कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
यर्मिया 4:29 - लिम्बु29 अन् के़युक्पा नु तोङ् के़आप्पाहाॽरे़ खुन्छिॽ इक्लान् मे़घे़प्सुरो हे़क्क्याङ् ये़क्यक्कोबाहाॽ अक्ले़क् मे़घे़त्छिङ् मे़बेःक्लो॥ कुभा ताम्भुङ् याक्ला ले़प्माङ् मे़बिन् मे़घे़त्लो, वेॽहाॽरे़ सियाक्पेॽ थे़याक्पेॽ लुङ् सम्धाङ् मे़लिङुरो, ये़क्यक्हाॽ के़रे़क् चिजि खक्खक् पोङ्लो, याम्मो खे़प्मो आत्तिन्हाॽआङ् मे़न्वाॽने़न्लो॥ Gade chapit la |
यर्मिया 4:29
14 Referans Kwoze
आङ्गाॽ यहवे दाङ्बे़न् ले़त्ति तोःम्मादे़न्निल्ले़ कुबेसाङ् ये़बे़बा निसुङ्, हे़क्क्याङ् खुने़ॽ आङ्गाॽ अक्खे मे़त्ताङ्लो— “खे़ने़ॽ लाम्धेःप्पुङ्हाॽ मुन्ल थारिक् सित्लाङ्हाॽरे़ कुसम्हाॽओ हिप्ते़ॽओ, सित्लाङ् सम्हाॽरे़ मना थे़गेःक्हाॽ ते़त्तुररो हे़क्क्याङ् के़दाङ्बाहाॽ आङ्गाॽ ताभेःल्ले़ से़रुङ्सिङ्लो॥ लत्छाआङ् खे़त्छिङ्मा मे़ङ्घोने़न्लो लत्थिक्काङ् खे़त्छिङ्मा मे़घोने़न्लो॥
खे़ब्याङ् ये़क्यक्कोबा कुयाधिक् लुङ्धाक्हाॽ पुरुःङ् लुःन्दे़बे, हे़क्क्याङ् के़रे़क् थक्सुबाहाॽ मे़घे़त्छिङ् मे़घे़रे़॥ बेबिलोनिहाॽरे़ ये़क्यक्किन् मे़गबुआङ् ने़स्से़आङ्धोए, खे़ङ्हारे़ से़न्दिक् खाधाम्मान् मे़हाङ्घुआङ् वये़॥ खे़ब्याङ् हाङ्ङिल्ले़ कुभुङ्इक् एगाङ् ले़प्माङ्बा नाहाङ् कत्नाहाङ् ने़त्छि लुङ्धाक्हाॽरे़ कुलुम्मोबा ताःक्हन्नोलाम् खे़ङ्हाॽ मे़भिःन्छिङ् मे़बे हे़क्क्याङ् यर्दन ले़प्माङ्बा ने़ने़बादे़न्नो मे़धासिङ् मे़बे॥
खे़ङ्हाॽरे़ आबाङे खुन्छिॽ लाःक् नु लिन् हुक्को मे़गत्तुरो खे़ङ्हाॽ कुॽइगे़भे़म्बा नु कुलुङ्माॽ स्याःत् मे़ल्लॽमनाबा मे़जोक्लो॥ खे़ङ्हाॽरे़ग अन्हाॽ मे़युक्तुसिआङ् मे़दारो हे़क्केःल्ले़ खे़ङ्हाॽरे़ खुन्छिॽ लाङ्बुक्किन् वरःङ्ङिन् सःक्पा हे़क्के लॽरो॥ नुमासुक्मा यरुसले़ःम्मिन्नु थक्से़ खे़ङ्हाॽ मे़दार मे़बत्लो॥”
यहवे दाङ्बे़ल्ले़ पाःत्तुॽ, “कर आङ्गाॽ यरिक् योःङ् के़ले़प्पाहाॽ पाङ्घुङ्सिङ्ॽ हे़क्क्याङ् खे़ङ्हाॽरे़ कन् मनाहाॽ मे़दे़म्सुसिॽ॥ खे़न् एगाङ्, आङ्गाॽ यरिक् सावागे़म्बाहाॽ पाङ्घुङ्सिङ् हे़क्क्याङ् खे़ङ्हाॽरे़ कन्हाॽ के़रे़क् नाङ्जङ्लुङ्, कोःक्मा फाङ्जङ् नु याक्पेॽओबा लुङ्भुक्कोहाॽलाम् मे़गोःत्तु मे़लःत्तुसिॽ॥
Piblisite