मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
यर्मिया 4:13 - लिम्बु13 ओमे़त्ते़म्मे़ॽ, खिनिॽ निङ्मिन् खाॽमिःप्पान् हे़क्के तार पत्लो॥ खे़ल्ले़ कुधङ्ङोबा अन्लाहाॽ किप्मा के़घुबा सुरित् केजङ् कुइसिक् मे़दारो हे़क्क्याङ् खे़ल्ले़ कुअन्हाॽ मुयाहाॽनुःल्ले़आङ् मे़जात्लो॥ चिःत्ते़स्ये़रो, आनिगे़ग सुधाम् पोःक्खिगे़! आनिगे हदॽ मे़गिगे़रो! Gade chapit la |
यर्मिया 4:13
28 Referans Kwoze
खुन्छिॽ अन्हाॽ थे़रिङ्बाहाॽनुःल्ले़ हारा मे़लोःक्लो हे़क्क्याङ् युःन्छिक् के़लःम्बा पराबाहाॽनुःल्ले़ के़आःप्पा मे़जोक्लो॥ खे़ङ्हाॽरे़ खुन्छिॽ अन्गे़युक्पाहाॽ माःङ्घाबा लाजेॽलाम् मे़दारो, खे़ङ्हाॽरे़ खुन्छिॽ अन्हाॽरे़ खाम्बाङ्ङिन् मे़बागुरो मयाःल्ले़ सानाःत्तिन् लप्मारे़ लागि पेबा कुइसिक् खे़ङ्हाॽ सुबुबुना तगि मे़सुःक् मे़बेःक्लो॥
खे़ङ्हाॽरे़ खुन्छिॽ तोःङ्हाॽ हासम्सम्बा चोक्लो, हे़क्क्याङ् थङ् चोःक्मारे़ लागि लिओ मे़घिङ्घुआङ् पत्लो॥ खे़ङ्हाॽरे़ खुन्छिॽ अन्हाॽरे़ लाङ्सुःप्पिन् लुङ्से़रुङ्बा कुइसिक् चोक्लो, खे़म्ब्याङ् खे़ङ्हाॽरे़ खुन्छिॽ अन्लाहाॽरे़ काप्लोःक्किङ्ग सुरित् केजङ् हे़क्के के़सुक्पा चोक्लो॥
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
हे़क्क्याङ् खे़न् ये़म्मो ताङ्साक्पो मे़न्छाम्साःल्ले़ कुयुमाल्ले़न् मिक्सेःन्निन् थाःप्पाङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ मे़रिङ् मे़धक्लो॥ खे़ङ्हाॽरे़ मे़न्छाम्सान् ताङ्साक्पो मुक्साम् हे़क्क्याङ् पयम् मिमिदिङ्ङिन्नु खाप्मिःत्तो युःर पप्पा मे़निसुॽरो॥
दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥
“थिक्सिगेःक्पे़न् खिरिङ्बा हे़क्तङ्बा चोगे़, हे़क्क्याङ् खे़ल्ले़ कुलाप्हाॽ मुयाःल्ले़न् हे़क्तङ्बा पत्छे़॥ खे़ल्ले़ कुलाप्हाॽ मे़म्भुॽए थारिक् आङ्गाॽ ओमे़त्तुङ्ङाङ् पत्छाङ्, खे़ब्याङ् खे़न् मना हे़क्के कुलाङ् ने़त्छिरे़ तक्तुर खाम्बाङ्ङोलाम् पोगे़आङ् खे़न् मे़न्छाम् याप्मि निङ्वाॽ मे़बिरु॥
खुने़ॽ कुअन्हाॽरे़ खुन्छिॽ लाङ्दाप्पेॽहाॽओबा खाम्हिःक्किल्ले़ चिजुःत् के़जुःत्लो, हे़क्क्याङ् के़लुःम्बाआङ् के़ने़बा यम्बा के़लाम्धेःत्हाॽलाम् अन्लाधा काप्लोःक्हाॽ नु अन्लाधा के़लोङ्बाहाॽरे़ मे़नुगु मे़भे़त्तुल्ले़, खे़न् इक्लाःल्ले़ खे़ने़ॽ के़लुङ्धाक्हाॽ थुरुप्लुप्ना यङ्ॽ॥
“कुनुप्मा ये़म्मो लाङ्गे़त् ले़प्माङ्बा हाङ्ङिन् खे़न्नु थङ् चोक्, हे़क्क्याङ् थाङ्गे़त् ले़प्माङ्बा हाङ्ङिन् अन्लाधाहाॽ, अन्गे़युक्पाहाॽ नु यरिक् वालाधाहाॽ युरुसिआङ् खे़ल्ले़ कुदक्ले़ङ्वाओ सुरित् केजङ् कुइसिक् युरो॥ खुने़ॽ यरिक् लाजेॽहाॽ थङ्ङो फत्तुसिॽ, खुने़ॽ के़गुङ्बा के़युबा च्वाःत् हे़क्के खे़ङ्हाॽ सुःप्तुसिॽ॥
खे़न् ये़न्नो मनाहाॽरे़ खिनिॽ के़म्येःत्तिरो, खे़ङ्हाॽरे़ मे़रिङ् साम्लोन् साम्मे़मे़त्तुर लासाक् के़म्मे़त्तिरो— ‘आनिगे़ग साॽरिक्के खाप्पुथ्यःङ् पोःक्खिगे़रो! आनिगे मनाहाॽरे़ खुन्छिॽ याङ्साकुन्धेन् पःक्खे़आङ् ने़रो॥ खुने़ॽ खे़न् याङ्साकुन्धेन् आनिगे नाप्तिगे़रो, खुने़ॽ आनिॽ लाजेॽ सिङ्बुङ्हाॽ आनिॽ इङ्ले़क्को के़धाबाहाॽ फःक्खु पिरुसिरो॥’”
खे़ङ्हाॽरे़ आबाङे खुन्छिॽ लाःक् नु लिन् हुक्को मे़गत्तुरो खे़ङ्हाॽ कुॽइगे़भे़म्बा नु कुलुङ्माॽ स्याःत् मे़ल्लॽमनाबा मे़जोक्लो॥ खे़ङ्हाॽरे़ग अन्हाॽ मे़युक्तुसिआङ् मे़दारो हे़क्केःल्ले़ खे़ङ्हाॽरे़ खुन्छिॽ लाङ्बुक्किन् वरःङ्ङिन् सःक्पा हे़क्के लॽरो॥ नुमासुक्मा यरुसले़ःम्मिन्नु थक्से़ खे़ङ्हाॽ मे़दार मे़बत्लो॥”
Piblisite