यर्मिया 39:15 - लिम्‍बु

¹⁵ यर्मियान् इक्‍के़गोबाहाॽरे़ खुन्‍छिॽ लक्‍खुम्‍मो यागे़ल्‍ले़ यहवे दाङ्‌बे़ल्‍ले़ कुइङ्‌घङ्‌ङिन् खुने़ॽओ के़रे़आङ् वये़,

यर्मिया 39:15 Referans Kwoze

२ तिमोथि 2:9

बा खे़न् सुनाइङ्‌ङिन् इङ्‌गाॽ इङ्‌भोसुङ्‌बाल्‍ले़ चोगुल्‍ले़ तुक्‍खे चाआर वाॽआ, हे़क्‍क्‍याङ् कुभाङ् के़भेःम्‍बा कुइसिःक्‍काङ् इघेःङ्‌ङो थाआरो॥ कर निङ्‌वाॽफु पाःन्‍जाक्‍किङ्‌ग आप्‍फाल्‍ले़आङ् इघेःङ्‌ङो मे़धाने़न्‍लो॥

यर्मिया 39:14

यर्मियान् इक्‍के़गोबाहाॽरे़ खुन्‍छिॽ लक्‍खुम्‍मोलाम् लाःक्‍कात् लःप्‍मारे़ लागि पाङ्‌घुसि॥ हे़क्‍क्‍याङ् खुने़ॽ हिम्‍मो ताःप्‍मारे़ लागि अहिकामे़ल्‍ले़ कुस्‍सा, सापाने़ल्‍ले़ कुम्‍मे़न्‍छाॽ गदल्‍याहन् ओमे़प्‍मा याःम्‍बक् मे़बिरु॥ अक्‍खेलॽरिक् यर्मियान् आबाङे कुमनाहाॽनु सोरिक् वये़॥

यर्मिया 37:21

खे़ल्‍ले़चोगुल्‍ले़ सिदकियाह हाङ्‌ङिल्‍ले़ यर्मियान् लुम्‍बात् याक्‍फाङ्‌ङो नुःक्‍मादे़मा मे़बाङ्‌घुसिन्॥ परुमाल्‍ले़ खुने़ॽ माङ्‌हिम्‍मोबा इक्‍के़गोबाहाॽरे़ खुन्‍छिॽ लक्‍खुम्‍मो साक्‍मा युङ्‌मा इङ्‌जाङ् पिरुसि॥ यर्मियान् खे़प्‍मोए युङ्‌माआङ् ये़क्‌यक्‍को के़रे़क् खरे़ःङ्‌हाॽ मे़म्‍माःत्ते थारिक् खुने़ॽ थिक्‌याःन्‍धक् खारक् ले़ःङ्‌मनाबा खरे़ःङ् मे़बिरुर फाॽआङ्‌ङाङ् हाङ्‌ङिल्‍ले़ इङ्‌जाङ् पिरुसि॥ कम्‍भलॽरिक् हाङ्‌हिम् लक्‍खुम्‍मोबा पुङ्‌लाहिम्‍मो यर्मियान् मे़साक्‍तु मे़युक्‍खुरो॥

यर्मिया 38:13

खे़ङ्‌हाॽरे़ खुने़ॽ लाःक्‍कात् मे़उःक्‍खु मे़लःत्तु॥ खे़ल्‍ले़चोगुल्‍ले़ यर्मियान् तगि यागे़बा हाङ्‌हिम्‍मोबा इक्‍के़गोबाहाॽरे़ खुन्‍छिॽ लक्‍खुम्‍मोबा पुङ्‌लाहिम्‍मो नुःक्‍खे़रो॥

यर्मिया 38:28

हे़क्‍क्‍याङ् यरुसले़ःम्‍मिन् निङ्‌मिहाॽरे़ खुन्‍छिॽ हुक्‍को थ्‍ये़बा ये़न् थारिक् यर्मियान् इक्‍के़गोबाहाॽरे़ खुन्‍छिॽ लक्‍खुम्‍मो पुङ्‌लाधाबा पोःक्‍खे़आङ् यागे़रो॥

यर्मिया 37:15

खे़ङ्‌हाॽ यर्मियाःन्‍नु खुन्‍छिॽ साॽरिक् याःक्‍ले़ॽरे़ हे़क्‍क्‍याङ् खुने़ॽ मे़हिप्‍तुआङ् सुहाङ्‌मिबा जोनाथनरे़ कुहिम्‍मो मे़साक्‍तु मे़युक्‍खु॥ जोनाथनरे़ कुहिम्‍मिन् मना साक्‍मा पुङ्‌लाहिम् मे़जोगुआङ् ने़स्‍से़॥