खुने़ॽ कुजुप्साङ् ले़प्माङ् के़ये़प्पा खागे़इक्पाल्ले़ पाःत्तुॽ, ‘यरुसले़म!’ लुङ्धाक् लुःम्मा सिङ्आःत्हाॽनु, मनाहाॽ से़प्मासि यम्बा इक्लाओ मे़अःक्ल, यम्बा लाम्धेःप्पाहाॽरे़ कुदक्ले़ङ्वाओ खुने़ॽ कुधक्सुबाहाॽ मे़भे़न्ॽ॥ खे़ङ्हाॽरे़ किर्गप् कप्मा चङ्हिम्हाॽ मे़ये़प्सुॽ, हे़क्क्याङ् लुङ्धाक्हाॽ लुःम्मारे़ लागि खाम्लुङ्हाॽ थो मे़भोःक्खुॽ॥
यर्मिया 4:16 - लिम्बु16 “मे़न्छाम् सुवाङ्हाॽ मे़त्ते़म्सिम्मे़ॽओ, यरुसले़म के़युङ्बाहाॽ कन् इङ्घङ्ङिन् पिरे़म्सिम्मे़ॽओ ये़क्यक् के़भप्पा थक्सुबाहाॽ माःङ्घा लाजेॽलाम् मे़दार मे़बत्लो॥ यहुदाबा ये़क्यक्हाॽरे़ कुदक्ले़ङ्वाओ थङ्ले़ इक्ला मे़अःक्लो॥ Gade chapit la |
यर्मिया 4:16
18 Referans Kwoze
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
इक्सादिङ् खाम्बेःक्मोबा के़रे़क् मे़न्छाम् सुवाङ्से, निःत्ताङ् त्ये़म्मे़ॽ हे़क्क्याङ् सिङ्सिङ् ये़क्ये़क्काङ् खे़प्साम्मे़ॽओ॥ मे़न्छाम् याप्मिसे, नुरिक् निङ्वाॽ पिरे़म्मे़ॽओ! इक्सादिङ् खाम्बेक् नु खे़प्मो के़वाॽबा काक्ले़ मे़घे़प्सुररो, योॽबालाजेॽ नु खे़ॽयो नावागे़न् चइःत् के़बोङ्बा के़रे़क्ले़ निङ्वाॽ मे़बिरुररो!
थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
खे़ङ्हाॽरे़ आबाङे खुन्छिॽ लाःक् नु लिन् हुक्को मे़गत्तुरो खे़ङ्हाॽ कुॽइगे़भे़म्बा नु कुलुङ्माॽ स्याःत् मे़ल्लॽमनाबा मे़जोक्लो॥ खे़ङ्हाॽरे़ग अन्हाॽ मे़युक्तुसिआङ् मे़दारो हे़क्केःल्ले़ खे़ङ्हाॽरे़ खुन्छिॽ लाङ्बुक्किन् वरःङ्ङिन् सःक्पा हे़क्के लॽरो॥ नुमासुक्मा यरुसले़ःम्मिन्नु थक्से़ खे़ङ्हाॽ मे़दार मे़बत्लो॥”
Piblisite