यर्मिया 4:8 - लिम्बु8 खे़ल्ले़चोगुल्ले़ सगितेत् चाक्खे़म्मे़ॽओ, हाबे़म्मे़ॽ हे़क्क्याङ् मे़रिङ् थक्ते़म्मे़ॽओ यहवे दाङ्बे़ल्ले़ किप्मागे़घुबा कुयाःक्ले़ॽमान् आनिॽलाम्बा मे़म्बेःक्के वाॽरो॥ Gade chapit la |
यर्मिया 4:8
22 Referans Kwoze
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
आङ्गाॽ खिनिॽ साम्योबा तङ्नाम्हाॽ मे़रिङ् थक्मो हे़क्क्याङ् के़रे़क् साम्लोहाॽ हाःप्मा चिङ्मो ले़क्खुङ् पिनिङ्लो॥ आङ्गाॽ खिनिॽ के़रे़क् सगितेत् के़जाक्खुम्ल चोःक्निङ्लो हे़क्क्याङ् खिनिॽ थे़गेःक्इःन् के़नःक्खुम्ल याःन्निङ्लो॥ लत्छारक् ये़म्बित्छासाःल्ले़ कुलागि मे़रिङ् थक्मनाबा हे़क्के आङ्गाॽ खे़न् ये़म्मिन् पोङ्ल चोगुङ्लो खे़ब्याङ् खे़ल्ले़ कुनुप्मा ये़न्निन् साॽरिक् कुजा के़भे़म्बा पोङ्लो॥”
एफ्राइम्मिल्ले़ कुधाःक्हाॽ नु मनस्सेःल्ले़ कुधाःक्हाॽ आबाङे खुन्छिॽ तक्ले़ङ्वाओ मे़बोक्लो, हे़क्क्याङ् याङ्सि खे़ङ्हाॽ थिक्हुप् मे़बोङ्ङाङ् यहुदान् मे़भत्तुरो॥ करसाङ् यहवे दाङ्बे़ल्ले़ कुसिक् पोःक्मान् मे़न्जिःक्के वाॽरो, हे़क्क्याङ् आल्लसाङ् खुने़ॽ कुहुक्किल्ले़ साःप्सुसिआङ्ङे पत्लो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
“कप्मोलाम् के़बोङ्बाआङ् के़बेःक्पा लाम्दिःक्पाहाॽ के़रे़क्ले़ लागि थे आङ्गाॽ थे़माआङ् मे़ःन्नाबि? के़रे़क् पिसाङ् ओमे़त्ते़म्मे़ॽआङ् ओमुये़म्मे़ॽओ॥ यहवे दाङ्बे़ल्ले़ किप्मागे़घुबा कुसिक् पोःक्मा ये़न्नो खुने़ॽ आङ्गाॽ तुमुङ्बा आदुक्खेन् हे़क्के वेॽ आत्तिन् मनाःल्ले़ आभे़ल्ले़ ये़त्तुक्खे तुमुआङ् वाॽबि?
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
Piblisite