यर्मिया 39:5 - लिम्बु5 कर बेबिलोनबा थक्सुबाहाॽरे़ खे़ङ्हाॽ मे़नाःत्तु मे़देॽरुसि हे़क्क्याङ् यरिहोबा ने़ने़बादे़न्नो सिदकियाहःन् मे़सिॽरुआङ् मे़दे़म्सु॥ खे़ङ्हाॽरे़ खुने़ॽ मे़दे़म्सुआङ् हमात लाजेॽबा रिब्ला मे़प्मनाबा ये़क्यक्को नबुकदनेसर हाङ्ङिल्ले़ओ मे़देॽरु॥ हे़क्क्याङ् खे़प्मो खे़ल्ले़ सिदकियाहःन् खुम्दिङ् पिमा खासे़न् चोगु॥ Gade chapit la |
यर्मिया 39:5
26 Referans Kwoze
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
“कर यहुदाबा हाङ् सिदकियाहःन्, खुने़ॽ कुसुहाङ्युक्पाहाॽ हे़क्क्याङ् कन् लाजेॽओ के़युङ्बा के़याःक्पा यरुसले़ःम्मोबा मनाहाॽ नु मिस्रओ के़बेःक्पाहाॽ, आङ्गाॽ खे़न् ताप्फे़ःम्बा चामा सुक्मे़न्दे़प्मनाबा पःत्छेॽहाॽ कुसिङ् इःत्तुङ्सिङ्ङाङ् हे़क्केलॽरिक्के ताप्फे़ःल्लिक् मे़त्तुङ्सिङ्ॽ॥
दमस्कसे़ल्ले़ कुयाःम्बेओ कन् इङ्घङ्ङिन् के़रे़आङ् वये़॥ यहवे दाङ्बे़ल्ले़ अक्खे पाःत्तुरो— “हमात नु अर्पाद ये़क्यक्हाॽ किमा यङ्मे़ल्ले़ तरुसिरो, थेआङ्भे़ल्ले़ खे़ङ्हाॽरे़ आप्फेक् याःम्बेओ खाप्पुथ्यःङ् पोङ्मा इङ्घङ् मे़घे़प्सुआङ् वाॽरो॥ के़नाङ्बा वरःङ्ङिन् कुङ्बा हे़क्के खे़ङ्हाॽरे़ खुन्छिॽ निङ्वान् तुक्खे चारो॥
थाङ्गे़त् थो लाम् खे़ङ्हाॽ के़रे़क् अन्लाधाहाॽ, पित्लाधाहाॽनु सोसोरिक्, हे़क्क्याङ् थङ्ले़ लागि यारिप् के़बोङ्बा साॽरिक् यरिक् थक्सुबाहाॽ खे़ने़ॽ के़दक्ले़ङ्वाओ मे़युरुरो॥ खे़ङ्हाॽ के़रे़क् पिसाङ् खुन्छिॽ ये़प्मादे़न्नो मे़ये़म्सिङ्ॽ, खोहाॽ नु ताङ्घुःक्हाॽ के़याङ्सिङ्बा फे़जुम्भे़या खजुम्घया के़हेबा मनाहाॽरे़ खे़ने़ॽ किर्गप् के़म्गप्॥ हे़क्क्याङ् खुम्दिङ्ले़ लागि आङ्गाॽ खे़ने़ॽ खे़ङ्हाॽरे़ खुन्छिॽ हुक्को हुक्सुप्ने़रो हे़क्केलॽरिक् खे़ङ्हाॽरे़ खुन्छिॽ निङ्वाॽ तादा खे़ने़ॽ के़म्मे़त्॥
खे़ने़ॽ के़युक्साबाहाॽ के़रे़क् थिक्ले़ङ्ले़ सोरिक् मे़घे़त्छिङ् मे़बेरो, हे़क्क्याङ् खे़ङ्हाॽ तोङ् लिरे़ मे़न्आप्सिङ्ङेए इघेःङ्ङो मे़ध्ये़रो॥ निङ्मिहाॽ माःङ्घा मे़वये़ःल्ले़सा खे़निॽ के़घे़त्तासि के़बेगिरो, हे़क्क्याङ् खे़निॽ थिक्ले़ङ्ले़ सोरिक् इघेःङ्ङो के़धाबाहाॽ के़रे़क् के़म्दे़म्सिआङ् के़म्देॽरिरो॥
Piblisite