यर्मिया 40:3 - लिम्बु3 खुने़ॽ पाःत्तुबा हे़क्केए खे़न् चोगुआङ् वाॽ॥ थेआङ्भे़ल्ले़ कन् मनाहाॽरे़ यहवे दाङ्बे़ल्ले़ कुदक्ले़ङ्वाओ लायो मे़जोगुआङ् वाॽ हे़क्क्याङ् खुने़ॽ कुइङ्जाङ्ङिन् मे़न्इःत्तुन् मे़न्नाःत्तुन्॥ खे़ल्ले़चोगुल्ले़ कन् पोःक्खे़बारो॥ Gade chapit la |
यर्मिया 40:3
12 Referans Kwoze
खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’
“सनारुङ् पोःक्खे़आङ् खे़ङ्हाॽरे़ खे़ने़ॽ के़निमो लायो मे़जोगुरो हे़क्क्याङ् याम्मो खे़ङ्हाॽ खुनिॽ निङ्मिहाॽरे़ मे़नाःन्दुसिआङ् युक्को मे़गत्तुसिर के़जोगुरो॥ कर खे़ङ्हाॽ याम्मो लायो चोःक्मा मे़हिन्दे़रो, हे़क्क्याङ् खे़ङ्हाॽ मे़हाबे़ मे़भिःक्ते़बान् साङ्ग्राम्पेदाङ्ङो खे़ने़ॽ के़घे़प्सुरो हे़क्क्याङ् खे़ने़ॽ साॽरिक् याप्मि लुङ्माॽ आदुक्तुक्पा के़जोःक्पाल्ले़ चोगुल्ले़ खे़ङ्हाॽ ये़त्ले़ङ् ये़त्ले़ङ् ताङ्गे़से़ःप्तुसिरो॥
यहवे दाङ्बे़ल्ले़ कुदक्ले़ङ्वाओ खिनिॽ लायो के़जोगुम्बा नु नावाइत्लाहाॽओ सुक्पा के़हाःन्दुम्बाल्ले़ चोगुल्ले़ कन् के़रे़क् किप्मा के़घुबा पाःन्हाॽ पोःक्खे़बारो॥ खुने़ॽ कुइङ्जाङ्हाॽ इःप्मा नाःप्मा के़न्दे़न्दिन् हे़क्क्याङ् खुने़ॽ कुइङ्जाङ्हाॽ, कुधिम्हाॽ नु कुभाङ्हाॽ मे़न्इःत्ते मे़न्नाःत्ते के़वयिॽ॥”
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
“खे़ने़ॽ पेगे़ॽआङ् इथोपियाबा एबेद-मेलेके़न् मे़त्ते़ॽ, ‘मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ—आङ्गाॽ कन् ये़क्यक्किन् यङ्मा से़रुङ्ङाङ् वाॽआबा के़रे़क् पाःन्हाॽ आङ्गाॽ चोगुङ्ॽ॥ आङ्गाॽ नुॽमादामा मेःन्, मे़क्मासिमे़न् पाङ्घुङ्ॽ॥ कल्ले़ कुमे़क्मा सिमे़न् खे़ने़ॽ के़निसुॽ,
यहवे दाङ्बे़ल्ले़ थेःन् चोःक्मा निङ्सेक् चोगुआङ् वये़, खुने़ॽ थेःन् उवा चोगुआङ् वये़, आम्भा खे़न् चोःक्मा इःत्तुबे़न् के़त्तुरो॥ कुलुङ्माॽ स्याःत् मे़ल्लॽए खे़ने़ॽ चिल्ले़क् के़ले़क्खे़ के़देसे़रो, खुने़ॽ निङ्मिहाॽ खे़ने़ॽ के़सम्धाङ् मे़सःत्ते़र याःन्दुसिरो, खम्भ्याङ् के़अत् के़बाङ्हाॽ पधुम् के़धुम्बा चोगुसिरो॥
Piblisite