यर्मिया 39:18 - लिम्‍बु

¹⁸ थेआङ्‌भे़ल्‍ले़ खे़ने़ॽ के़निङ्‌वान् आङ्‌गाॽओ के़युक्‍खु, आङ्‌गाॽ हाङ्‌से़म् कुइसिक् खे़ने़ॽ के़हिङ्‌ल याःन्‍ने़॥ आङ्‌गाॽ खे़ने़ॽ ताङ्‌से़ःप्‍ने़ हे़क्‍क्‍याङ् ताप्‍थेक् याम्‍धेक् कत्‍ने़॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥’”

यर्मिया 39:18 Referans Kwoze

यर्मिया 38:2

“यहवे दाङ्‌बे़ल्‍ले़ अक्‍खे पाःत्तुॽ, ‘आत्तिन्‍हाॽ यरुसले़ःम्‍मो मे़युङ्‌ॽ खे़ङ्‌हाॽ ते़न्‍धङ्, साक्‌वाःन्, इग्र मिङ्‌देल्‍ले़ मे़सिःॽ, कर आत्तिन्‍हाॽ मे़बेःक्‍काङ् बेबिलोनबाहाॽओ मे़घे़ःम्‍सिङ्‌ॽ खे़ङ्‌हाॽ मे़न्‍छिने़न्॥ खे़ङ्‌हाॽरे़ हिङ्‌मन् मे़घोसुॽ॥ खे़ङ्‌हाॽ मे़हिङ्‌ॽ॥’

निङ्‌वाॽफु साम्‍लोसुम् 34:22

यहवे दाङ्‌बे़ल्‍ले़ कुसे़वारोबाहाॽ से़ःप्‍तुसिरो, खुने़ॽओ इःम्‍सिङ्‌से़ के़दाबाहाॽ मे़दाङ्‌लो॥

यर्मिया 21:9

कन् ये़क्‌यक्‍को आत्तिन् युङ्, खे़न् ते़न्‍धङ्, साक्‌वान् इग्र माङ्‌दुक्‍माल्‍ले़ सिःॽ कर आत्तिन् लःन्‍नाङ् पेक् हे़क्‍क्‍याङ् आल्‍लो ये़क्‌यक्‍किन् के़भप्‍पा के़दाःप्‍पा बेबिलोनिहाॽरे़ खुन्‍छिॽ हुक्‍को आबाङे हुक्‍सुप्‍सिङ्‌ॽ, खे़न् मे़सिने़न्॥ खे़ल्‍ले़ थे मेःन्‍छाङ् खुने़ॽ कुहिङ्‌मे़न् ताङ्‌घुॽ॥

एफिसि 1:12

हे़क्‍केलॽरिक् आनिगे यहुदिहाॽ के़रे़क्‍नुःल्‍ले़ तगि ख्रिस्‍तओ निङ्‌साङ् के़जोःक्‍पाहाॽए मिमिदिङ्‌गे़न् निङ्‌वाॽफुमाङ्‌ङिल्‍ले़ कुनारा के़भोबा पोःक्‍खिगे़ररो॥

निङ्‌वाॽफु साम्‍लोसुम् 84:12

मुक्‍साम्‍दाङ्‌बा यहवे दाङ्‌बाए, खे़ने़ॽओ ताःक्‍पो के़जोःक्‍पा मनान् मुॽइसाबारो॥

निङ्‌वाॽफु साम्‍लोसुम् 147:11

कर यहवे दाङ्‌बान् मिङ्‌सो इङ्‌धाङ् के़बिबाहाॽनु कुनिङ्‌वाॽ तारो, हे़क्‍क्‍याङ् खुने़ॽ चक्‍मे़ल्‍लॽए लुङ्‌माॽ तुक्‍तुसिबा पाःन्‍नो निङ्‌वाॽ के़युङ्‌बाहाॽनु सःत्‍लो॥

१ साप्‍मुःन्‍धुम् 5:20

खे़ङ्‌हाॽरे़ निङ्‌वाॽफुमाङ्‌ङिल्‍ले़ कुलाम् ओमे़मे़त्तुआङ् पेलि मे़भाक्‍तुबाल्‍ले़ चोगुल्‍ले़ खुने़ॽ खुन्‍छिॽ पेलिन् खे़प्‍सु हे़क्‍क्‍याङ् खे़ङ्‌हाॽ थङ् चोःक्‍मा के़नाःम्‍बा मे़बोःक्‍खे़॥ हे़क्‍क्‍याङ् हग्रिहाॽ नु खुन्‍छिॽ के़रे़क् तेःङ्‌जुम्‍बा लाजेॽहाॽ खे़ङ्‌हाॽरे़ खुन्‍छिॽ हुक्‍को मे़ध्‍ये़॥

निङ्‌वाॽफु साम्‍लोसुम् 37:3

यहवे दाङ्‌बान् ताःक्‍पो चोगे़ॽआङ् वेॽहाॽ नुरिक् मे़त्ते़से़ॽओ, हे़क्‍केलॽरिक् लाजेॽओ के़युङ्‌ङाङ् से़ःप्‍सिङ्‌मा के़घोसुरो॥

निङ्‌वाॽफु साम्‍लोसुम् 33:18

कर यहवे दाङ्‌बे़ल्‍ले़ कुइङ्‌जाङ् के़इःप्‍पा के़नाःप्‍पा हे़क्‍क्‍याङ् खुने़ॽ से़क्‍खा लुङ्‌माॽ आदुक् फाॽआङ् खुने़ॽओ निङ्‌वाॽ के़युङ्‌बाहाॽ कम्‍ब्राङ् मे़त्तुसिरो॥

१ पत्रुस 1:21

खुने़ॽलाम्‍बाए निङ्‌वाॽफुमाङ्‌ङिन् नसान् के़जोगुम्, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ खुने़ॽ सिमे़न्‍लाम् हिङ्‌घुआङ् कुमिमिदिङ् चोगु॥ खे़ल्‍ले़चोगुल्‍ले़ निङ्‌वाॽफुमाङ्‌ङिन् खिनिॽ नसान् नु निङ्‌साङ् के़जोगुम्‍माङ् के़वयिॽरो॥

रोमि 2:12

थिम्‍मे़न्‍दङ् सुवाङ्‌हाॽरे़ साम्‌योथिम् मे़ङ्‌गत्तुन्‍छाङ् लायो मे़जोगुल्‍ले़ खुम्‍दिङ् मे़घोसुॽ, हे़क्‍केलॽरिक्‍के यहुदिहाॽरे़ साम्‌योथिम्‍मिन् मे़गत्तुबाल्‍ले़ चोगुल्‍ले़ खे़ङ्‌हाॽरे़ लायो मे़जोगुल्‍ले़ साम्‌योथिम् कुइसिःक्‍के खुम्‍दिङ् मे़घोसुॽरो॥

यसैया 26:3

आत्तिल्‍ले़ कुनिङ्‌वान् खे़ने़ॽओ इगेःक् लॽआङ् पत्, खे़न् मनान् नुरिक्‍काङ् सनारुङ्‌ङो के़गत्तुरो, थेआङ्‌भे़ल्‍ले़ खे़न् मनाःल्‍ले़ कुनिङ्‌वान् खे़ने़ॽओ युक्‍खुआङ् वाॽरो॥

निङ्‌वाॽफु साम्‍लोसुम् 2:12

आबुगे़न् कुस्‍सान् मिङ्‌सो इङ्‌धाङ् पिरे़म्‍मे़ॽओ, मेःन्‍ने़भग्र यहवे दाङ्‌बे़ल्‍ले़ कुसाक्‍के़न् पोःक्‍काङ् हक्‍चघत् खिनिॽ मे़म्‍भै के़जोगिरो॥ कर से़ःप्‍सिङ्‌से़ खुने़ॽओ के़बेःक्‍पाहाॽ के़रे़क् मुॽइसाबासिरो॥

अयुब 5:20

साक्‌वान् ताबा ये़म्‍मो खुने़ॽ खे़ने़ॽ के़हिङ्‌ङाङ् के़गत्‍लो हे़क्‍क्‍याङ् खे़ने़ॽ थङ्‌ङो के़धाआङ् के़वाॽइल्‍ले़ सिमे़न्‍लाम्‍बा खुने़ॽ ताङ्‌गे़से़ःप्‍लो॥

निङ्‌वाॽफु साम्‍लोसुम् 91:7

के़बेसाङ् हे़न्‍छिङ्‌धिक् मनाहाॽ मे़जोन्‍लो हे़क्‍क्‍याङ् के़घिरि थिबोङ् हे़न्‍छिङ् मनाहाॽ चोःम्‍माआङ् सिमा मे़सुक्‍लो, कर खे़ने़ॽग थेआङ् के़ल्‍लॽने़ल्‍लो॥