यर्मिया 4:1 - लिम्बु1 यहवे दाङ्बे़ल्ले़ पाःत्तुॽ, “इस्राइलबा मनासे, खिनिॽ नुःङ्मा तामा निङ्वाॽ के़जोगुम्ने़फग्र आङ्गाॽओ नुःक्खे़म् त्ये़म्मे़ॽओ॥ खिनिॽ खे़न् याम्गे़सिङ्बा नावाइत्लाहाॽ आदगिलाम्बा के़घे़त्तुम् हे़क्क्याङ् आङ्गाॽनु ताःक्पोसाबा के़बोक्खिने़भग्र, Gade chapit la |
यर्मिया 4:1
38 Referans Kwoze
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
खे़ङ्हाॽरे़ आङ्गाॽ के़रे़क् आइङ्जाङ्हाॽ मे़इःत्तु मे़नाःत्तुआङ् मोसाःल्ले़ खे़ङ्हाॽ पिरुसिबा थिम्हाॽ नु साम्योथिम्हाॽ खक्पे़त् सिङ्सिङ् ये़क्ये़क्काङ् मे़नाःत्तु मे़इःत्तुने़भग्र, आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा लाजेॽओलाम् इस्राइलिहाॽ आङ्गाॽ याम्मो मे़लःत्तान् मे़देआसिङ्ङिन्ॽ॥”
आल्ल कन् पाःन्हाॽ नु माङ्निङ्वाॽपान् के़बाःप्पा ओदेदरे़ कुस्सा अजर्याहरे़ पाःत्तुबा माङ्निङ्वाॽपान्निन् आसाःल्ले़ खे़प्सुआङ् खुने़ॽ हाङ्हाङ् लॽरे़॥ खुने़ॽ के़रे़क् यहुदा नु बेन्यामिन लाजेॽओ के़युङ्बा सिक्के़ले़ःङ्बा नावाइत्लाहाॽ हे़क्क्याङ् खुने़ॽ हुक्काप् चोगुबा एफ्राइमबा कोःक्मा लाजेॽओबा ये़क्यक्हाॽलाम् सिक्के़ले़ःङ्बा नावाइत्लाहाॽ खक्पे़त् खे़त्तुदेसुसि॥ खुने़ॽ यहवे दाङ्बे़ल्ले़ कुहिम्मोबा आःम्भोॽ तगाङ् के़युङ्बा ले़त्ति तोःम्मादे़न्निन्नाङ् चाःङ्वा मे़त्तु॥
कन्नुःल्ले़ वेॽ यहवे दाङ्बे़ल्ले़ कुहिम्मो निङ्वाॽफुसाम्बा हिल्कियाहःल्ले़ खोसुबा साम्योथिम् इङ्जाङ् साप्पन्नो साप्ते़बा पाःन्हाॽ के़प्मारे़ लागि योसियाहःल्ले़ के़रे़क् खागे़इक्पाहाॽ, हे़क्क्याङ् फे़न्साम् मुरा के़मे़प्पाहाॽ, के़रे़क् हिम्साम्माङ्हाॽ नु नावाइत्लाहाॽ, खे़ब्याङ् यहुदाओ नु यरुसले़ःम्मो निगे़दे़प्पा के़रे़क् याम्गे़सिङ्बा पाःन्हाॽ थ्यःङ् मे़क्खु॥
यरुसले़म नाङ्गे़न् ले़प्माङ् चिःन्जिःन् के़घुबा मे़जोगुबा कोःक्माल्ले़ लाङ्गे़त् पिसाङ् इस्राइलबा हाङ् सोलोमनरे़ सिदोनिहाॽरे़ खुन्छिॽ याम्गे़सिङ्बा माङ्मा अस्तोरेत, मोआबबा सिक्के़ले़ःङ्बा माङ् कमोसे़न् नु अम्मोनबा मनाहाॽरे़ खुन्छिॽ याम्गे़सिङ्बा माङ् मोलोखरे़ कुलागि माङ्धाःन्हाॽ चोगुआङ् ने़स्से़, खे़न् माङ्धाःन्हाॽआङ् योसियाहःल्ले़ आसुत्थो चोगु॥
हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥”
खे़ङ्हाॽ के़रे़क्नुःल्ले़ यम्बा निङ्वाॽफुमाङ्ङो मे़न्हिसिङ्ङिन्लो, खे़ङ्हाॽ कुसुम् मे़न्दम्मनाबा लिॽइन् हे़क्तङ्बा मे़जोक्लो॥ खे़ङ्हाॽरे़ खुन्छिॽ लाम्लोबाहाॽ खुन्छिॽ आप्फेक् कुनामे़न्छाॽ पाःन्जाःक्किल्ले़ चोगुल्ले़ ताभेःल्ले़ मे़सोन्दुसिरो, कल्ले़ चोगुल्ले़ए मिस्र लाजेॽओ खे़ङ्हाॽ कुनामे़न्छाॽ मे़मे़त्तुसिरो॥”
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
“कल्ले़चोगुल्ले़ आल्ल यहवे दाङ्बे़न्नु खिनिॽ किसे़म्मे़ॽ, हे़क्क्याङ् नसाःन्साबा पोःक्खे़म्मे़ॽआङ् खुने़ॽ माङ्से़वा मे़त्ते़म्मे़ॽ॥ खिनिॽ पाधे़बाहाॽरे़ युफ्रेतिस वहःङ् नाधाःम्बि नु मिस्र लाजेॽओ से़वा मे़मे़त्तुसिबा माङ्हाॽ लाप्फुसे़म्सिम्मे़ॽ, हे़क्क्याङ् यहवे दाङ्बाओ माङ्से़वा याःम्बक् चोगे़म्मे़ॽ॥
खे़ल्ले़चोगुल्ले़ यहवे दाङ्बे़ल्ले़ अक्तङ्बा नुगप् पिराङ्लो, “खे़ने़ॽ लायोलाम् के़नुःङ् के़दाने़भग्र आङ्गाॽ खे़ने़ॽ याम्मो ताःक्मा ते़न्नारो हे़क्क्याङ् खे़ने़ॽ याम्मो आसे़वारोबा के़बोङ्लो॥ हने़बा पान् पाःप्मारे़ कुले़क्वाओ कुसि के़याक्पा याःम्बक् के़जोगुने़भग्र खे़ने़ॽ याम्मो आङ्गाॽ आनिङ्वाॽपान् के़बाःप्पा के़बोङ्लो॥ मनाहाॽ खे़ने़ॽ ले़प्माङ् मे़नुःङ्ङाङ् मे़दारो कर खे़ने़ॽ खुन्छिॽ ले़प्माङ् मे़बेगे़न्ने़ॽओ॥
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
योसियाहःल्ले़ इस्राइलिहाॽरे़ खुन्छिॽ के़रे़क् ते़ङ्गप्हाॽओलाम् याम्गे़सिङ्बा खक्पे़त् नावाइत्लाहाॽ इःक्खुदेसुसि, हे़क्क्याङ् इस्राइलओ के़युङ्बाहाॽ के़रे़क् यहवे दाङ्बे़न् माङ्से़वा मे़प्मा पाङ्घुसि॥ खुने़ॽ कुहिङ्हिङ् यहवे दाङ्बा खे़ङ्हाॽरे़ खुन्छिॽ पाधे़बाहाॽरे़ हुन्छिॽ निङ्वाॽफुमाङ्ङिन् तिम्मा नाःप्मालाम् एगाङ् मे़न्नुःक्से़न्लो॥
Piblisite