आप्फेक् कुम्भुॽ कुन्साॽहाॽरे़ खुन्छिॽ लुम्मो एफ्राइमे़न् नुॽदासाङ् आङ्गाॽ खे़न् लुङ्माॽ मे़दुक्कान्लो॥ यहवे दाङ्बालाम् नाङ्गे़न् पिसाङ्बा सुरिःत्तिन् मुरे़क् खारे़क् थेआङ् के़होःप्पादे़न् ले़प्माङ्लाम् हुभे़न्लो॥ खे़ल्ले़ कुज्वाःत् वबुन्दाक्वान् चप्प्रे़क् चप्लो, हे़क्क्याङ् खे़ल्ले़ कुवाबाक्किन् सर्गे़ङ् हेबेःक्लो॥ खे़ल्ले़ के़रे़क् इमे़ल्लुङ्बा कुजिगक्वा युङ्मादे़न्निन् मे़नाप्तुरो॥
यर्मिया 4:11 - लिम्बु11 खे़न् ये़म्मो यरुसले़ःम्मो के़युङ्बाहाॽरे़ अक्तङ्बा मे़घे़प्सुरो, “आओॽओॽबा सुरित् थिक् आमनाहाॽओ तारो खे़ङ्ग एःक्सादे़न्नोबा मुरे़क् खारे़क्पा कोःक्माओलाम् हुःक्तारो॥ खे़न् याॽसिप्लक् के़भे़बा के़देॽबा चुक्सा सुरित् मेःन्लो, Gade chapit la |
यर्मिया 4:11
28 Referans Kwoze
कर साॽरिक् साक्के़न् पोःक्माओ खे़न् चे़ल्ले़क्सेःन् कुसाःप्नु हाॽयाक् मे़आःक्खुरो हे़क्क्याङ् खाम्बाङ्ङो लाप्पुङ् मे़देसुरो॥ नाङ्गे़न् पिसाङ्बा के़ये़म्बा सुरित् केजङ्ङिल्ले़ कल्ले़ कुजाॽहाॽ सर्गे़ङ् हेसुदेसुरो खे़म्ब्याङ् कल्ले़ के़धुम्बा कुबोराक्हाॽ ले़न्दु थासुरो, हे़क्केलॽरिक् खे़न् इसुॽरुआङ् मिःल्ले़ खाप्पुथ्यःङ् चोगुरो॥
हाःप्मारे़ हाःप्मारे़ मिक्वाःल्ले़ आमिक्हाॽ ले़सुरो, आङ्गाॽ आसिक्लुङ्मो आङ्गाॽ याःत्तारो॥ आङ्गाॽ आमनाहाॽ मे़मे़गे़बाल्ले़ चोगुल्ले़, अङे़ःक्वाहाॽ नु नुगे़धुङ्बा आम्ब्रे़ःङ्वा अङे़ःक्वाहाॽ ये़क्यक्कोबा माराम्हाॽओ खुन्छिॽ थना ले़क्खे़बे़ल्ले़ चोगुल्ले़ आङ्गाॽ आलुङ्माॽ फ्याःङ्भ्याःङ् लॽरे़रो॥
खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
के़रे़क् आसुत्थो मना हे़क्तङ्बा पोःक्खिगे़आङ् वयिगे़रो, हे़क्क्याङ् आनिगे साम्योबा याःम्बक्हाॽ के़रे़क् चिःन्जिःन् के़घुबा कुद्रे़क् चाङ् हे़क्तङ्बा पोःक्खे़आङ् वाॽरो॥ आनिगे के़रे़क् ते़त्लाफे़क्वा कुइसिक् इले़मिघे़रिगे़रो, हे़क्क्याङ् आनिगे लायोल्ले़ सुरित् केजङ्ङिल्ले़ हे़क्के पक्खि तेॽरिगे़रो॥
Piblisite