यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
यर्मिया 4:6 - लिम्बु6 सियोन ले़प्माङ् पेःक्मा मिक्सेन् पिआसिम्मे़ॽओ! मे़न्छुए ताङ्से़ःप्सिङ्मारे़ लागि खे़त्छिङ्ङाम्मे़ॽआङ् पेगे़म्मे़ॽओ॥ आङ्गाॽ यहवे दाङ्बे़ल्ले़ मे़क्मासिमान् तारुङ्ल पत्तारो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥” Gade chapit la |
यर्मिया 4:6
19 Referans Kwoze
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
बेबिलोनरे़ कुदक्ले़ङ्वाओ थङ् निसान फोःक्खे़म्मे़ॽओ॥ इक्के़गोबाहाॽ के़धुम्बा चोगे़म्सिम्मे़ॽओ हे़क्क्याङ् इक्के़गोबाहाॽ खे़प्से़म्सिम्मे़ॽओ॥ लत्छा लाःक्युक्मादे़न् चोगे़म्मे़ॽओ, थेआङ्भे़ल्ले़ बेबिलोनरे़ कुदक्ले़वाओ चोःक्मा कोःत्तुबा के़रे़क् पाःन्हाॽ यहवे दाङ्बे़ल्ले़ के़त्तुरो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
थाङ्गे़त् ले़प्माङ् तक्के़मे़प्पा थोसमा यम्बा लाम्धेःप्पोलाम् के़रे़क्ले़ खुन्छिॽ हुक्को आसिसिबा फे़जुम्भे़या खजुम्घयाहाॽ के़गप्पा तुक्सि मनाहाॽ खिमो लिगक् मे़लःन्दे़॥ लिप्लिङ्गे खिःल्ले़न् तेत् के़जाङ्बा मनाधिक् खे़ङ्हाॽनु वये़, खे़ल्ले़ कुहुक्को कुसाप्मा सामाहाॽ कुगेङ्ङो हेसुआङ् वये़॥ खे़ङ्हाॽ के़रे़क् माङ्हिम् लक्खुम्मो मे़बे हे़क्क्याङ् कासा ले़त्ति तोःम्मादे़न्निल्ले़ कुबेसाङ् मे़ये़म्सिङ्॥
Piblisite