते़ॽओ॥’