यर्मिया 42:18 - लिम्बु18 “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’ Gade chapit la |
यर्मिया 42:18
38 Referans Kwoze
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥
यहुदा नु इस्राइलबा यक्युङ्बासे! आक्खेलॽरिक् मे़न्छाम् सुवाङ्हाॽरे़ खुन्छिॽ लुम्मो खिनिॽ माङ्दे साङ्ग्रा चाहाक् के़बोःक्खिआङ् वये़, खे़ल्ले़चोगुल्ले़ आङ्गाॽ खिनिॽ ताङ्से़ःप्निङ्ॽ हे़क्क्याङ् खिनिॽ हाङ्वागे़न् मुॽइसाम्रे़ कुबुङ् के़बोःक्खिॽ॥ “खिनिॽ मे़गिसे़म्मिन्ने़ॽ, कर खिनिॽ हुक्हाॽ के़धुम्बा पोङ्ल॥”
लत्छा ‘नुसि’ रे़ लागि यरिक् मनाहाॽनु खे़ल्ले़ माङ्हुप् थिक् निःन्धो चोगुॽ॥ ‘नुसि’ लुम्मो खे़ल्ले़ सिदुङ्जभा नु हुक्वाहाॽ नुप्सुॽ॥ हे़क्क्याङ् कुमे़क्मा निःन्धो के़बोङ्बा इङ्जाङ्ङिन् खे़ल्ले़ कुसम्धाङ् मे़न्धाए थारिक् खे़ल्ले़ माङ्हिम्मोबा लत्छा कुलक्को आमे़ङ्मे़ङ्बा याम्गे़सिङ्बा नावाइत्ला थिक् ये़प्सुरो॥”
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
निङ्मि कुइसिक् खुने़ॽ लिओ पे़रे़ःन्जोःन् फत्छुआङ् पत्लो, आअत्अप्पा कुइसिक् खुने़ॽ तक्पे़त् ये़म्सिङ्ङाङ् ये़प्लो॥ मिक्के़ल्ले़ निसुल्ले़ के़वाॽबा सिराॽगे़धाङ्बा पाःन्हाॽ खुने़ॽ निङ्मि हे़क्के के़रे़क् वरे़ङ्ले़ङ् मे़क्खुरो॥ सियोनरे़ कुस्सा मे़न्छुमाःल्ले़ कुसाःङ्गाहिम्मो खुने़ॽ कुसाक्के़न्निन् मि हे़क्के थासुआङ् वाॽरो॥
यरुसले़ःम्लाम्बा मे़दे़म्सुसिआङ् बेबिलोनओ मे़देॽरुसिबा मनाहाॽरे़ खे़प्मो आत्तिन्हाॽसाङ् साङ्ग्रा माङ्दे मे़प्मासि निङ्वाॽ मे़जोगुल्ले़ खे़ङ्हाॽरे़ अक्खे मे़बाःत्तुॽ, ‘बेबिलोनबा हाङ्ङिल्ले़ कुहिङ्वे़त् मिधिक्खुसिबा सिदकियाहःन् नु आहाबबे़न् कुइसिक् यहवे दाङ्बे़ल्ले़ खे़ने़ॽआङ् के़मे़त्लरो॥’
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
यहवे दाङ्बाए, खे़ने़ॽ के़साक्के़न्निल्ले़ आङ्गाॽ मि हे़क्के थुक्कारो, आल्ल आङ्गाॽ खे़न् थम्माआङ् कप्मा मे़सुक्कान्लो॥” हे़क्क्याङ् यहवे दाङ्बे़ल्ले़ आङ्गाॽ अक्खे मे़त्ताङ्लो, “खे़न् आसिक् पोःक्मान् लाम्मो के़वाॽबा हिन्जाॽबित्छाॽहाॽ हे़क्क्याङ् थाङ्बे़न्हाॽ मे़जुम्बादे़न्नो थासे़ॽओ॥ ये़म्बा नु मेःत्हाॽ के़रे़क् मे़दे़म्सु मे़देॽरुसिरो, कुधे़गेक् के़भुप्पा काप्पोबाआङ् मे़ल्ले़रुन्छिन्लो॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खम्भ्याङ् खे़ङ्हाॽरे़ खुन्छिॽ आप्फेक् हुक्किल्ले़ मे़जोगुबा पाःन्हाॽलाम् आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ आङ्गाॽ आसाक्के़न्निन् कल्ले़ कुसम्धाङ् थासुङ्ॽ हे़क्क्याङ् खे़न् चिजि ये़म्ये़म् मे़बोङ्ने़न्॥’
आल्ल खुने़ॽ खे़न् मे़न्छुमान् च्वाःत् थुङ्मा पाङ्घुल्ले़, खे़न् फे़त्लाॽरे़आङ् वाॽ हे़क्क्याङ् खे़ल्ले़ खुने़ॽ कुये़म्बाःल्ले़ कुदक्ले़ङ्वाओ फे़न्याःम्बक् चोगुआङ् वाॽने़भग्र, खे़न् माङ्दे के़दाःप्पा च्वाःत्तिन् खुने़ॽ कुसाप्पोःक्को लाःत्ताङ् साॽरिक् थःप्माए मे़सुक्तुन्ल थारिक् तुक्॥ खे़ल्ले़ कुसाप्पोःक्किन् थङ्दुॽ हे़क्क्याङ् खे़ल्ले़ कुस्सा मे़न्याक्मनामा पोङ्ॽ, हे़क्क्याङ् खे़न् मे़न्छुमान् खुने़ॽ कुमनाहाॽरे़ खुन्छिॽ लुम्मो माङ्दे साङ्ग्रा के़दाःप्मा पोङ्ॽ॥
यरिक्तङ्बा बेबिलोन्बाहाॽनु थङ् मे़धक्ते़ल्ले़ आङ्गाॽ आसिक् पोःक्मा नु साॽरिक् आयाःक्ले़ॽमो आङ्गाॽ से़प्मा कोःत्तुङ्सिङ्बाहाॽरे़ खुन्छिॽ चेहाॽरे़ हिम्हाॽ सधे़क् तिम्॥ कन् ये़क्यक्पा यक्युङ्बाहाॽरे़ खुन्छिॽ फे़न्याःम्बक्किल्ले़ चोगुल्ले़ आङ्गाॽ कन् ये़क्यक्किन् लाप्फुसुङ्ङाङ् ने़ःॽ॥
कन् मिस्र लाजेॽओ खिनिॽ हुक्किल्ले़ के़जोगुम्सिम्बा नावाइत्लाहाॽओ सुक्पा के़हाःन्दुम्माङ् थेआङ् आङ्गाॽ आसिक् के़भोःक्खुम्बाबे? खिनिॽ आबाङेरक् के़मे़ङ्ङासिॽ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ लागि साक्मुरा माङ्दे नु किनाःन्दि चाहाक् के़जोःक्कासिॽ॥
खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥
खे़ङ्हाॽ के़रे़क्नुःल्ले़ यम्बा निङ्वाॽफुमाङ्ङो मे़न्हिसिङ्ङिन्लो, खे़ङ्हाॽ कुसुम् मे़न्दम्मनाबा लिॽइन् हे़क्तङ्बा मे़जोक्लो॥ खे़ङ्हाॽरे़ खुन्छिॽ लाम्लोबाहाॽ खुन्छिॽ आप्फेक् कुनामे़न्छाॽ पाःन्जाःक्किल्ले़ चोगुल्ले़ ताभेःल्ले़ मे़सोन्दुसिरो, कल्ले़ चोगुल्ले़ए मिस्र लाजेॽओ खे़ङ्हाॽ कुनामे़न्छाॽ मे़मे़त्तुसिरो॥”
Piblisite