यर्मिया 42:14 - लिम्‍बु

¹⁴ परुमाल्‍ले़ मिस्र लाजेॽ आनिगे पेगिगे़आङ् युङिगे़रो, खे़प्‍मो थङ्, थङ् पोङ्‌मा इक्‍ला नु सिक्‍लाःक्‍मालाम् लाःत्‍लाःत् पोःक्‍खिगे़,’ के़लॽरिने़भग्र,

यर्मिया 42:14 Referans Kwoze

यर्मिया 41:17

खे़ङ्‌हाॽ बेबिलोनलाम् खे़त्‍छिङ्‌मारे़ लागि मिस्र लाजेॽ पेःक्‍मा निङ्‌वाॽ मे़जोगुआङ् बेथले़हे़मओबा गेरुथ-किम्‍हामओ याङ्‌मे़धोःक्‍ते़॥

यर्मिया 4:19

ये़त्तुक्‍खे, आङ्‌गाॽ कन् ये़त्तुक्‍खेन् नासिथःप्‍मा मे़सुक्‍कान्‍लो! आने़रे़त्तिन्! आङ्‌गाॽ आने़रे़त्तिन् साॽरिक् लुप्‍लुप् लॽर पत्‍लो! आङ्‌गाॽ स्‍वाःत्ताङ् युङ्‌मा मे़सुक्‍कान्‍लो, आङ्‌गाॽ थुत्तुरिःप्‍पाल्‍ले़ कुइक्‍लान् नु थङ्‌ङिल्‍ले़ हयङ् किल्‍लिङ्‌ङिन् खे़प्‍सुङ्‌लो॥

यर्मिया 4:21

आप्‍फाल्‍ले़ थारिक् ते़न्‍धङ् निसान ओमे़प्‍मा पोङ्‌बाबे? हे़क्‍क्‍याङ् मे़ल्‍लुक् सादाङ्‌हाॽ लाइक्‍पा खे़म्‍मा पोङ्‌बाबे?

यसैया 31:1

आभाॽरे़ फाॽआङ् मिस्र लाजेॽओ के़बेःक्‍पाहाॽग मे़जिःत्ते़ मे़स्‍ये़रो! खे़ङ्‌हाॽरे़ मिस्र लाजेॽओबा यरिक् अन्‍हाॽ, अन्‍लाधाहाॽ हे़क्‍क्‍याङ् थक्‍सुबाहाॽरे़ ताङ्‌मे़से़ःप्‍तिगे़ फाॽआङ् मे़इःत्तुरो॥ कर इस्राइलबा सेसेबा निङ्‌वाॽफुमाङ्‌ङिल्‍लो निङ्‌वाॽ मे़न्‌युक्‍खुन्‍लो, हे़क्‍क्‍याङ् खुने़ॽओ कुभाॽआङ् मे़ङ्‌गोःत्तुन्‍लो॥

लाम्‍दिक् 16:3

हे़क्‍क्‍याङ् इस्राइलिहाॽरे़ खे़ङ्‌हाॽ मे़मे़त्तुसि, “मिस्रबा सा थोःक्‍मा खप्‍प्‍याहाॽ कब्रिङ् युङिगे़आङ् आनिगे कुजा नु सा चाम्‍बे़बा वये़मे़न्॥ हाबा खे़न् ये़म्‍मो यहवे दाङ्‌बे़ल्‍ले़ कुहुक्‍कोलाम् स्‍ये़ॽइगे़ल्‍ले़ नुबा पोःक्‍खे़मे़न्॥ कर आनिगे कन् के़रे़क् सङ्‌जुम्‍भोहाॽ साक्‍के़ल्‍ले़ सिमारे़ लागि कन् मुरे़क् खारे़क् थेआङ् के़होप्‍पादे़न्‍नो याप्‍मि के़भे़त्तिआङ् के़वयि॥”

यर्मिया 43:7

मनाहाॽरे़ यहवे दाङ्‌बे़ल्‍ले़ कुबाःन्‍जाक्‍किन् इःप्‍मा नाःप्‍मा मे़न्‍दे़न्‍दे़न् हे़क्‍क्‍याङ् मिस्र लाजेॽ मे़बे, तहपनेस ये़क्‌यक् थारिक्‍के मे़गे़रे़॥

यसैया 30:16

खे़निॽ के़बाःत्तुम्, ‘मेःन्‍ना, आनिगे़ग अन्‍हाॽ युक्‍तुम्‍सिम्‍बे़आङ् खे़त्तासिगे़रो॥’ कल्‍ले़चोगुल्‍ले़ खे़निॽ के़घे़त्तासिरए पोङ्‌लो! खिनिॽ के़बाःत्तुम्, ‘आनिगे हारा के़लोःक्‍पा अन्‍हाॽ युक्‍तुम्‍सिम्‍बे़आङ् खे़त्तासिगे़रो॥’ कल्‍ले़चोगुल्‍ले़ खे़निॽ के़नाःप्‍पाहाॽ खिनिॽनुःल्‍ले़ मे़जाःत्‍लो॥

साम्‌योथिम् इङ् 29:19

आल्‍ल हे़क्‍तङ्‌बा मनाःल्‍ले़ कन् माङ्‌हे़क्‍कोबा पाःन्‍जाःक्‍हाॽ खे़प्‍सुल्‍ले़ खे़न् आप्‍फेक् मुॽइसाम् पिसिङ् हे़क्‍क्‍याङ् अक्‍खेलॽरिक् निङ्‌वाॽ इःत्‍छिङ्‌ॽ, “आङ्‌गाॽ आप्‍फेक् आलाम्‍मो लाङ्‌घेःक्‍काआङ् पत्तासाङ् आङ्‌गाॽ ताप्‍थेक् याम्‍धेक् वाॽआ॥” कन् मनाःल्‍ले़ च्‍वाःत्तिल्‍ले़ वारक्‍खुबा लाजेॽ सम्‍धाङ्‌नु सोसोरिक् कुसे़ङ्‌ग्रा लाजेॽओआङ् तुक्‍खे लाक्‍खे तारुॽ॥

खानिःत् 16:13

पित्‍नु नु सक्‌वाघु के़गुङ्‌बा लाजेॽओलाम् मुरे़क् खारे़क् थेआङ् के़होप्‍पादे़न्‍नो सिसे़ याप्‍मि के़भे़त्ते़साङ् खे़ने़ॽ के़न्‌योरे़न्‍बि? याम्‍मो आनिगे सम्‍धाङ् युक् चोःक्‍माआङ् के़गोःत्तुबि?

लाम्‍दिक् 17:3

कर मनाहाॽ साॽरिक्‍के खुन्‍छिॽ वामिसे़ हे़क्‍क्‍याङ् अक्‍खे मे़लॽरे़आङ् मोसाःल्‍ले़ कुदक्‍ले़ङ्‌वाओ मने़मे़धिक्‍ते़, “खे़ने़ॽ आनिगे, आनिगे साहाॽ नु आनिगे थक्‍साहाॽ वामिःक्‍माल्‍ले़ से़प्‍मारे़ लागि थेआङ् मिस्र लाजेॽलाम् याप्‍मि के़भे़त्ते़बाबे?”

खानिःत् 14:3

निङ्‌वाॽफुमाङ्‌ङिल्‍ले़ ताभेःल्‍ले़ आनिगे से़प्‍मारे़ लागि थेआङ् कन् ते़न्‍नो फे़त्तिगे़र पत्‍छिगे़बाबे? आनिगे मेःत्‍हाॽ नु साहाॽ नाप्‍मनाबा चिगक्‌वा हे़क्‍के मे़दे़म्‍सुसिॽ॥ आल्‍ल आनिॽ मिस्र लाजेॽओए नुःङ्‌मा पेःक्‍मा नुबा मे़बोङ्‌ने़म्‍बि?”

खानिःत् 14:4

हे़क्‍क्‍याङ् खे़ङ्‌हाॽरे़ खुन्‍छिॽ लुम्‍मो अक्‍खे मे़बाःत्तु, “आनिॽ लत्‍छा लाम्‍लोबा सेगुम्‍माङ् मिस्र लाजेॽ नुःक्‍खिॽ॥”

साम्‌योथिम् इङ् 17:16

खे़न् हाङ्‌ङिल्‍ले़ आत्तातान्‍ने यरिक् अन्‍हाॽ मे़भुक्‍खुसिन्‍ल, इग्र आल्‍ल यरिक् अन्‍हाॽ फे़प्‍मासिरे़ लागि मनाहाॽ मिस्र लाजेॽओ मे़न्‍नुःङ्‌ने़न् मे़म्‍बेःक्‍ने़न्‍ल, थेआङ्‌भे़ल्‍ले़ “खे़न् लाम्‍मो याम्‍मो मे़नुःक्‍खे़म् मे़बेगे़म्‍मिन्‍ने़ॽ” फाॽआङ् यहवे दाङ्‌बे़ल्‍ले़ खिनिॽ के़मे़त्तिआङ् वाॽ॥

यसैया 30:2

आङ्‌गाॽ सेःन्‍मे़न्‍दोए खे़ङ्‌हाॽ मिस्र लाजेॽ मे़बेःक्‍लो, फारो हाङ्‌ङिल्‍ले़ नाङिगे़र फाॽआङ् खे़ॽयो मे़लोःक्‍लो, मिस्र लाजेॽओ से़ःप्‍सिङ्‌से़ मे़धासिङ्‌लो॥